Matewu 5:19 - Xitsonga (Bibele)

¹⁹ Hikwalaho la tlulaka wun'wanyana wa milawu leyitsongo leyi, kutani a dyondzisa vanhu ku endlisa sweswo, u ta vuriwa lontsongo eku fumeni ka matilo. Kambe la hlayiseke nawu kutani a wu dyondzisa, u ta vuriwa lonkulu eku fumeni ka matilo.

BIBELE Mahungu Lamanene

¹⁹ Hikwalaho loyi a nga ta tlula wun'wanyana wa milawu leyitsongo leyi, kutani a dyondzisa vanhu ku endlisa sweswo, ú ta vuriwa lontsongo eMfun'weni wa matilo. Kambe loyi a nga ta yi hlayisa ni ku yi dyondzisa, ú ta vuriwa lonkulu eMfun'weni wa matilo.

Testamente Leyimpsha Xichangana

¹⁹ Hikolaho, lweyi angatatlula wun'we wa milawu leyitsongo leyi, kutani ajondzisa vanhu kuyendlisa svosvo, atavuliwa lwentsongo Mfun'wini wa matilo. Kambe lweyi angatayihlayisa ni kuyijondzisa, atavuliwa lwenkulu Mfun'wini wa matilo.

Matewu 5:19 Iomraidhean Croise

Pisalema 119:128

Ndzi kuma na kona, leswaku swiletelo swa wena swi lulamile eka hinkwaswo; Kutani ndzi vengile tindlela ta mavunwa.

Pisalema 119:6

Hi laha ndzi nga tiki va ni tingana, Loko ndzi anakanya ku lerisa ka wena hinkwako.

Daniele 12:3

Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

Matewu 11:11

Ndzi vurisile ndzi ri eka n'wina: Eka lava velekiweke hi vavasati, a ku humelelanga un'wana la nga nkulukumba eka Yohane Mukhuvuri; kambe lontsongo eku fumeni ka matilo i nkulukumba eka yena.

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Matewu 20:26

swi nga endlisi sweswo eka n'wina, kambe mani na mani la rhandzaka ku va lonkulu exikarhi ka n'wina, a a ve tanihi khumbi ra n'wina;

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Luka 1:15

hikuva u ta va nkulukumba emahlweni ka Hosi, a nga ka a nga nwi vhinyo ni byalwa, kambe u ta tala moya lowo kwetsima a ha ri ekhwirini ra mana wa yena.

Luka 11:42

“Kambe mi ni khombo, n'wina Vafarisi, hikuva mi humesa ku pambula ka vukhume ka mbowa ni ka matsavu hinkwawo, kasi mi tshika ku lulama ni rirhandzu ra Xikwembu! A mi fanele ku humesa swilo leswi, kambe, ni swoleswo, mi nga swi tshiki.

Luka 9:48

“Un'wana ni un'wana la amukelaka xihlangi lexi hi vito ra mina, wa ndzi amukela; kutani la ndzi amukelaka, u amukela la ndzi rhumeke. Hikuva lontsongo exikarhi ka n'wina hinkwenu, hi yena la nga ta va lonkulu.”

Timhaka 1:1

Oho Teyofilo! Ebukwini yo sungula, ndzi tsarile timhaka hinkwato leti Yesu a nga sungula ku ti endla ni ku ti dyondzisa,

Varhoma 3:8

Kutani a hi endli ha yini swo biha leswaku ku ta humelela leswo saseka ha swona, hilaha hi lumbetiwaka hakona hi van'wana loko va tiyisa leswaku hi vurisa sweswo; kambe lavo tano, ku avanyisiwa ka vona ku lulamile!

Varhoma 6:1

Hi ta ku yini-ke? Xana hi ta tshama eku dyoheni leswaku tintswalo ti ta andza xana?

Varhoma 6:15

Hi ta ku yini? Xana hi ta dyoha leswi hi nga riki hansi ka nawu kambe hi nga hansi ka tintswalo xana? E-e, swi nga tshuki swi va tano.

Duteronoma 12:32

“Timhaka hinkwato leti ndzi mi lerisaka tona, mi ta ti hlayisa mi endla ha tona; u nga tshuki u ti engetela hi nchumu, kambe u nga tshuki u hunguta nchumu eka tona.

Duteronoma 27:26

“ ‘A ku rhukaniwe mani na mani la nga tiyiseriki marito ya nawu lowu hi ku endla ha wona!’ Kutani tiko hinkwaro ri ta hlamula ri ku: ‘Amen!’

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

Tito 3:8

Rito leri ri tiyile, kambe ndzi rhandza leswaku u tiyisa hi matimba timhaka leti, leswaku lava pfumeleke eka Xikwembu va tilangutela, va ta rhanga va chivirikela mitirho leyinene: Hi swona leswinene, leswi lulamelaka vanhu.

1 Petro 5:4

Kutani loko murisi lonkulu a ta humelela, mi ta amukela harhi leyi nga boriki ya ku kwetsima.

1 Yohane 3:4

Un'wana ni un'wana la dyohaka u tlula nawu; hikuva ku dyoha i ku tlula nawu.

Nhlavutelo 2:20

Kambe ndzi ni mhaka ehenhla ka wena: U pfumelela Yezabele, nsati loyi a tivulaka muprofeta, ku dyondzisa ni ku hambukisa malandza ya mina, leswaku va endla vuoswi, va dya ni leswi nga tlhaveriwa swifaniso swa swikwembu.

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.