Matewu 5:12 - Xitsonga (Bibele)

¹² Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

BIBELE Mahungu Lamanene

¹² Tsakani, mi tsakisisa, hikuva hakelo ya n'wina i yikulu ematilweni; naswona va xanisise sweswo vaprofeta lava a va ri kona, n'wina mi nga si va kona.”

Testamente Leyimpsha Xichangana

¹² Tsakani, mitsakisisa, hikuva hakelo ya n'wina i yikulu matilweni; hikuva vaxanisise xisvosvo vaprofeta lava avali kona, na n'wina mingasivakona.”

Matewu 5:12 Iomraidhean Croise

Genesa 15:1

Endzhaku ka timhaka teto, rito ra Yehovha ri fika eka Abrama enorhweni, ri ku: “Abrama, u nga chavi. Ndzi xitlhangu xa wena ni hakelo ya wena leyikulu.”

1 TIHOSI 18:13

Xana hosi ya nga a yi byeriwanga leswi ndzi swi endleke loko Yezabele a dlayile vaprofeta va Yehovha xana? Ndzi fihlile dzana ra vaprofeta va Yehovha ha ntlhanu wa makume ebakweni, ndzi va phamela vuswa ni mati.

1 TIHOSI 18:4

kakuloko Yezabele a herisa vaprofeta va Yehovha, Obadiya a teka vaprofeta va dzana, a va fihla ha ntlhanu wa makume ebakweni, a va phamela vuswa ni mati.

1 TIHOSI 19:2

Kavaloko Yezabele a rhuma munhu eka Eliya, a ku eka yena: “Swikwembu a swi ndzi endle hi matimba ni ku engetela, loko mundzuku hi nkarhi lowu ndzi nga endli hi vutomi bya wena, leswi u swi endleke hi vutomi bya un'wana wa vona.”

1 TIHOSI 21:20

Akabu a ku eka Eliya: “Xana u ndzi kumile, nala wanga?” Eliya a ku: “Ndzi ku kumile hikuva u tixavisile ku endla leswo biha emahlweni ka Yehovha!

1 TIHOSI 22:8

Hosi ya Israele yi ku eka Yoxafati: “Ka ha sele munhu un'we loyi hi nga vutisaka Yehovha ha yena; kambe ndza n'wi venga hikuva a nga ndzi bvumbheri swo saseka, kambe leswo biha: I Mikaya, n'wana Imila.” Yoxafati a ku: “Hosi yi nga tshuki yi vula sweswo!”

2 TIHOSI 1:9

Kavaloko a rhuma eka Eliya, ndhuna ya ntlhanu wa makume, yi ri ni vanhu va yona va ntlhanu wa makume; yi tlhandluka eka yena, yi n'wi kuma a tshamisile enhlohlorhini ya ntshava, kutani yi ku eka yena: “Munhu wa Xikwembu! Hosi yi ku: ‘Xika!’ ”

2 TIKRONIKA 16:10

Kavaloko Asa a karihela muvoni, a n'wi nghenisa ekhotsweni, hikuva a a n'wi karihele emhakeni leyi. Enkarhini wolowo Asa a xanisa van'wana va tiko.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Pisalema 19:11

Hikwalaho nandza wa wena u dyondzisiwa ha swona; La hlayisaka swona u ni hakelo leyikulu.

Pisalema 58:11

Kutani vanhu va ta ku: “Kunene hakelo yi kona ya la lulameke, Kunene xi kona Xikwembu lexi avanyisaka emisaveni.”

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Esaya 3:10

Vulani leswaku lava lulameke va katekile, hikuva va ta dya mihandzu ya mitirho ya vona.

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Yeremiya 26:8

Kuteloko Yeremiya a hetile ku vulavula hinkwako loku Yehovha a n'wi leriseke ku byela tiko hinkwaro, vaprista ni vaprofeta, ni tiko hinkwaro, va n'wi khoma, va ku: “U ta fela makumu!

Yeremiya 37:14

Yeremiya a ku: “Mavunwa! A ndzi yi ku tinyiketa eka Vakalediya.” Kambe yeloyi a nga pfumelanga; kutani Yiriya a khoma Yeremiya, a n'wi neha eka vakulukumba.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Luka 6:23

Emikarhini yoleyo, tsakani mi tsakisisa, hikuva hakelo ya n'wana yi ta va leyikulu etilweni naswona vatata wa vona va endlisile sweswo eka vaprofeta.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Timhaka 16:25

Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

Timhaka 5:41

Kutani vaapostola va suka emahlweni ka huvo, va tsakile hikuva a va endliwile lava fanelaka hi ku xanisiwa hikwalaho ka vito ra Yesu.

Varhoma 5:3

A hi sweswo ntsena, kambe hi tidzunisa ni le maxangwini hikuva ha swi tiva leswaku maxangu ma humesa ku yingisela;

1 Vakorinto 3:8

Kambe la byalaka ni la cheletaka, i van'we; kutani un'wana ni un'wana u ta amukela hakelo ya yena hi mpimo wa mitirho ya yena.

2 Vakorinto 4:17

Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;

Vafilipiya 1:29

hikuva, hikwalaho ka Kriste, mi nyikiwe ku kateka, ku nga ri ka ku pfumela ntsena, kambe ka ku twa ku vaviseka hikwalaho ka yena,

Vafilipiya 2:17

Swi nga tsandza ni loko ndzi endliwa mhamba hikwalaho ka ku gandzela ka n'wina, ni ku tirhela ku pfumela ka n'wina, kona ndzi nga tsaka, ndzi va ndzi tsakisisa na n'wina hinkwenu.

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

Vakolosa 3:24

hikuva ma swi tiva leswaku mi ta nyikiwa hi Hosi hakelo ya ndzhaka; tirhelani Kriste Hosi.

1 Vatesalonika 2:15

va nga vona lava dlayeke Hosi Yesu, ni vaprofeta va vona, kutani va hi xanisile; a va tsakisi Xikwembu, kambe i valala eka vanhu hinkwavo;

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.

Vaheveru 11:26

a ringanisa leswaku xisandzu xa Kriste i rifuwo leri tlulaka xuma xa Egipta, hikuva a a langutele hakelo.

Vaheveru 11:33

volavo, hi ku pfumela, va hlurile matiko, va avanyisile hi ku lulama, va kumile leswi va nga tshembisiwa swona, va sivile milomu ya tinghala,

Vaheveru 11:6

Kambe ku pfumela, loko ku nga ri kona, a ku na laha Xikwembu xi nga tsakisiwaka hakona; hikuva la tshinelelaka Xikwembu, u fanele ku pfumela leswaku hi yena muhakeri wa lava xi lavaka.

Yakobo 1:2

Vamakwerhu, ringanisani leswaku i ku tsaka ntsena loko mi humelela hi miringo leyo tala;

Yakobo 5:10

Vamakwerhu, khomani ntila wa nhlomulo ni wa ku tiyisela ka vaprofeta lava vulavuleke hi vito ra Hosi.

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”