Matewu 5:15 - Xitsonga (Bibele)

¹⁵ Rivoningo, na rona, a ri lumekiwi ku nghenisiwa ehansi ka xirhundzu, kambe ri tlhomiwa ehenhla, ri voninga hinkwavo lava nga endlwini.

BIBELE Mahungu Lamanene

¹⁵ Naswona, a va lumeki rivoni ku ri khubumeta hi xirhundzu, kambe va ri veka ehenhla, kutani ri voninga hinkwavo lava nge ndlwini.

Testamente Leyimpsha Xichangana

¹⁵ Nasvona, avalumeki rivoni kurimbhonya hi xirhundzu, kambe variveka henhla, kutani rivoninga hinkwavu lava vanga ndlwini.

Matewu 5:15 Iomraidhean Croise

Eksoda 25:37

U ta yi endlela mavoningo ya ntlhanu na mambirhi; kutani va ta tlhoma mavoningo ehenhla ka yona, ma ta voningela tlhelo ra le mahlweni ra kandelari.

Zakariya 4:2

Yi ku eka mina: “U vona yini?” Ndzi ku: “Ndzi vona kandelari leri nga ra nsuku ntsena, ri nga ni khuwana ra rona ra mafurha emakumu ka rona, ni mavoningo ya rona ya ntlhanu na mambirhi ehenhla ka rona, ni tipompinyana ta ntlhanu na timbirhi ta mavoningo lawa ma nga ehenhla ka rona.

Tinhlayo 8:2

“Byela Aroni, u ku eka yena: ‘Kutakuloko u tlhoma mavoningo, mavoningo ya 7, ma ta voningela emahlweni ka kandelari.’ ”

Marka 4:21

A engeta a ku eka vona: “Xana rivoningo ri tisiwa leswaku ri vekiwa ehansi ka xirhundzu, kumbe hansi ka xilawu xana? A hileswaku ri tlhomiwa ekandelarini xana?

Luka 11:33

“A ku na munhu la lumekaka rivoningo ku ri veka exihundleni, kumbe ehansi ka xirhundzu; kambe ri tlhomiwa ekandelarini leswaku lava nghenaka va vona ku vonakala.

Luka 11:36

Kungakuloko miri hinkwawo wa wena wu voningiwa, ku ri hava laha ku nga ni munyama, hi kona wu nga ta va eku vonakaleni hinkwako, tanihi loko rivoningo ri ku voninga hi ku vonakala ka rona.”

Luka 8:16

“A ku na munhu loyi, kungate loko a lumekile rivoni, a ri funengeta hi mbita, kumbe a ri veka ehansi ka mubedo; kambe a ri tlhoma ekandelarini, leswaku lava nghenaka, va vona ku vonakala.

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

Vaheveru 9:2

Hikuva tabernakela yo rhanga yi akiwile, leyi vuriwaka vukwetsimelo, laha ngi ku ri ni kandelari, ni tafula, ni swinkwa leswi vekeriwaka Yehovha,

Nhlavutelo 2:5

Loko swi ri tano, anakanya laha u nga wa u ri kona, u va u hundzuka, u tlhela u tirha mitirho ya wena ya ku sungula; loko swi nga ri tano, ndzi ta ta eka wena, ndzi susa kandelari ya wena ematshan'weni ya yona, loko u nga hundzuki.