Matewu 20:21 - Xitsonga (Bibele)

²¹ Yesu a ku eka yena: “U lava yini?” Yeloyi a ku eka yena: “A ndzi ku, vana va mina havambirhi a va tshamise eku fumeni ka wena, un'wana evokweni ra xinene, un'wana eka lera ximatsi.”

BIBELE Mahungu Lamanene

²¹ Yesu a ku ka yena: “U lava yini xana?” Yoloye a ku ka yena: “Tshembisa leswaku vana lavambirhi va mina va ta tshama eMfun'weni wa wena, un'wana evokweni ra wena ra xinene, un'wana eka lera ximatsi.”

Testamente Leyimpsha Xichangana

²¹ Yesu aku ka yena: “Ulava yini xana?” Yena aku ka Yesu: “Tshembisa lesvaku vana lava vambirhi va mina vatatshama Mfun'wini wa wena, mun'we vokweni ra wena ra xinene, mun'wana ka leri ra ximantsi.”

Matewu 20:21 Iomraidhean Croise

1 TIHOSI 2:19

Kutani Batixeba a ya eka hosi Solomoni ku vulavulela Adoniya. Hosi yi pfuka ku ya hlangana na yena, yi khinsama emahlweni ka yena; kutani yi tshamisa exiluvelweni xa yona, yi lerisa xiluvelo xin'wanyana xi vekeriwa mana wa hosi, kutani Batixeba a tshamisa evokweni ra yona ra xinene.

1 TIHOSI 3:5

Yehovha a humelela eka Solomoni eGibiyoni, eku lorheni nivusiku; kutani Xikwembu xi ku eka yena: “Kombela lexi u rhandzaka ku nyikiwa xona.”

Estere 5:3

Hosi yi ku eka yena: “Oho, nkosikazi Estere, u ni mhaka yihi; u kombela yini? Hambi u nga kombela ku avanyisa ka vumbirhi ka ku fuma, u ta nyikiwa.”

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Pisalema 45:9

Vanhwanyana va tihosi va le xikarhi ka malandza ya wena. Nsati wa wena u tshamile evokweni ra wena ra xinene, U sasekisiwe hi nsuku wa Ofiri.

Yeremiya 45:5

Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”

Matewu 18:1

Enkarhini wolowo, vadyondzisiwa va ta eka Yesu, va ku eka yena: “Lonkulu eku fumeni ka Xikwembu i mani xana?”

Matewu 19:28

Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

Matewu 20:22

Kambe Yesu a va hlamula, a ku: “A mi tivi lexi mi xi kombelaka! Xana mi nga tiva ku nwela endzhekweni lowu ndzi nga ta nwela eka wona?” Va ku eka yena: “Hi nga swi tiva.”

Matewu 20:32

Yesu a yima a va vitana, a ku: “Mi rhandza leswaku ndzi mi endlela yini xana?”

Marka 10:51

Kutani Yesu a n'wi hlamula, a ku: “U lava ndzi ku endlela yini xana?” Lowo fa mahlo a ku eka yena: “Rabuni, a ndzi tlhele ndzi vona.”

Marka 16:19

Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

Marka 6:22

Kavaloko n'wana Herodiya yeloyi a nghena a cina, a tsakisa Heroda ni lava tshameke eswakudyeni na yena. Kutani hosi yi ku eka wanhwana: “Kombela hinkwaswo leswi u swi rhandzaka, ndzi ta ku nyika swona.”

Luka 18:41

“U rhandza leswaku ndzi ku endlela yini xana?” A hlamula, a ku: “Hosi, ndzi ri, ndzi hanyanya.”

Luka 19:11

Kakuloko va ha yingisa timhaka teto, Yesu a engeta a va byela xifaniso, hikuva a a ri ekusuhi na Yerusalema, kutani va ringanisa leswaku ku fuma ka Xikwembu ku ta hatlisa ku humelela.

Luka 22:24

Kutani ku kanetana ku va kona exikarhi ka vona, ku tiva la ringanisiwaka lonkulu.

Yohane 15:7

Loko mi tshama eka mina, ni marito ya mina loko ma tshama eka n'wina, kombelani hinkwaswo leswi mi swi rhandzaka, mi ta endleriwa swona.

Timhaka 1:6

Vona lava hlengeletaneke kona, va n'wi vutisa, va ku: “Hosi, xana u ta pfuxa enkarhini wolowo ku fuma ka Israele xana?”

Varhoma 12:10

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Vakolosa 3:1

Sweswi, loko mi pfukile na Kriste, lavani leswi nga ehenhla, laha Kriste a tshameke kona evokweni ra xinene ra Xikwembu.