Matewu 28:5 - Xitsonga (Bibele)

⁵ Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

BIBELE Mahungu Lamanene

⁵ Hiloko ntsumi yi byela vavasati yi ku: “Mi nga chavi, hikuva ndza swi tiva leswaku mi lava Yesu la vambiweke;

Testamente Leyimpsha Xichangana

⁵ Hi loko ntsumi yibzela vavasati yiku: “Mingachaveni, hikuva nasvitiva lesvaku milava Yesu lweyi avambiweke;

Matewu 28:5 Iomraidhean Croise

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Daniele 10:12

Kutani a ku eka mina: “U nga chavi, Daniele; hikuva ra ha ri siku ro sungula lero u phikeleleke embilwini ya wena ku twisisa ni ku titsongahata emahlweni ka Xikwembu xa wena, marito ya wena ma yingisiwile, kutani mina ndzi tile hikwalaho ka marito walawo ya wena.

Daniele 10:19

a ku: “U nga chavi, wanuna la rhandziwaka, ku rhula a ku ve na wena, tiya mbilu, kunene tiya mbilu!” A ko a ha vulavula na mina, ndzo twa leswaku ndzi nyikiwe matimba, kutani ndzi ku: “Hosi yanga a yi vulavule, hikuva u ndzi hile matimba.”

Matewu 14:27

Kambe Yesu a hatlisa a vulavula na vona, a ku: “Tiyisani timbilu, hi mina, mi nga chaveni.”

Matewu 28:10

Yesu a ku eka vona: “Mi nga chaveni, yanani, mi ya byela vamakwerhu leswaku va ya eGaleliya, hi kona va nga ta ndzi vona.”

Matewu 28:4

Kutani valanguteri va rhurhumela hi ku chava, va hundzuka swa nga hi vafi.

Marka 16:6

Kambe ri ku eka vona: “Mi nga chaveni, mi lava Yesu wa Nazareta la vambiweke; u pfukile, a nga kona la; vonani laha ingi a vekiwile kona.

Luka 1:30

Kutani ntsumi yi ku eka yena: “Mariya, u nga chavi; hikuva u kumile tintswalo eka Xikwembu.

Luka 24:5

Kakuloko va ha tshukile ngopfu, va korhamele ehansi, va ku eka vona: “Xana mi lavela yini la hanyaka exikarhi ka vafi?

Timhaka 2:24

loyi, Xikwembu xi n'wi pfuxile, xi n'wi tshunxile etinsingeni ta rifu, hikuva a ku nga ri na hilaha a nga bohiwaka hakona.

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?