Matewu 26:13 - Xitsonga (Bibele)

¹³ Ndzi vurisile ndzi ri eka n'wina: Hinkwako la emisaveni laha Evhangeli leyi yi nga ta vuriwa kona, lexi a xi endleke xi ta vuriwa, na xona, leswaku a anakanyiwa ha xona.”

BIBELE Mahungu Lamanene

¹³ Ndzi tiyisile ndzi ri ka n'wina: Emisaveni hinkwayo laha Evhangeli leyi yi nga ta twarisiwa kona, leswi a swi endleke swi ta vuriwa na swona, a anakanyiwa ha swona.”

Testamente Leyimpsha Xichangana

¹³ Nitiyisile nili ka n'wina: Misaveni hinkwayu laha Evhangeli leyi yingatapaluxixa kona, lesvi asviyendleke svitavuliwa na svona, ayanakanyiwa ha svona.”

Matewu 26:13 Iomraidhean Croise

Pisalema 112:6

Hikuva a nga ka a nga tsekatsekisiwi ni siku ni rin'we. La lulameke a tsundzukiwa hi masiku,

Esaya 52:9

Banani mikulungwana, n'wina hinkwenu swin'we, marhumbi ya Yerusalema; hikuva Yehovha u chavelerile tiko ra yena, u kutsule Yerusalema!

Matewu 24:14

Kutani Evhangeli leyi ya ku fuma yi ta vuriwa emisaveni hinkwayo leswaku byi va vumbhoni eka matiko hinkwawo; hi kona ku nga ta humelela makumu.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Marka 13:10

Kambe swi fanele leswaku Evhangeli yi rhanga yi byeriwa ematikweni hinkwawo.

Marka 14:9

Kunene ndzi ri eka n'wina: Hinkwako emisaveni laha Evhangeli leyi yi nga ta vuriwa kona, lexi nga endliwa hi yena, na xona, xi ta vuriwa, a ta anakanyiwa ha xona.”

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Varhoma 10:18

Kambe ndzi ri: “Xana a va ri twanga xana?” E-e va ri twile: “Mpfumawulo wa vona wu vile emisaveni hinkwayo, ni marito ya vona ma twakale emakun'wini ya misava.”

Varhoma 15:19

hi matimba ya swikombiso, ni masingita, ni matimba ya Moya; ndzi va ndzi haxa Evhangeli ya Kriste, ndzi sungula eYerusalema, ndzi tsemakanya ku ya hetelela eIiriya.

2 Vakorinto 10:18

Hikuva la dzunisiwaka, a hi la tiyimelaka, kambe hi loyi Hosi yi n'wi yimelaka.

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vakolosa 1:6

leyi fikeke eka rikwenu kukotisa leswi yi fikeke ematikweni hinkwawo, laha yi vekaka mihandzu kona, kukotisa leswi yi swi endlaka exikarhi ka n'wina, ka hari mpfhuka mi yingisa mi vuya mi twisisa tintswalo ta Xikwembu kunene;

1 Timotiya 2:6

la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.