Matewu 25:24 - Xitsonga (Bibele)

²⁴ Loyi ingi a nyikiwile talenta yin'we na yena a ta, a ku: ‘Hosi, ndzi ku tivile leswaku u munhu wa ku nonon'hwa, la tshovelaka laha u nga byalangiki kona, u hlengeleta laha u nga hlwanyangiki kona;

BIBELE Mahungu Lamanene

²⁴ Loyi a a nyikiwile talenta yin'we, na yena a ta, a ku: ‘Hosi, ndzi tivile leswaku u munhu wa ku nonon'hwa; u tshovela laha u nga byalangiki kona, u hlengeleta laha u nga haxangiki mbewu kona;

Testamente Leyimpsha Xichangana

²⁴ “Lweyi aanyikiwile talanta yin'we, na yena ata, aku: ‘Hosi, nitivile lesvaku u munhu wa kunonon'hwa; utshovela laha ungabzalangiki, uhlengeleta laha ungabzalangiki mbewu kona;

Matewu 25:24 Iomraidhean Croise

Esaya 58:3

‘Swa hi pfuna yini ku titsona swakudya, loko u nga swi voni? Ni ku tsongahatisa mimoya ya hina, loko u nga vuri nchumu ha swona?’ Vonani siku lero mi titsonaka swakudya, mi endla leswi mi tsakisaka, mi khoma mitirho ya N'wina hinkwayo.

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Matewu 18:24

Kuteloko a sungule ku hlaya, ku tisiwa ka yena un'wana la nga ni nandzu wa titalenta ta dzana ra madzana;

Matewu 20:12

va ku: ‘Va le ndzhaku, lava nga tirha hi nkarhi wun'we ntsena, u lo va ringanisa na hina hi nga tirha hi kukumbana, ni loko dyambu ri hisa.’

Matewu 25:25

kwalaho ndzi chavile, kutani ndzi ya fihla talenta ya wena emisaveni; vona, xa ha ri xolexo xilo xa wena.’

Matewu 25:26

Kutani hosi ya yena yi n'wi hlamula, yi ku: ‘Nandza lowa lunya, wo loloha, a wu ri karhi u ndzi tiva leswaku ndzi tshovela laha ndzi nga byalangiki kona, ndzi hlengeleta laha ndzi nga hlwanyangiki kona;

Matewu 7:21

“A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

Luka 15:29

Yena a hlamula a ku eka tata wa yena: ‘Vona, ndzi ku tirhele hi malembe layo tala, ndzi nga tluri ku lerisa ka wena, kambe a ku si ndzi nyika ni ximbutana leswaku ndzi tsaka ni vanakulorhi.

Luka 19:13

Kuteloko a vitanile malandza ya yena ya khume, a ma nyika tipondho ta khume; a ku eka wona: ‘Bindzulani ha tona ndzi ko ndzi vuya.’

Luka 6:46

“Xana mi ndzi vulela yini: ‘Hosi, Hosi,’ kasi a mi endli leswi ndzi mi byelaka swona?

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Varhoma 9:20

Kambe wena munhu, u mani loko u tengisa Xikwembu? Xana mbita yi nga ku eka loyi a yi vumbeke: “U ndzi endlisele yini xileswi xana?”