Matewu 24:7 - Xitsonga (Bibele)

⁷ Hikuva tiko rin'wana ri ta pfukela tiko rin'wana matimba, ni ku fuma kun'wana ku ta lwa ni ku fuma kun'wana; tindlala ti ta va kona ni ku tsekatseka ka misava hi matlhelo layo tala.

BIBELE Mahungu Lamanene

⁷ Tiko rin'wana ri ta pfukela tiko rin'wanyana, mfumo wun'wana wu ta lwa ni mfumo wun'wanyana; ku ta va ni tindlala, ni ku tsekatseka ka misava ematlhelweni layo tala.

Testamente Leyimpsha Xichangana

⁷ Tiko rin'wana ritapfukela tiko rin'wanyana, mfumu wun'wanyana wutalwa ni mfumu wun'wanyana; kutava ni tindlala, ni kutsekatseka ka misava matlhelweni lawa yotala.

Matewu 24:7 Iomraidhean Croise

2 TIKRONIKA 15:6

tiko rin'wana ri pfukela tiko rin'wana, ni muti wun'wana wu pfukela muti wun'wana, hikuva Xikwembu xi va pfilunganya hi ku chava ka tinxakaxaka.

Esaya 19:2

Ndzi ta hlohlotela Muegipta ku lwa na Muegipta, leswaku munhu a lwa ni makwavo, nakulobye a lwa ni nakulobye, muti wu lwa ni muti, vuhosi byi lwa ni vuhosi.

Esaya 29:6

U ta endzeriwa hi Yehovha wa tinyimpi hi ku ninginika ka misava, hi ndlati ni ku pfuma lokukulu, ni xihuhuri ni xidzedze, ni langavi ra ndzilo lowu hisaka.

Ezekiele 14:21

“Hikuva Hosi Yehovha u ri: Hambi ndzi ba muti wa Yerusalema, hi ku avanyisa ka mina ka mune, ku nga tlhari, ni ndlala, ni swivandzana, ni ntungu, leswaku ku herisiwa vanhu ni swifuwo,

Ezekiele 21:27

Vonani lexi bvumbhaka xi le vokweni ra yena lera xinene, xi komba eYerusalema! Ku ta vekiwa tinsimbhi to wisa marhangu ya muti, ku endliwa tihuwa eku dlayeni, ku tlhaviwa mukhosi, ku vekiwa tinsimbhi ku faya timbanti ta tinyangwa, ku akiwa tinhulu, ku akiwa makhokholo.

Zakariya 14:13

Hi siku rolero, dzolonga lerikulu leri humaka eka Yehovha ri ta va kona exikarhi ka vona, un'wana ni un'wana u ta khoma voko ra un'wana voko ra yena ri tlakukela ehenhla ka voko ra warikwavo.

Luka 21:11

Kutani ku tsekatseka lokukulu ka misava ku ta va kona hi matlhelo man'wana; ku ta wa tindlala ni ntungu; swilo leswi chavisaka ngopfu, ni masingita lamakulu swi ta humelela etilweni.

Timhaka 11:28

Un'wana wa vona, loyi va nge i Agabo, a yima, a profeta hi Moya leswaku ndlala leyikulu yi ta wa emisaveni hinkwayo; kunene yi humelele enkarhini wa Klawudiyo-Khezari.

Timhaka 2:19

Ndzi ta endla masingita ehenhla etilweni, ni swikombiso ehansi emisaveni, ngati, ni ndzilo, ni hunguva ya musi.

Vaheveru 12:27

Kutani loko a ku: “Hi nkarhi wun'wana,” hi ku ringanisa ku susa ka leswi tsekatsekaka, hikuva swi endliwile, leswaku ku ta sala leswi nga tsekatsekiki.

Nhlavutelo 6:12

Kutani ndzi languta loko xi lemula ku tiyisa kantlhanu na kan'we kutani ku tsekatseka lokukulu ka misava ku va kona, dyambu ri va ra ntima kukota nkwama wa voya, kutani n'weti wu fana ni ngati,

Nhlavutelo 6:5

Kuteloko xi lemule ku tiyisa ka vunharhu, ndzi twa xivumbiwa lexa vunharhu, xi ku: “Tana!” Kuteloko ndzi langutile, ndzi vona hanci leya ntima; loyi a yi khandziyeke a a tamele xikalo xo pima evokweni ra yena.

Nhlavutelo 6:6

Kutani ndzi twa exikarhi ka swivumbiwa leswi hanyaka leswa mune swange i rito leri nge: “Mpimo wun'we wa koro, denari yin'we, ni mipimo minharhu ya barley, denari yin'we; kambe u nga tshuki u onha mafurha ni vhinyo.”

Nhlavutelo 6:8

Ndzi languta, kutani ndzi vona hanci ya ribungwanyana; loyi a yi khandziyeke a a vuriwa Rifu, a a landzeriwa hi xivandla xa vafi; kutani a nyikiwa matimba ehenhla ka tlhelo ra vumune ra misava, ku ya dlaya vanhu hi tlhari ni ndlala, ni rifu ni hi swivandzana swa misava.