Matewu 4:24 - Xitsonga (Bibele)

²⁴ Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

BIBELE Mahungu Lamanene

²⁴ Kutani ku twakala ka yena ku hangalaka etikweni hinkwaro ra Siriya. Va tisa hinkwavo lava vabyaka hi mavabyi ya tinxaka-xaka ni lava xanisekaka ngopfu, kukota lava nga ni mademona, ni lava nga ni rihuhe ra n'weti, ni lava nga lamala, kutani Yesu a va hanyisa.

Testamente Leyimpsha Xichangana

²⁴ Kutani ndhuma ya yena yihangalaka tikweni hinkwaru ra Siriya. Vatisa hinkwavu lavavabzaka hi mavabzi ya tinxakaxaka ni lava vaxanisekaka ngopfu, kukota lava avali ni madimoni, ni lava avali ni rihuhe, ni lava va kulimala, kutani Yesu avahanyisa.

Matewu 4:24 Iomraidhean Croise

2 SAMIELE 8:6

Kutani Davhida a veka vanhu va nyimpi ya yena ku langutela Siriya ya Damaska; kutani Vasiriya va fumiwa hi Davhida, va ya luva eka yena. Sweswo Yehovha a a ponisa Davhida hinkwako laha a yaka kona.

1 TIHOSI 10:1

Hosi ya wansati ya Xeba, kuteloko yi yingisile ku twala ka Solomoni hi vito ra Yehovha, yi ta ku n'wi ringa hi mawetana.

1 TIHOSI 4:31

A a tlharihile ku tlurisa mani na mani; a tlula Etani, wa ka Ezra, na Hemani, na Kalikolo, na Darda, vana va Maholi. Vito ra yena a ri tiviwa ematikweni hinkwawo ya le matlhelweni.

1 TIKRONIKA 14:17

Kutani ku twala ka Davhida ku hangalaka ematikweni hinkwawo, Yehovha a chavisa matiko hinkwawo hi vito ra Davhida.

1 TIKRONIKA 29:2

Ndzi endlile hi matimba hinkwawo ya mina ku hlengeletela yindlu ya Xikwembu xa mina, nsuku wa leswi nga ta va swa nsuku, ni silivhere ya leswi nga ta va swa silivhere ni koporo ya leswi nga ta va swa koporo ni nhumbu ya leswi nga ta va swa nhumbu, ni mirhi ya leswi nga ta va swa mirhi; maribye ya onikisi ni maribye ya ku namekiwa, ni maribye ya ku vangama, ni maribye ya mavala ya tinxakaxaka, ni tinxaka hinkwato ta maribye ya risima, ni mabulu ya ku basa ya ku tala ngopfu.

Eksoda 15:26

“Loko u yingisa rito ra Yehovha, Xikwembu xa wena, u endla leswi lulameke emahlweni ka yena, loko u rhiya ndleve eku leriseni ka yena, kutani u hlayisa milawu ya yena hinkwayo, ndzi nga ka ndzi nga ku tiseli makhombo lama nga wela Vaegipta; hikuva hi mina Yehovha muongori wa wena.”

Matewu 12:22

Kutani va n'wi tisela munhu la nga ni rihuhu, a file mahlo ni xifuva kutani a n'wi hanyisa; sweswo lowo fa mahlo ni xifuva a vulavula, a tlhela a vona.

Matewu 14:1

Enkarhini wolowo, Heroda Mutetrarka, kuteloko a yingisile mpfumawulo wa Yesu,

Matewu 15:22

Kutani ku humelela wansati wa Kanana la humeke ematlhelweni walawo, a huwelela, a ku: “Ndzi twele vusiwana, Hosi, n'wana Davhida, n'wana wa mina wa wanhwanyana u vabya ngopfu hi mademona.”

Matewu 17:15

“Hosi, twela n'wananga vusiwana, hikuva u ni rihuhu ra n'hweti, a vabya ngopfu, hikuva wa andze ku wela endzilweni ni le matini ngopfu.

Matewu 17:18

Kutani Yesu a holovela ngopfu e rihuhu, kutani ri huma eka n'wana yeloyi, a hanya hi nkarhi wolowo.

Matewu 4:23

Kutani a famba hinkwako eGaleliya, a ri karhi a dyondzisa emasinagogeni ya kona, a vula Evhangeli ya ku fuma, a hanyisa vuvabyi byihi ni byihi, ni ku vaviseka hinkwako loku nga eka vanhu.

