Matewu 24:15 - Xitsonga (Bibele)

¹⁵ “Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

BIBELE Mahungu Lamanene

¹⁵ “Kutaku loko mi vona xilo xa manyala lexi onhetelaka lexi vuriweke hi muprofeta Daniele, xi ri exivandleni lexo hlawuleka (la hlayaka a a twisise),

Testamente Leyimpsha Xichangana

¹⁵ Xilesvo, loko mivona xilo xa manyala lexiwonhetelaka lexivuliweke hi muprofeta Daniyele, xili ndhawini leyokwetsima, lweyi ahlayaka aatwisise,

Matewu 24:15 Iomraidhean Croise

Yeremiya 44:29

Kutani xikombiso xa n'wina hi lexi, ku vula Yehovha, leswaku ndzi ta mi laya exivandleni lexi, mi ta tiva leswaku marito ya mina ma ta hetisiwa hi khombo ehenhla ka n'wina.

Ezekiele 40:4

Kutani wanuna yeloyi a ku eka mina: “N'wana wa munhu, languta hi mahlo ya wena, u yingisela hi tindleve ta wena, u xiya hinkwaswo leswi ndzi nga ta ku byela swona; hikuva loko u tisiwile haleno, hileswaku ndzi ku komba swona, u ta byela yindlu ya Israele hinkwaswo leswi u swi voneke.”

Daniele 1:6

Exikarhi ka vona, a ku ri na Daniele, na Hananiya, na Mixaele, na Azariya, va rixaka ra Yuda;

Daniele 11:31

Kutani mavandla lama humaka eka yena ma ta yima ma swihata xikwetsimisiso, ni khokholo, kutani ma ta herisa gandzelo ra masiku ni masiku, kutani ematshan'weni ya xona, va ta veka manyala ya muonhi.

Daniele 12:11

Kutani ku sungula hi nkarhi wa ku herisiwa ka gandzelo ra masiku, lowu ku nga ta tlhomiwa manyala ya muonhi, ku ta hundza masiku ya 1 290.

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Daniele 9:25

Tiva u twisisa leswaku ku suka eritweni leri leriseke leswaku Yerusalema, wu ta tlhela wu akiwa ku ya fika eka Mesiya Hosi, ku ta hundza mavhiki ya ntlhanu na mambirhi ni mavhiki ya 62, kutani muti wu ta tlhela wu pfuxiwa wu akiwa, ni mitsendzele ni rirhangu ra wona, kambe ku ta va emikarhini ya nhlomulo.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Matewu 24:16

enkarhini wolowo, lava nga eYudiya a va balekele etintshaveni;

Marka 13:14

“Kutakuloko mi vona manyala ya ku hlaseriwa lama vuriweke hi muprofeta Daniele, ma yimile laha ma nga faneriki (la hlayaka a a tsundzuke); enkarhini wolowo, lava nga eYudiya a va tsutsumele etintshaveni;

Luka 19:43

Hikuva ku ta ta masiku ehenhla ka wena, lawa valala va wena va nga ta biyela rirhangu, va ku rhendzela ha rona, va ku sivelela hi matlhelo hinkwawo.

Luka 21:20

“Kambe, kutakuloko mi vona Yerusalema a rhendzeriwe hi mavandla, mi ta tiva leswaku ku onhaka ka wona ku kusuhi.

Yohane 11:48

Loko hi n'wi tshika a endla sweswo, hinkwavo va ta pfumela eka yena, kutani Varhoma va ta ta lovisa muti wa hina ni tiko ra hina.”

Timhaka 21:28

va n'wi khoma, va huwelela, va ku: “Vavanuna va Israele, hi pfuneni! Hi loyi munhu la dyondzisaka hinkwako vanhu hinkwavo, dyondzo leyi lwaka ni tiko, ni nawu ni xivandla lexi; u engetile hi ku tisa Vagriki etempeleni, u nyamisile xivandla lexo kwetsima.”

Timhaka 6:13

kambe va humesa timbhoni leto hemba leti nga ku: “Munhu loyi, a nga tshiki ku vulavula timhaka leti sandzaka xivandla lexi xa ku kwetsima ni nawu;

Vaheveru 2:1

Hikwalaho, hi fanele ku tiyisela hi ku tlurisisa eka timhaka leti hi ti yingiseke, leswaku hi nga ti tshiki ti khaluta.

Nhlavutelo 1:3

Ku katekile la hlayaka ni lava yingisaka timhaka ta vuprofeta lebyi, lava hlayisaka leswi tsariweke kona, hikuva nkarhi wu kusuhi.

Nhlavutelo 3:22

La nga ni tindleve, a a yingise leswi Moya wu swi byelaka tikereke.’ ”