Matewu 26:56 - Xitsonga (Bibele)

⁵⁶ Kambe leswo hinkwaswo swi humelele leswaku Matsalwa ya vaprofeta ma hetiseka.” Kwalaho vadyondzisiwa hinkwavo va n'wi siya, va tsutsuma, va chava.

BIBELE Mahungu Lamanene

⁵⁶ Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Testamente Leyimpsha Xichangana

⁵⁶ Hambi svilitano, svilo lesvi hinkwasvu svihumelelile lesvaku kuhetiseka lesvitsaliweke hi vaprofeta.” Hi loko vajondzisiwa hinkwavu vamusiya, vabaleka.

Matewu 26:56 Iomraidhean Croise

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

Swirilo 4:20

Loyi a nga va ku hefemula ka hina, a ri muhlawuriwa wa Yehovha, U phasiwile erindzini ra vona, A ri loyi, a hi ku: “Hi ta hanya endzhutini wa yena exikarhi ka matiko.”

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Matewu 21:42

Yesu a ku eka vona: “Xana a mi si hlaya eMatsalweni mhaka leyi nge: ‘Ribye leri vaaki va ri soleke, hi rona leri nga endliwa ribye ro rhanga ra yinhla; leswo swi endliwe hi Hosi, i mhaka leyi hlamarisaka emahlweni ka hina!’

Matewu 26:24

Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Matewu 26:31

Kutani Yesu a ku eka vona: “Mi ta khunguvanyeka hinkwenu eka mina vusiku lebyi, hikuva ku tsariwile leswaku: ‘Ndzi ta ba murisi, kutani tinyimpfu ta ntlhambi ti ta hangalaka.’

Matewu 26:54

Kambe Matsalwa ma ta endlakarisa ku yini, lama vulaka leswaku swi fanekele ku humelela sweswo.”

Yohane 16:32

Vonani, nkarhi wa ta, ni sweswi, wu tile, lowu mi nga ta hangalaka ha wona, un'wana ni un'wana a famba hi ndlela ya yena, mi ndzi siya ndzi ri swanga, kambe a ndzi swanga hikuva Tatana u na mina.

Timhaka 1:16

“Vavanuna varikwerhu, a swi fanela leswaku Tsalwa ri hetiseka, leri nga bvumbhiwa hi Moya lowo Kwetsima, hi nomu wa Davhida, leri vuleke Yudasi, loyi a tiendleke mufambisi wa lava khomeke Yesu.

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

2 Timotiya 4:16

A ku na loyi a ndzi yimeleke eku hlamuleni ka mina ka ku rhanga ehubyeni, kambe va ndzi fularhele hinkwavo; Xikwembu xi nga tshuki xi va hlayela nandzu wolowo.