Matewu 8:28

Kuteloko a fikile entsungeni wa hase, etikweni ra Vagadara, a hlanganisiwa hi vanhu vambirhi lava ngi va ri ni rihuhu va huma emasirheni, va ri lava chavisaka ngopfu; ku nga ri na munhu la nga tiyaka mbilu ku hundza hi ndlela yoleyo.

Matewu 8:33

Kutani varisi va tsutsuma va ya emutini; va ya byela hinkwaswo leswi humeleleke varihuhe.

Matewu 8:6

yi ku: “Hosi nandza wa mina u lo lakahla, endlwini, u ome swirho, u vaviseka ngopfu.”

Matewu 9:26

Mhaka leyi yi tshama yi twakala etikweni lero hinkwaro.

Matewu 9:35

Kutani Yesu a tsendzeleka hi miti hinkwayo ni swimitana, a dyondzisa emasinagogeni ya kona, a vula Evhangeli ya ku fuma, a hanyisa mavabyi ni mikarhalo ya tinxakaxaka.

Marka 1:28

Ku twakala ka yena ku hatlisa ku hangalaka hi matlhelo hinkwawo ya Galeliya.

Marka 1:32

Nimadyambu, loko ri perile va tisa ka Yesu hinkwavo lava ngi va ri ni mavabyi, ni lava ngi va ri ni mademona.

Marka 2:3

Kutani ku fika ka yena lava tisaka munhu loyi a khwanyaleke swirho, a rhwariwa hi mune wa vavanuna.

Marka 2:4

Vona va tsandzeka ku n'wi tshinelela hi ku tala ka vanhu; kutani va hahlula lwangu ra yindlu leyi a nga ka yona; kuteloko va boxile va nembeleta masangu lawa loyi a khwanyaleke swirho a etleleke ka wona.

Marka 2:9

Ku olova yini xana? Loko ndzi ku eka la khwanyaleke swirho: ‘U rivaleriwe swidyoho swa wena,’ kumbe loko ndzi ku eka yena: ‘Pfuka, u teka masangu ya wena, u famba’?

Luka 2:2

Ku tsala loko rhanga loku, ku endliwile enkarhini lowu Kwirino a fumaka Siriya.

Luka 4:14

Yesu a tlhelela eGaleliya hi matimba ya Moya; kutani ku twakala ka yena ku tiviwa ematlhelo hinkwawo ya tiko lero.

Luka 4:38

Kutani a huma esinagogeni, a nghena endlwini ya Simoni; kambe mukon'wana wa Simoni a a khomiwe hi vuvabyi lebyikulu hi ku hisa ka miri, kutani va n'wi khongelela eka yena.

Luka 5:15

Kutani ku twakala ka yena ku engeteleka ku hangalaka; vunyingi lebyikulu byi ta ku n'wi yingisela ni ku horisiwa hi yena mavabyi ya vona.

Luka 5:24

Sweswi, mi ta tiva leswaku N'wana wa Munhu u ni matimba emisaveni ku rivalela vanhu swidyoho.” Kutani a ku eka la khwanyaleke swirho: “Ndzi ri eka wena: Yima, u teka masangu ya wena, u famba endlwini ya wena.”

Luka 7:17

Kutani mhaka leyi, yi twakala hinkwako eYudiya, ni le tikweni hinkwaro ra matlhelo.

Yohane 10:21

Van'wana va ku: “Marito lawa, a hi ya munhu la nga ni demona. Xana demona ri nga hanyanyisa munhu lowo fa mahlo xana?”

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Timhaka 15:23

Va tsala teto ha vona, va ku: “Vaapostola, ni vakulukumba, ni vamakwavo, eka vamakwerhu vamatiko, lava nga eAntiyoka, na Siriya, na Kilikiya, xewani!

Timhaka 15:41

Kutani a tsemakanya Siriya na Kilikiya, a ri karhi a tiyisa tikereke.

Timhaka 28:9

Loko ku humelela teto, hinkwavo lava nga exihlaleni lava vabyaka, va ta na vona, kutani va hanyisiwa.

Timhaka 8:7

Hikuva mimoya ya thyaka a yi suka eka lavo tala lava ngheniweke hi yona, yi huwelela hi rito lerikulu; kutani lavo tala lava ingi va khwanyale swirho, ni swigono a va hanyisiwa.

Yoxuwa 6:27

Yehovha a a ri na Yoxuwa, kutani ku twala ka yena a ku hangalaka etikweni hinkwaro.