Matewu 23:37 - Xitsonga (Bibele)

³⁷ “Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

BIBELE Mahungu Lamanene

³⁷ “Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Testamente Leyimpsha Xichangana

³⁷ “Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena, i kangani ninavelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga!

Matewu 23:37 Iomraidhean Croise

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Pisalema 17:8

Ndzi hlayise kukota xanga ya tihlo, U ndzi fihla ehansi ka timpapa ta wena,

Pisalema 36:7

Xikwembu, tintswalo ta wena ti rhandzeka swonghasi! Vana va vanhu va chavela endzhutini wa timpapa ta wena.

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Pisalema 63:7

Hikuva u mupfuni wa mina, Ndzi ta yimbelela, hi ku tsaka endzhutini wa timpapa ta wena.

Pisalema 91:4

U ta ku funengeta hi tinsiva ta yena. U ta kuma xisirhelo ehansi ka timpapa ta yena; Vunene bya yena, i xitlhangu ni nhlungula.

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Yeremiya 26:23

Va ya teka Uriya eEgipta, va n'wi tisa eka hosi Yoyakimi, a n'wi tlhava hi fumu a va a cukumeta ntsumbu wa yena emasirheni ya lava nga vanhu ntsena.

Yeremiya 32:31

Hikuva muti lowu wu humesile tihanyi ni ku kariha ka mina, ku suka enkarhini lowu va wu akeke, ku fikela siku leri, leswaku ndzi wu susa emahlweni ka mina,

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 36:26

Kutani hosi yi byela Yerahamiele, n'wana wa hosi, na Seraya n'wana Aziriele, na Xelemiya n'wana Abideli, leswaku va khoma Baruku, mutsari, ni muprofeta Yeremiya; kambe Yehovha a va fihla.

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Yeremiya 44:4

Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

Yeremiya 6:8

Yerusalema, hundzuka, leswaku kumbe moya wa mina wu nga ku fularheli, leswaku kumbe ndzi nga ku hundzuri rhumbi, tiko leri nga riki na vanhu.”

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Hosiya 7:13

Va ni khombo vona, hikuva va ndzi fularhela! Ku lahleka vona, hikuva va ndzi hundzukerile! Ndzi te ndza va kutsula, kambe vona va vulavula mavunwa ehenhla ka mina.

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

Matewu 22:3

Kutani a rhuma malandza ya yena ku ya vitana lava nga rhambiwa enkhubyeni, kambe va ala ku ta.

Matewu 22:6

kutani van'wana va khoma malandza ya yena, va ma endla hi tihanyi, va ma dlaya.

Matewu 23:30

Loko ngi a hi ri kona khale, emikarhini ya vatata wa hina, ingi hi nga hlangananga na vona ku dlaya vaprofeta.

Matewu 23:31

Hi sweswo mi tihehlaka mi ri n'wina, leswaku mi vana va lava nga dlaya vaprofeta.

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Luka 15:28

Kambe a kariha, a ala ku nghena. Tata wa yena a huma a n'wi khongotela leswaku a nghena.

1 Vatesalonika 2:15

va nga vona lava dlayeke Hosi Yesu, ni vaprofeta va vona, kutani va hi xanisile; a va tsakisi Xikwembu, kambe i valala eka vanhu hinkwavo;

Nhlavutelo 17:6

Kutani ndzi vona wansati a pyopyiwile hi ngati ya vakwetsimi, ni ngati ya timbhoni ta Yesu; kakuloko ndzi n'wi vona, ndzi hlamala ngopfungopfu.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”