Matewu 27:19 - Xitsonga (Bibele)

¹⁹ Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

BIBELE Mahungu Lamanene

¹⁹ Kuteloko Pilato a tshamile exitshan'wini xa ku avanyisa, nsati wa yena a rhumela rito eka yena, a ku: “U nga tshuki u nghena emhakeni ya munhu yoloye wo lulama, hikuva matolo ndzi vavisekile ngopfu enorhweni hikwalaho ka yena.”

Testamente Leyimpsha Xichangana

¹⁹ Kuteloko Pilato atshamile xitshan'wini xa kuyavanyisa, nsati wa yena arhumela rito ka yena, aku: “Ungatshuki unghena mhakeni ya munhu yelweyo wolulama, hikuva tolo nixaniseke ngopfu norhweni hikolaho ka yena.”

Matewu 27:19 Iomraidhean Croise

Genesa 31:11

Kutani ntsumi ya Xikwembu yi ku eka mina enorhweni: ‘Yakobo!’ Mina ndzi ku: ‘Hi mina loyi.’

Genesa 31:24

Kutani Xikwembu xi ta eka Labani, wa Muaramu, enorhweni wa vusiku, xi ku eka yena: “U nga tshuki u vulavula na Yakobo leswinene, hambi leswo biha.”

Genesa 31:29

Ndzi ni matimba evokweni ra mina ya ku mi endla swo biha; kambe Xikwembu xa tata wa n'wina xi vulavule na mina matolo, xi ku eka mina: ‘U nga tshuki u vulavula na Yakobo leswinene, hambi swi ri leswo biha.’

Swivuriso 29:1

Munhu la fanelaka hi ku tshinyiwa, kutani a nonon'hwisa nhamu, U ta tshoveka kan'wekan'we, a ku nga vi na murhi wo n'wi tshungula.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Tinhlayo 12:6

Kavaloko a ku: “Yingisani swinene marito ya mina! Loko muprofeta u kona exikarhi ka n'wina, mina Yehovha ndzi tikombisa ka yena hi mahlori, ndzi vulavula na yena enorhweni.

Matewu 1:20

Kakuloko a anakanya swona, ntsumi ya Xikwembu, yi ta eka yena hi norho, yi ku: “Yosefa, n'wana Davhida u nga chavi ku titekela Mariya, nsati wa wena, hikuva leswi xurheke hi yena, i swa Moya lowo Kwetsima;

Matewu 2:19

Kambe, kuteloko Heroda a file, ntsumi ya Hosi yi humelela eka Yosefa eEgipta hi norho, yi ku:

Matewu 2:22

Kambe loko a twa leswaku Arkelawusi u fuma Yudiya ematshan'weni ya Heroda tata wa yena, a chava ku ya kona; kuteloko a kombisiwile hi Xikwembu enorhweni, a hambukela etikweni ra Galeliya.

Matewu 27:18

Hikuva a a swi tiva leswaku va n'wi nyikete yena hi mona.

Matewu 27:24

Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Luka 23:41

Kasi, loko hi ri hina, swi hi lulamele; hikuva hi amukela leswi fanekelaka leswi hi swi endleke; kambe loyi, a nga dyohanga nchumu.”

Luka 23:47

Ndhuna ya dzana, kuteloko yi vonile leswi humeleleke, yi dzunisa Xikwembu, yi ku: “Kunene munhu loyi a a lulamile.”

Yohane 19:13

Kuteloko Pilato a twa mhaka yoleyo, a humesela Yesu ehandle, a tshamisa exitshan'weni xa ku avanyisa exivandleni lexi va nge i Ribye; hi Xiheveru, i Gavata.

Timhaka 12:21

Kutani hi siku leri vekiweke, Heroda a funengela tinguvu ta vuhosi, a tshama exiluvelweni xa yena, a vulavula na vona.

Timhaka 18:12

Loko Galiyo a ri ndhuna ya Akaya, Vayuda va pfumelelana ku pfuka Pawulo,

Timhaka 18:16

Kutani a va hlongola ehubyeni.

Timhaka 18:17

Kavaloko Vagriki hinkwavo va khoma Sostena, hosi ya sinagoga, kutani va n'wi ba emahlweni ka huvo; kambe Galiyo a nga vulanga nchumu ha swona.

Timhaka 25:10

Kavaloko Pawulo a ku: “Ndzi yimile ehubyeni ya Khezari, laha ndzi faneleke ku avanyisiwa kona; loko ku ri ka Vayuda, a ndzi endlanga swo homboloka, hilaha u swi tivaka swinene na wena.

Timhaka 25:17

Hikwalaho, kuteloko va fikile halenu, a ndzi hlwelanga, kambe siku leri tlhandlamaka, ndzi hatla ndzi ya tshama ehubyeni, ndzi lerisa leswaku wanuna yeloyi a tisiwa.

Timhaka 25:6

Kuteloko a xwile na vona masiku lama nga tluriki ntlhanu na manharhu kumbe khume, a ngirimelela eKhezariya. Hi siku leri tlhandlamaka, a tshama exitshan'weni xa ku avanyisa, kutani a lerisa leswaku Pawulo a tisiwa.

1 Petro 2:22

yena la nga dyohangiki, loyi kambe mavunwa ma nga kumiwangiki enon'wini wa yena;

1 Yohane 2:1

Vana vanga, ndzi mi tsalele timhaka leti, leswaku mi nga tshuki mi dyoha; kambe kungakuloko munhu a dyohile, hi ni Muyimeri eka Tatana, a nga Yesu Kriste la lulameke.