Matewu 3:10 - Xitsonga (Bibele)

¹⁰ Kambe xihloka xi vekiwile etimitswini ta mirhi; murhi wun'wana ni wun'wana lowu nga tswariki mihandzu leyo saseka, wu ta tsemiwa, wu hoxiwa endzilweni.

BIBELE Mahungu Lamanene

¹⁰ Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Testamente Leyimpsha Xichangana

¹⁰ Ni svosvi xihloka xivekiwile atimintsweni ta nsinya; wun'wana ni wun'wana lowu wungavekiki mihandzu leyinene, wutatsemiwa wuhoxiwa ndzilweni.

Matewu 3:10 Iomraidhean Croise

2 SAMIELE 23:7

La rhandzaka ku ma khoma a teka nsimbhi kumbe mbhingo wa tlhari, Kutani ma hisiwa hi ndzilo kwalaho.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Pisalema 140:10

Makala lama vavamelaka ma hlahlekele ehenhla ka vona! A va hoxiwe endzilweni ni le makheleni, leswaku va nga tlheli va pfuka!

Pisalema 92:12

Lava lulameke va mila kukota murhi wa ncindzu, Va kula kukota murhi wa kedari ya Lebanoni.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Esaya 61:3

ku tisela lava rilaka eSiyoni, ni ku va rhwexa harhi ya vuhosi ematshan'weni ya nkuma, mafurha ya ku tsaka ematshan'weni ya nkosi, ni nguvu ya nkhuvo ematshan'weni ya moya lowu tsaneke, leswaku va ta vuriwa mikuhlu ya ku lulama, leyi nga byariwa hi Yehovha ku n'wi dzunisa.

Yeremiya 17:8

U kotisa murhi lowu simekiweke ekusuhi ni mati, lowu timitsu ta wona ti navaka ematini; ni loko ku nga ta dyandza, a wu twi nchumu; ni matluka ya wona ma va ya ntima; hi lembe ra dyandza a wu tshuki nchumu, kambe a wu tshiki ku veka mihandzu.

Daniele 4:14

A huwelela hi rito leri tlakukeke, a vulavula, a ku: ‘Tsemani murhi, mi khutulela marhavi ya wona; hundlani matluka ya wona mi hangalasa mihandzu ya wona; swiharhi swi tsutsuma swi tshuka endzhutini wa wona, ni tinyanyana ta le tilweni emarhavini ya wona.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Matewu 21:19

kutani a vona murhi wa nkuwa wu ri kusuhi ni ndlela; a ya eka wona, kambe a nga kumangi nchumu eka wona loko ma nga ri matluka ntsena; a ku eka wona: “Ku nga tshuki ku huma mihandzu eka wena hilaha ku nga heriki!” Kutani murhi wa nkuwa wu oma hi nomu wolowo.

Matewu 7:19

Murhi wun'wana ni wun'wana lowu nga tswariki vana vo nandziha, wu tsemiwa, wu cukumetiwa endzilweni.

Luka 23:31

‘Hi funengeteni,’ hikuva, leswi va endliseke sweswo eka rikunyi leri tsakamaka, ku ta endlisiwa yini eka leri omeke?”

Luka 3:9

Ni sweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.”

Yohane 15:2

Rhavi rin'wana ni rin'wana leri nga eka mina, leri nga vekiki, wa ri tsema; kutani rin'wana ni rin'wana leri vekaka, wa ri tsema, leswaku ri engeta ku veka.

Yohane 15:6

Kungakuloko munhu a nga tshami eka mina, u ta cukumetiwa ehandle kukotisa rhavi; kutani marhavi lama omeke, ma rholeriwa ma cukumetiwa endzilweni, ma tshwa.

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Vaheveru 6:8

kambe loko yi ri leyi humesaka mitwa ni mahlwehlwe, yi tshinyiwa, yi va yi ri ekusuhi ni ku rhukaniwa, kutani yi ta hela hi ku tshwa.