Matewu 3:11 - Xitsonga (Bibele)

¹¹ Loko ndzi ri mina, ndzi mi khuvula hi mati ntsena leswaku mi tshika swo biha, kambe loyi a taka endzhaku ka mina, wa ndzi tlula hi matimba, kutani a swi ndzi faneri ku n'wi rhwalela tintanghu; hi yena la nga ta mi khuvula hi moya lowo kwetsima ni ndzilo.

BIBELE Mahungu Lamanene

¹¹ Loko ndzi ri mina, ndzi mi khuvula hi mati hi ku ya hi ku hundzuka ka n'wina, kambe loyi a taka endzhaku ka mina, wa ndzi tlula hi matimba; a swi ndzi fanelanga ku n'wi hluvula tintanghu; hi yena la nga ta mi khuvula hi Moya lowo Kwetsima ni ndzilo.

Testamente Leyimpsha Xichangana

¹¹ Loko nili mina, nimikhuvula hi mati hi kuya hi kuhundzuka ka n'wina, kambe lweyi ataka hi le ndzhaku ka mina, wanitlula hi matimba; asvinifaneli kutamela amasandhazi ya yena, hi yena lweyi angatamikhuvula hi Moya Lowokwetsima ni ndzilo.

Matewu 3:11 Iomraidhean Croise

Esaya 4:4

Kutakuloko Hosi yi hlantswile thyaka ra vanhwana va Siyoni, kutani a susile ngati leyi nga exikarhi ka Yerusalema, hi moya wa ku avanyisa ni moya wa ku lovisa,

Esaya 44:3

Hikuva ndzi ta chela mati emisaveni leyi nga ni torha, ni swinambyana emisaveni leyi omeke: ndzi ta chela moya wa mina erixakeni ra wena, ni ku kateka ka mina ehenhla ka hluke ra wena.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Matewu 3:6

kutani a va khuvuriwa hi yena eYordani, va ri karhi va tivula swidyoho swa vona.

Marka 1:4

Yohane a humelele emananga, a khuvula vanhu, a dyondzisa ta nkhuvulo wa ku hundzuka loku yisaka eku rivaleriweni ka swidyoho.

Luka 1:17

kutani u ta n'wi rhangela emahlweni hi moya ni matimba ya Eliya, u ta vuyisela timbilu ta vatatana eka vana va vona, ni vakaneti evutlharini bya lavo lulama, ku lunghisela Hosi tiko leri nga ni mafundza.”

Luka 3:16

Yohane a va hlamula hinkwavo, a ku: “Mina ndzi mi khuvula hi mati ntsena, kambe un'wana wa ta, la ndzi tlulaka hi matimba, loyi ndzi nga lulameriki ku tshunxa tinghole ta tintanghu ta yena; hi yena la nga ta mi khuvula hi moya lowo kwetsima ni ndzilo.

Luka 3:3

Kutani a suka a ya etikweni hinkwaro leri nga ematlhelweni ya Yordani, a ri karhi a dyondzisa timhaka ta ku khuvuriwa ka ku hundzuka, leswaku vanhu va rivaleriwa swidyoho swa vona,

Yohane 1:15

Yohane a n'wi vula vumbhoni, a huwelela, a ku: “Hi yena loyi ndzi nga n'wi vula loko ndzi te: ‘La taka endzhaku ka mina, u ndzi rhangele, hikuva a a ri emahlweni ka mina.’ ”

Yohane 1:30

Hi yena loyi ndzi n'wi vuleke, ndzi ku: ‘Endzhaku ka mina ku ta wanuna la ndzi rhangeleke, hikuva a a ri kona emahlweni ka mina.’

Timhaka 1:5

hikuva Yohane, kunene u khuvurile hi mati kambe n'wina mi ta khuvuriwa hi Moya lowo Kwetsima, loko ku hundzile masiku ma nga ri mangani.”

Timhaka 19:4

Kutani Pawulo a ku: “Kunene, Yohane u khuvurile hi ku khuvula ka ku hundzuka, a ri karhi a byela tiko leswaku va pfumela eka loyi a taka endzhaku ka yena, a nga Yesu.”

Timhaka 8:36

Va ku va ha famba endleleni, va fika laha mati ingi ma ri kona, kutani ndhuna yi ku: “Vona, mati hi lawa; ku nga sivela yini leswaku ndzi khuvuriwa xana?”

Timhaka 8:38

Kuteloko a lerisile leswaku golonyi yi yima, va ngirimela ematini havambirhi, Filipi ni ndhuna; kutani Filipi a yi khuvula.

1 Vakorinto 12:13

Hikuva hinkwerhu hi khuvuleriwe eMoyeni wu ri wun'we, leswaku hi ta endla miri wun'we: hambi va ri Vayuda hambi va ri Vagriki, hambi va ri lava fuyiweke, hambi va ri lava nga fuyiwangiki; kutani hinkwerhu hi nwile eka Moya wu ri wun'we.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Tito 3:5

u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”