Matewu 28:10 - Xitsonga (Bibele)

¹⁰ Yesu a ku eka vona: “Mi nga chaveni, yanani, mi ya byela vamakwerhu leswaku va ya eGaleliya, hi kona va nga ta ndzi vona.”

BIBELE Mahungu Lamanene

¹⁰ Hiloko Yesu a ku ka vona: “Mi nga chaveni, fambani mi ya lerisa vamakwerhu leswaku va ya eGaleliya; va ta ndzi vona kona.”

Testamente Leyimpsha Xichangana

¹⁰ Hi loko Yesu aku ka vona: “Mingachaveni, fambani miyabzela vamakwerhu lesvaku vaya Galileya; vatanivona kona.”

Matewu 28:10 Iomraidhean Croise

Matewu 14:27

Kambe Yesu a hatlisa a vulavula na vona, a ku: “Tiyisani timbilu, hi mina, mi nga chaveni.”

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Matewu 25:45

Hilaha a nga ta va hlamula, a ku: ‘Ndzi vurisile ndzi ri eka n'wina: Loko mi nga swi endlanga eka un'wana wa lavatsongo, a mi swi endlanga, ni le ka mina.’

Matewu 26:32

Kambe kutakuloko ndzi pfukile, ndzi ta mi rhangela emahlweni ku ya eGaleliya.”

Matewu 28:16

Kutani vadyondzisiwa lava khume na un'we va ya eGaleliya, entshaveni leyi va yi lerisiweke hi Yesu.

Matewu 28:5

Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

Matewu 28:7

mi ta hatlisa mi ya byela vadyondzisiwa va yena leswaku u pfukile eku feni; kutani maswivo, u ta mi rhangela emahlweni eGaleliya, mi ta n'wi vona kona; hi sweswo, ndzi mi byerile.”

Matewu 28:9

Va ko va ha ya va byela, va vona Yesu a va hlangaveta, a ku: “Avuxeni!” Kutani va tshinela, va khoma milenge ya yena, va n'wi khinsamela.

Marka 16:7

Fambani, mi ya byela vadyondzisiwa va yena, na Petro, leswaku u ta mi rhangela emahlweni ku ya eGaleliya; mi ta n'wi vona kona hilaha a mi byeleke hakona.”

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Yohane 6:20

Kambe a ku eka vona: “Hi mina, mi nga chaveni.”

Varhoma 8:29

Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

Vaavanyisi 10:16

Kwalaho, va tshika swikwembu swa matiko leswi ngi swi ri exikarhi ka vona, va tirhela Yehovha; Yehovha a tsetselela Vaisraele hikwalaho ka khombo ra vona.