Matewu 27:24 - Xitsonga (Bibele)

²⁴ Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

BIBELE Mahungu Lamanene

²⁴ Loko Pilato a vona leswaku a nga ha pfuni nchumu, ni leswaku dzolonga ri ya ri kula, a teka mati, a hlamba mandla emahlweni ka ntshungu, a ku: “A ndzi na nandzu wa rifu ra munhu loyi, swi voneni mi ri n'wina.”

Testamente Leyimpsha Xichangana

²⁴ Loko Pilato avona lesvaku angahumeleli, kumbe asvipfuni nchumu, ni lesvaku dzolonga riya rikula, ateka mati, ahlamba mavoko mahlweni ka xitshungu, aku: “Ani na nandzu wa rifu ra munhu lweyi, svivoneni mili n'wina.”

Matewu 27:24 Iomraidhean Croise

Pisalema 26:6

Ndzi hlamba swandla swa mina eku lulameni, Kutani ndzi yima ekusuhi ni alitari ya wena, Yehovha!

Yeremiya 2:27

va nga lava nge eka murhi: ‘U tatana,’ ni ka ribye va ku: ‘Hi velekiwe hi wena.’ Hikuva va ndzi kombile xikosi, wu nga ri mombo hambi siku va humeleriwaka hi khombo, va ku: ‘Yima, u hi ponisa!’

Yeremiya 2:35

Hambiswiritano, u ri: ‘E-e, a ndzi na nandzu. Hakunene ku kariha ka yena ku hambukile!’ Languta, ndzi ku tengisa hikuva u ri: ‘A ndzi dyohanga.’

Matewu 26:5

Kambe va ku: “Swi nga vi hi siku ra nkhuvo, dzolonga ri nga ti humelela exikarhi ka tiko.”

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Matewu 27:23

Kutani hosi yi ku: “Xana u onhile yini-ke?” Kambe va huwelela hi matimba ku tlurisa, va ku: “A a vambiwe.”

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 27:9

Hilaha ku hetisekeke leswi vuriweke hi muprofeta Yeremiya, loko a te: “Va tekile mali ya makume manharhu, wu ri nxavo wa la ringanisiweke, ni loyi vana va Israele va n'wi ringaniseke,

Yohane 13:9

Simoni Petro a ku eka yena: “Hosi yi nga vi milenge ntsena, kambe na wona mavoko ni nhloko.”

Yohane 19:4

Pilato a engeta a humela ehandle, a ku eka vona: “Vonani, ndzi n'wi humesile ehandle eka n'wina, mi ta tiva leswaku a ndzi kumi nandzu eka yena hambi wu ri wun'we.”

Timhaka 3:14

Kambe n'wina mi landzurile la kwetsimeke, la lulameke kutani mi komberile ku nyikiwa mudlayi.

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;