Matewu 5:16 - Xitsonga (Bibele)

¹⁶ Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

BIBELE Mahungu Lamanene

¹⁶ Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Testamente Leyimpsha Xichangana

¹⁶ Kuvonakala ka n'wina akuvoningele vanhu hi mukhuva wolowo, lesvaku vatavona mintirho ya n'wina leyosaseka, vadzunisa Tatana wa n'wina lweyi anga matilweni.

Matewu 5:16 Iomraidhean Croise

Eksoda 34:35

Vana va Israele va vone leswaku mombo wa Muxe wa hatima, kutani Muxe a tlhela a tifunengeta mombo, a ko a tlhela a nghena ku ya vulavula na Yehovha.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Esaya 58:8

“Ku vonakala ka wena ku ta ta kukota vurhonga ku hanyisiwa ka wena ku ta hatlisa ku mila ku lulama ka wena ku ta ku rhangela emahlweni; ku twala ka Yehovha ku ta ku heleketa.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Matewu 23:9

Kambe mi nga tshuki mi vula munhu la emisaveni, tatana, hikuva i un'we ntsena la nga Tata wa n'wina, hi loyi a nga ematilweni.

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:9

“N'wina khongerisani xisweswo: ‘Tata wa hina la nga ematilweni, vito ra wena a ri hlawuriwe,

Matewu 9:8

Vunyingi loko byi vona sweswo, va hlamala, va chava, va dzunisa Xikwembu, hikuva xi nyike vanhu matimba layonghasi.

Luka 11:2

Kutani a ku eka vona: “Loko mi khongela, mi nge: “ ‘Tata wa hina la nga etilweni: Vito ra wena a ri hlawuriwe; a ku te ku fuma ka wena; ku rhandza ka wena a ku endliwe la emisaveni tanihi loko ku endliwa etilweni.

Yohane 15:8

Laha Tatana a dzunisiwaka hakona, hi loko mi veka mihandzu ya ku tala, hilaha mi nga ta va vadyondzisiwa va mina.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

1 Vakorinto 14:25

hi mukhuva wolowo, makungu ya mbilu ya yena ma vonakisa, kutani u ta tiwisela ehansi hi mombo, a khongela Xikwembu, kutani u ta vula leswaku Xikwembu xi le xikarhi ka n'wina hi xiviri.

2 Vakorinto 9:13

va ta dzunisa Xikwembu loko va vona nhlengo wolowo, hikuva, na n'wina, mi yingisa Evhangeli ya Kriste, yoleyo mi tivulaka ha yona leswaku mi va ni ku hanana ka xiviri eka vona ni ka hinkwavo,

Vagalatiya 1:24

Kutani a ti khensa Xikwembu hikwalaho ka mina.

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

1 Timotiya 2:10

kambe ku va hi mitirho leyo saseka, hilaha swi lulamelaka hakona vavasati lava tivulaka leswaku va dzunisa Xikwembu.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

1 Timotiya 5:25

Kambe na yona mitirho yo saseka ya van'wana, yi le rivaleni kambe na yona leyi nga riki tano, yi nga ka yi nga fihliwi.

1 Timotiya 6:18

va tirha leswo saseka, va fuwa mitirho leyinene va rhandza ku avela van'wana swa vona, va hanana;

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Tito 2:7

eka hinkwaswo u tiendla ntila wa mitirho leyinene, hi ku dyondzisa loku tengeke, loku nga riki na xisandzu,

Tito 3:14

Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.

Tito 3:4

Kambe siku ku vonakalaka vunene bya Xikwembu, Mulondzovoti wa hina, ni rirhandzu ra xona eka vanhu,

Vaheveru 10:24

A hi lavelaneni leswaku hi ta fambisana hi ku chivirika erirhandzwini, ni le mitirhweni leyo saseka.

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

1 Petro 3:1

Hi mukhuva wolowo, na n'wina, vavasati, yingisani vanuna va n'wina, leswaku hambi van'wana va nga va kona lava nga yingisiki rito, va ta kokiwa hi mikhuva ya vasati va vona ku nga ri hi rito,

1 Petro 3:16

mi va ni ripfalo lerinene, leswaku timhaka leti va mi lumbetaka ha tona kukotisa loko ngi mi ri swidyohi, va khomiwa hi tingana eka tona, lava hlevaka mikhuva ya n'wina leyi nga eka Kriste.

1 Petro 4:11

Loko un'wana a vulavula, a a landze marito ya Xikwembu; loko un'wana a tirha ekerekeni, a a tirhe hi matimba lawa Xikwembu xi n'wi nyikaka, leswaku Xikwembu xi dzunisiwa eka hinkwaswo ha Yesu Kriste, loyi a nga ni ku kwetsima ni matimba, hilaha ku nga heriki. Amen!

1 Petro 4:14

Loko mi xanisiwa hikwalaho ka vito ra Kriste, mi katekile; hikuva Moya wa ku kwetsima, lowu nga wa Xikwembu, wu tshame ehenhla ka n'wina, vona va wu sandza, kambe n'wina ma wu dzunisa.