Matewu 25:31 - Xitsonga (Bibele)

³¹ “Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.

BIBELE Mahungu Lamanene

³¹ “Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Testamente Leyimpsha Xichangana

³¹ Siku leri N'wana-wa-Munhu angatata hi kutwala ka yena, na tintsumi hinkwatu tili na yena, atatshamisa xiluvelweni xa kutwala ka yena.

Matewu 25:31 Iomraidhean Croise

Pisalema 9:7

Kambe Yehovha u fuma hilaha ku nga heriki, U tilunghisele xiluvelo xa ku avanyisa;

Zakariya 14:5

Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Matewu 25:6

Kutani hi vusiku lebyikulu ku twakala huwa, va ku: ‘Vonani, muteki wa ta, humani mi ya hlangana na yena.’

Matewu 26:64

Yesu a ku eka yena: “U vula swona; kambe ndzi ri eka n'wina: Ku sungula sweswi, mi ta vona N'wana wa Munhu a tshamisile evokweni ra xinene ra matimba ya Xikwembu, a ta hi mapapa ya le tilweni.”

Marka 14:62

Yesu a ku: “Hi mina; kambe mi ta vona N'wana wa Munhu a tshamile evokweni ra xinene ra matimba ra Xikwembu, a ta hi mapapa ya le tilweni.”

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Luka 22:69

Ku sungula sweswi, N'wana wa Munhu u ta tshama evokweni ra xinene ra matimba ya Xikwembu.”

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Yohane 1:51

A engeta a ku eka yena: “Kunenenene ndzi ri eka n'wina: Ku sungula sweswi, mi ta vona tilo ri pfuriwile, ni tintsumi ta Xikwembu ti ri karhi ti tlhandluka, ti va ti xikela ehenhla ka N'wana wa munhu.”

Timhaka 1:11

va ku: “Vavanuna va Galeliya, mi yimele yini mi langutile etilweni? Yesu loyi a tekeriweke etilweni a ri exikarhi ka n'wina, u ta tlhela a vuya hi mukhuva lowu mi n'wi voneke a ya etilweni ha wona.”

1 Vatesalonika 3:13

yi va yi tiyisa timbilu ta n'wina, leswaku ti pfumala xisandzu eku kwetsimeni, emahlweni ka Xikwembu, Tata wa hina, eku humeleleni ka Hosi ya hina, Yesu Kriste, ni vakwetsimi va yena hinkwavo.

1 Vatesalonika 4:16

hikuva yona Hosi hi xiviri yi ta xika hi le tilweni, hi huwa leyi lerisiweke, hi rito ra ndhuna ya ntsumi, ni mhalamhala ya Xikwembu, kutani lava feleke ka Kriste va ta rhanga va pfuka;

Vaheveru 1:8

kambe loko xi vula N'wana, xi te: “Xikwembu, xiluvelo xa wena xi tiyile hilaha ku nga heriki, kutani nhonga ya vuhosi bya wena i nhonga ya ku lulama.

Vaheveru 9:28

hi mukhuva wolowo, na yena Kriste, kuteloko a tiendlile mhamba kan'we ku susa ku dyoha ka lavo tala, a ta humelela ra vumbirhi a nga ha ri na swidyoho, eka lava n'wi languteleke leswaku a va hanyisa.

Yuda 1:14

Hi vona valavo Enoko, wanuna lowa vuntlhanu na vambirhi ku sukela eka Adamu, a nga va bvumbha loko a te:

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

1 SAMIELE 2:10

Valala va Yehovha va ta rhurhumela, U ta va balesela hi rihati a ri etilweni. Yehovha u ta avanyisa makumu ya misava; U ta nyika ku fuma eka hosi ya yena, U ta tlakusa rimhondzo ra Muhlawuriwa wa yena.”