Matewu 24:48 - Xitsonga (Bibele)

⁴⁸ Kutakuloko nandza yeloyi a hombolokile, kutani a tianakanya embilwini ya yena, a ku: ‘Hosi yanga yi hlwela ku fika;’

BIBELE Mahungu Lamanene

⁴⁸ Kambe loko nandza yoloyi a ri lowo biha, ú ta ehleketa embilwini ya yena a ku: ‘N'wini wa mina wa hlwela ku vuya’,

Testamente Leyimpsha Xichangana

⁴⁸ “Kambe loko mutirhi yelweyo ali lweyi wobiha, atapimisa mbilwini ya yena aku: ‘Hosi ya mina yitahlwela kuvuya’,

Matewu 24:48 Iomraidhean Croise

2 TIHOSI 5:26

Kambe Elixa a ku eka yena: “Xana moya wa mina a wu yanga kona loko munhu loyi a xika egolonyini ya yena ku ta hlangana na wena xana? Xana hi nkarhi wa ku teka mali, ni tinguvu ni mitlhwari, ni tivhinya, ni swifuwo leswitsongo ni leswikulu, ni malandza ya xinuna ni ya xisati xana?

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

Esaya 32:6

Hikuva mbabva yi vulavula ta vumbabva ntsena, kutani mbilu ya yena yi tele ku biha, u ta endla vumbabva, a hleva Yehovha hi marito yo hemba, a tshika moya wa loyi a karheleke endlaleni, a tsona wa torha ku nwa.

Ezekiele 12:22

“N'wana wa munhu, xivuriso xa n'wina xi lo yini lexi nge: ‘Masiku ma hundza, kasi vuprofeta a byi humeleri’?

Ezekiele 12:27

“N'wana wa munhu, va yindlu ya Israele va ri: ‘Xivono lexi munhu loyi a xi vonaka, xi ta teka masiku yo leha ku humelela; u profetile swa nkarhi lowu nga ekule.’

Matewu 18:32

Kavaloko hosi yi vita nandza loyi, yi ku eka yena: ‘Nandza wa mona, a ndzi ku tshikele nandzu wa wena hinkwawo, hikuva u ndzi khongele;

Matewu 24:47

Kunene ndzi ri eka n'wina, u ta n'wi veka muhlayisi wa hinkwaswo leswi a nga na swona.

Matewu 24:49

kutani a sungula ku ba malandzakulobye, a dya, a nwa ni lava pyopyaka,

Matewu 25:26

Kutani hosi ya yena yi n'wi hlamula, yi ku: ‘Nandza lowa lunya, wo loloha, a wu ri karhi u ndzi tiva leswaku ndzi tshovela laha ndzi nga byalangiki kona, ndzi hlengeleta laha ndzi nga hlwanyangiki kona;

Marka 7:21

Hikuva endzeni, etimbilwini ta vanhu, hilaha ku humaka miehleketo leyo biha, ni vuoswi, ni vugangu, ni ku dlaya,

Luka 12:45

Kambe, kungakuloko nandza yeloyi a vulavula embilwini ya yena, a ku: ‘Hosi ya mina yi hlwela ku ta,’ kutani a sungula ku ba malandza ya vavanuna ni ya vavasati a dya, a nwa, a pyopyiwa;

Luka 19:22

A ku eka yena: ‘Nandza lowo biha, ndzi ta ku avanyisa hi ku vula ka wena. U tivile leswaku ndzi munhu wo nonon'hwa, ndzi teka lexi ndzi nga xi vekangiki, ndzi tshovela lexi ndzi nga xi byalangiki.

Yohane 13:2

Kuteloko ka ha laleriwa, hikuva Diyavulosi a a rhangile a nghenisa embilwini ya Yudasi Iskariyota, n'wana Simoni, ku navela ku n'wi xenga.

Timhaka 5:3

Kambe Petro a ku eka yena: “Ananiya, Satana u tatise ku yini mbilu ya wena, leswaku u hembela Moya lowo Kwetsima, ni ku tipambulela mali ya nsimu hitlhelo?

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Duteronoma 15:9

Tilangutele leswaku ku nga tshuki ku ve embilwini ya wena miehleketo ya ku biha, u ta ku: ‘Lembe ra ntlhanu na mambirhi ra ku tshunxa ra tshinela,’ kutani u languta makwenu wa xisiwana, hi tihlo ra wena ra ku biha u nga n'wi nyiki nchumu; hikuva a nga huwelela eka Yehovha, kutani u nga kumiwa u ri ni nandzu.

Duteronoma 9:4

“Kutakuloko Yehovha, Xikwembu xa wena, xi va hlongorile emahlweni ka wena, u nga tshuki u vula embilwini ya wena u ku: ‘Yehovha u ndzi fumisile tiko leri, hikwalaho ka ku lulama ka mina’; hikuva Yehovha u ta hlongola matiko lawa emahlweni ka wena hikwalaho ka ku biha ka vona.