Matewu 22:16 - Xitsonga (Bibele)

¹⁶ Kutani va rhuma eka yena vadyondzisiwa va vona ni va ka Heroda, va ya n'wi byela, va ku: “Mufundhisi, ha swi tiva leswaku wa vurisa, ni leswaku u dyondzisa ndlela ya Xikwembu hi ntiyiso, u nga chavisiwi hi munhu, hikuva a wu languti nghohe ya munhu.

BIBELE Mahungu Lamanene

¹⁶ Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Testamente Leyimpsha Xichangana

¹⁶ Kutani varhuma vajondzisiwa va vona ni va ntlawa wa va ka Heroda, vayaku: “Mujondzisi, hasvitiva lesvaku uvula lesvitiyeke, ni lesvaku ujondzisa ndlela ya Xikwembu mayelanu ni ntiyiso, na ungalandzi mavonela ya vanhu, hikuva awuyi hi nghohe.

Matewu 22:16 Iomraidhean Croise

1 TIHOSI 22:14

Mikaya a hlamula, a ku: “Yehovha wa hanya, lexi Yehovha a nga ta ndzi byela xona, ndzi ta xi vula.”

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

Pisalema 55:21

Nomu wa yena wu tlula phehlwa hi ku nandziha; Kambe ku lwa ku kona embilwini ya yena; Marito ya yena ma tlula mafurha hi ku olova, Kambe i mabanga lama hlomuriweke.

Swivuriso 29:5

Munhu la hlohlotelaka warikwavo U rhiya ntlhamu emilengeni ya yena.

Malakiya 2:6

Nawu wa swinene a wu ri enon'wini wa yena; ku biha a ku nga kumiwi enon'wini wa yena; a famba na mina hi ku rhula ni ku lulama a va a tlherisa lavo tala eku biheni ka vona.

Malakiya 2:9

Na mina, ndzi ta mi endla lava soriwaka, ni vabihi exikarhi ka matiko hinkwawo, hikuva a mi hlayisi tindlela ta mina, kambe mi avanyisa hi nghohe etimhakeni ta nawu.”

Matewu 22:24

“Mufundhisi, Muxe u te: ‘Munhu loko a file a nga ri na vana, makwavo u ta teka nsati wa yena, a velekela makwavo vana.’

Matewu 22:26

Swi endlisa sweswo ni ka lowa vumbirhi, ni ka lowa vunharhu, ku ya fikela eka lowa ntlhanu na vambirhi.

Matewu 26:18

A ku: “Yanani emutini, eka manyana, mi ku eka yena: Mufundhisi u ri: ‘Nkarhi wa mina wu kusuhi; ndzi ta endla Paseka eka wena kun'we ni vadyondzisiwa va mina.’ ”

Matewu 26:49

Kutani hi nomu lowu, a tshinela eka Yesu, a ku: “Xewani Rabi,” kutani a n'wi ntswontswa.

Marka 10:17

Kuteloko a humele endleleni, un'wana a tsutsuma, a khinsama emahlweni ka yena, a n'wi vutisa, a ku: “Mufundhisi lonene, ndzi ta endla yini ku dya ndzhaka ya vutomi le byi nga heriki?”

Marka 12:13

Kutani va rhuma eka yena van'wana va Vafarisi ni Vaheroda leswaku va n'wi phasa hi marito.

Marka 12:14

Vona va ta, va ku eka yena: “Mufundhisi, ha tiva leswaku u vula lexi tiyeke, ni leswaku a ku na vutoya ha munhu, hikuva a ku languti nghohe ya vanhu, kambe ndlela ya Xikwembu u yi dyondzisa hi ku tiyisa, Xana swa hi fanela ku humesela Khezari ndzuvo, kumbe a hi swona-ke? Xana hi ta humesa, kumbe hi nga humesi?”

Marka 3:6

Kuteloko Vafarisi va humile handle va kanela ni Vaheroda ku vona hilaha va nga ta n'wi dlaya hakona.

Marka 8:15

Kutani a va laya, a ku: “Tivoneleni, mi chava comela xa Vafarisi, ni comela xa Heroda!”

Luka 20:21

Va n'wi vutisa, va ku: “Mufundhisi, ha swi tiva leswaku u vulavula u va u dyondzisa hi ku lulama: a ku languti nghohe ya munhu, kambe u dyondzisa ndlela ya Xikwembu hi ntiyiso.

Luka 7:40

Yesu a n'wi hlamula, a ku eka yena: “Simoni, ndzi ni lexi ndzi nga ta ku byela xona,” yena a ku: “Vulavula, mufundhisi.”

Yohane 14:6

Yesu a ku eka yena: “Hi mina ndlela, ni ntiyiso, ni vutomi; a ku na munhu la nga taka eka Tatana, loko ku nga ri ha mina.

Yohane 18:37

Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

Yohane 7:18

La tisungulelaka swa yena u tilavela ku dzunisiwa, kambe la lavaka ku dzunisiwa eka la n'wi rhumeke, hi yena loyi a nga wa ntiyiso, kutani ku homboloka a ku kona eka yena.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

2 Vakorinto 5:16

Hikwalaho, sweswi a hi nga ha tivi munhu hi ku tiva ka nyama, swi tsandza na yena Kriste, loko ngi hi n'wi tivile hi nyama, sweswi a ha ha n'wi tivi hi mukhuva wolowo.

Vagalatiya 1:10

Hikuva ndzi ri, xana ndzi lava ku khensiwa hi vanhu kumbe hi Xikwembu xana? Kumbexana ndzi rhandza ku tsakisa vanhu-ke? Kasi loko a ndza ha rhandza ku tsakisa vanhu, ingi ndzi nga ri nandza wa Kriste.

Vagalatiya 2:6

Loko va ri lava hlayiwaka leswaku hi lavo rhanga, (hambi va ri lavo yini na yini, a swi na mhaka eka mina, hikuva Xikwembu a xi yi hi nghohe ya vanhu); ndzi ri: Lava ringanisiwaka leswaku hi lavo rhanga, a va ndzi engetelanga nchumu;

Duteronoma 33:9

La nga te henhla ka tata wa yena ni mana wa yena: A ndzi va vonanga! La nga tivangiki vamakwavo, La nga tiviki vana va yena, Hikuva va hlayisa rito ra wena, Va chivirikela ntwanano wa wena,

1 Vatesalonika 2:4

kambe tanihi leswi Xikwembu xi hi voneke hi ri lava fanelaka ku averiwa ntirho wa Evhangeli, hi vurisa sweswo, swi nga ri leswaku hi tsakisa vanhu, kambe swi ri leswaku hi tsakisa Xikwembu lexi ringaka timbilu ta hina.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.