Matewu 4:10 - Xitsonga (Bibele)

¹⁰ Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

BIBELE Mahungu Lamanene

¹⁰ Hiloko Yesu a ku ka yena: “Suka Sathana, hikuva ku tsariwile leswi: “ ‘U ta gandzela Hosi, Xikwembu xa wena, u tirhela xona ntsena.’ ”

Testamente Leyimpsha Xichangana

¹⁰ Hi loko Yesu aku ka yena: Suka Sathana, hikuva kutsaliwile lesvi: “‘Utagandzela Hosi, Xikwembu xa wena, utirhela xona ntsena.’”

Matewu 4:10 Iomraidhean Croise

1 TIKRONIKA 21:1

Satana a pfukela Vaisraele, kutani a kucetela Davhida ku hlaya Vaisraele.

Ntirho 1:12

Yehovha a ku eka Satana: “Vona, leswi a nga naswo hinkwaswo, ndzi swi veka emavokweni ya wena; ntsena, u nga yisi voko ra wena emirini wa yena.” Kutani Satana a suka emahlweni ka Yehovha.

Ntirho 1:6

Siku rin'wana vana va Xikwembu va ya humelela emahlweni ka Yehovha na yena Satana a nghena exikarhi ka vona.

Ntirho 2:1

Kambe hi siku rin'wana loko vana va Xikwembu va ya humelela emahlweni ka Yehovha, Satana na yena, a humelela na vona emahlweni ka Yehovha.

Pisalema 109:6

Nyiketa munhu lowo tano emavokweni ya lowo biha, Kambe nala a a yime etlhelweni ra yena ra xinene!

Eksoda 23:25

Tirhelani Yehovha, Xikwembu xa n'wina, kutani xi ta katekisa vuswa bya n'wina ni mati ya n'wina, kambe ndzi ta susa vuvabyi exikarhi ka n'wina.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Matewu 16:23

Yesu a rhendzelekela eka yena, a ku eka Petro: “Suka eka mina Satana, wa ndzi khunguvanyisa, hikuva a ku yingisi swa Xikwembu, u twa swa vanhu ntsena.”

Marka 1:13

a ya tshama emananga hi masiku ya mune wa makume, a ri karhi a ringiwa i Satana, a ri exikarhi ka swivandzana, tintsumi a ti n'wi tirhela.

Luka 10:18

Yena a ku eka vona: “A ndzi vona Satana a wa hi le tilweni tanihi rihati.

Luka 11:18

Hikwalaho Satana, na yena, loko a nga avana hi le xikarhi ku tilwisa, ku fuma ka yena ku ta tiyisa ku yini, leswi mi vulaka leswaku ndzi hlongola mademona hi Belzebule?

Luka 13:16

Kutani wansati loyi, la nga n'wana Abrahama, la bohiweke hi Satana hi malembe ya khume na ntlhanu na manharhu, a nga fanelanga ha yini ku tshunxiwa hi siku ra Savata xana?”

Luka 22:3

Kambe Satana a nghena eka Yudasi la vuriwaka Iskariyota, la nga hlayiwa ni lava khume na vambirhi;

Luka 22:31

Kutani Hosi yi ku: “Simoni, Simoni, waswivo, Satana a mi komberile, leswaku a mi hlela kukota mavele;

Luka 4:8

Yesu a n'wi hlamula, a ku: “Suka eka mina Satana, hikuva ku tsariwile leswaku: ‘U ta khinsamela Hosi, Xikwembu xa wena, u tirhela xona ntsena.’ ”

Yohane 13:27

Kuteloko a tekile xiphemu, Satana a nghena eka yena. Kutani Yesu a ku eka yena: “Leswi u swi endlaka, hatlisa u swi endla.”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Timhaka 5:3

Kambe Petro a ku eka yena: “Ananiya, Satana u tatise ku yini mbilu ya wena, leswaku u hembela Moya lowo Kwetsima, ni ku tipambulela mali ya nsimu hitlhelo?

1 Vakorinto 5:5

ndzi avanyisile leswaku munhu yeloyi a nyiketiwa Satana, leswaku ku onhaka nyama ya yena, moya wu ta hanyisiwa hi siku ra Hosi Yesu.

1 Vakorinto 7:5

Mi nga tshuki mi tsonana, loko ku nga ri hi ku pfumelelana, hi nkarhi wun'wana, loko mi rhandza ku titsona swakudya ni ku khongela, kutani ndzhaku, mi tlhela mi hlangana, Satana a nga ti tshuka a mi ringa hi ku navela ka n'wina loku mi hlulaka.

2 Vakorinto 11:14

Kambe a swi hlamarisi, hikuva Satana na yena, u ambala nghohe ya ntsumi ya ku vonakala.

2 Vakorinto 12:7

Kambe hileswaku ndzi nga tshuki ndzi kukumuxiwa hi vukulukumba bya swikombiso, ndzi nghenisiwile riphantsu enyameni, yi nga ntsumi ya Satana, leswaku yi ndzi phakata, ndzi nga ti tshuka ndzi tikurisa.

2 Vakorinto 2:11

leswaku hi nga tshuki hi kamanyetiwa ha nchumu hi Satana, hikuva hi tiva makungu ya yena.

Duteronoma 10:20

“U ta chava Yehovha, Xikwembu xa wena, u xi tirhela, u namarhela xona, u va u hlambanya hi vito ra xona.

Yakobo 4:7

Hikwalaho, tivekani ehansi ka Xikwembu; alelani Diyavulosi, kutani u ta suka eka n'wina.

Yoxuwa 24:14

“Sweswi, chavani Yehovha, mi n'wi tirhela hi ku hetiseka ni ntiyiso. Susani swikwembu leswi vatata wa n'wina va swi tirheleke ehase ka nambu, na Egipta, mi tirhela Yehovha.

1 Petro 5:9

N'wi ariseni hi ku tiya eku pfumeleni, mi ri karhi mi tiva leswaku maxangu ya n'wina, i man'we ni lama humelelaka vamakwenu lava nga emisaveni.

1 SAMIELE 7:3

Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”