Matewu 3:12 - Xitsonga (Bibele)

¹² Rihlelo ra yena ri le vokweni ra yena, kutani u ta kukula swinenenene xivuya xa yena, u ta hlengeleta mavele ya yena enguleni, mungu, wona, u ta wu hisa endzilweni lowu nga timekiki.”

BIBELE Mahungu Lamanene

¹² Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Testamente Leyimpsha Xichangana

¹² Rihlelo ri le vokweni ra yena; ataphepheta hinkwasvu lesvinga xibulelweni xa yena, kutani atrigu, atarichela tshaleni ra yena; kambe muhungu wona, atawuhisa ndzilweni lowungatimekiki.”

Matewu 3:12 Iomraidhean Croise

Ntirho 21:18

Va kota byanyi lebyi hungiwaka hi mheho, Kumbe mungu lowu vutliwaka hi xihuhuri.

Pisalema 1:4

A swi tano ka lavo homboloka: Va fana ni mungu lowo hungiwaka hi mheho.

Pisalema 35:5

A va fane ni mungu lowu hungiwaka hi mheho, Ntsumi ya Yehovha a yi va hlongorise!

Esaya 1:31

Kutani nhenha yi ta va tanihi ritiyi, ni ntirho wa yona wu va nhlahle; va ta tshwa swin'we, ku nga vi na munhu la timelaka.

Esaya 17:13

Matiko ma pfuma kukotisa mati lamakulu! Xikwembu xi ma tshinya kutani ma balekela ekule; ma hangalasiwa hi moya tanihi mungu etintshaveni, tanihi ntsutsungwana emahlweni ka xidzedze.

Esaya 27:4

A ndzi na vukari; kambe loko ndzi kuma swigatlu ni mitwa, ndzi ta lwa na swona, ndzi swi hisa hinkwaswo swin'we.

Esaya 28:28

Koro ya huriwa, kambe a ku tluriwi mpimo wa ku yi hula ni ku yi kandziya hi mavhilwa ya xigirigiri, masondzo ya tihanci ma nga yi fayi.

Esaya 30:24

Tihomu ni timbhongolo leti rimaka ti ta dya folichi leyi lungiweke hi munyu, leyi hleriweke hi xihlungulo ni rihlelo.

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Esaya 5:24

Hikwalaho, tanihi malangavi ya ndzilo loko ma dya tinhlanga, ni loko ma wisa byanyi lebyi omeke, rimitsu ra vona ri ta fana ni leswi hehliweke, ni vulangi bya vona byi ta dzudzeka tanihi ntshuri, hikuva va cukumetile nawu wa Yehovha wa tinyimpi, va sandzile rito ra Mukwetsimi wa Israele.

Esaya 66:24

“Kutani loko a ta huma, va ta vona mitsumbu ya vanhu lava tiariseke ka mina; hikuva xivungu xa vona xi nga ka xi nga fi, ni ndzilo wa vona wu nga ka wu nga timeki; kutani va ta nyenyetsa nyama hinkwayo.”

Yeremiya 15:7

Ndzi ta va hlunguhla hi xihlungulo etinyangweni ta misava; ndzi dlaya lavantshwa va tiko ra mina, na rona ndza ri lovisa, hikuva a va tisori emikhuveni ya vona.

Yeremiya 17:27

Kambe loko mi nga ndzi yingisi, loko ndzi mi lerisa ku hlayisa siku ra Savata, ni ku ka mi nga rhwari mirhwalo, ni ku ka mi nga yi nghenisi hi tinyangwa ta Yerusalema, hi siku ra Savata, ndzi ta tshivela ndzilo etinyangweni ta muti, leswaku wu ta hisa tindlu ta tihosi ta Yerusalema, kambe wu nga ka wu nga timiwi.” ’ ”

Yeremiya 4:11

Enguveni yoleyo ku ta byeriwa tiko leri na Yerusalema, leswaku moya lowu hisaka wu huma eswitsungeni swa xivandzawulo, wa hungela endleleni ya nhwanyana wu tiko ra mina; ku nga ri ku peperha, ni loko ku ri ku hlungula.

Yeremiya 51:2

kutani ndzi ta nyiketa Babilona emavokweni ya vamatiko, va ta n'wi hlungula, va hluvula tiko, ri sala ntsena; hikuva va ta n'wi rhendzela hi matlhelo hinkwawo hi siku ra khombo.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Hosiya 13:3

Hikwalaho, va ta kotisa hunguva ya mixo, ni mberha leyi sukaka hi ku hatlisa, va fana ni mungu lowu hahisiwaka exivuyeni, ni musi loko wu huma echimeleni.

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Matewu 13:30

Swi tshikeni ha swimbirhi, swi kula kun'we, ku kondza ku fika ku tshovela! Hilaha ndzi nga ta ku eka vatshoveri: Rhangani hi mfava, mi tsuvula, mi wu boha hi tinyandza, mi hisa, kambe mavele, mi ma hlengeleta exivuyeni xa mina.’ ”

Matewu 13:41

N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.

Matewu 13:42

Ti ta va cukumeta ekheleni ra ndzilo, laha mikosi yi nga ta va kona, ni ku getsela ka meno.

Matewu 13:43

Enkarhini wolowo lavo lulama va ta hatima kukotisa dyambu eku fumeni ka Tata wa vona. La nga ni tindleve ku yingisa, a a yingise.

Luka 3:16

Yohane a va hlamula hinkwavo, a ku: “Mina ndzi mi khuvula hi mati ntsena, kambe un'wana wa ta, la ndzi tlulaka hi matimba, loyi ndzi nga lulameriki ku tshunxa tinghole ta tintanghu ta yena; hi yena la nga ta mi khuvula hi moya lowo kwetsima ni ndzilo.

Luka 3:17

Rihlelo ra yena ri le vokweni ra yena, u ta kukula xivuya xa yena hakunene, u ta hlengeleta mavele enguleni ya yena; kambe mungu u ta wu hisa endzilweni lowu nga timekiki.”

Yohane 15:2

Rhavi rin'wana ni rin'wana leri nga eka mina, leri nga vekiki, wa ri tsema; kutani rin'wana ni rin'wana leri vekaka, wa ri tsema, leswaku ri engeta ku veka.