Matewu 20:15 - Xitsonga (Bibele)

¹⁵ Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

BIBELE Mahungu Lamanene

¹⁵ Xana a ndzi pfumeleriwi ku endla leswi ndzi swi rhandzaka hi swilo swa mina xana? Kumbe vunene bya mina bya ku vilerisa xana?’ ”

Testamente Leyimpsha Xichangana

¹⁵ Xana anipfumeleliwi kuyendla lesvi nisvirhandzaka hi svilo sva mina ke? Kumbe vunene bza mina bzakuvilelisa xana? Kumbe unilanguta hi tihlo ropshuka hikuva mina nili munene xana?’”

Matewu 20:15 Iomraidhean Croise

Eksoda 33:19

Kutani Yehovha a ku: “Ndzi ta hundzisa vunene hinkwabyo bya mina emahlweni ka wena; ndzi vula vito ra Yehovha emahlweni ka wena, ndzi ta tsetselela loyi ndzi n'wi rhandzaka, ndzi n'wi endla hi tintswalo loyi ndzi n'wi rhandzaka.”

Swivuriso 23:6

U nga dyi vuswa bya xivondzoki, U nga naveli swakudya swa xona leswi xawulaka;

Swivuriso 28:22

Munhu wa tihlo lero biha, u tsutsumela rifuwo, Kasi a nga tivi leswaku ndlala yi ta n'wi wela ehenhla.

Yeremiya 18:6

“A ndzi ku, na mina ndzi nga endla ha n'wina, yindlu ya Israele, hilaha muvumbi yeloyi a endleke hakona, ku vula Yehovha? Vonani, kukotisa loko vumba byi ri emavokweni ya muvumbi, na n'wina, yindlu ya Israele, mi tano evokweni ra mina.

Matewu 11:25

Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

Matewu 20:14

Teka xilo xa wena u tifambela; ndzi rhandza ku nyika un'wana wa le ndzhaku kukotisa leswi ndzi ku nyikeke.

Matewu 6:23

Kambe loko tihlo ra wena ri bihile, miri hinkwawo wa wena wu ta va emunyameni. Kutani-ke, loko ku vonakala loku nga eka wena wu ri munyama, munyama wona wu ta va lowo yini!

Marka 7:22

ni ku yiva, ni ku navela rifuwo, ni lunya, ni ku xisa, ni ku titshika, ni mahlo layo biha, ni xisandzu, ni ku tikurisa, ni vuhunguki.

Yohane 17:2

hilaha u n'wi nyikeke vuhosi ehenhla ka nyama hinkwayo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Timhaka 13:45

Kambe Vayuda, loko va vona vunyingi, va tala hi mavondzo, kutani va kaneta leswi vuriwaka hi Pawulo; va ri karhi va kaneta ni ku sandza.

1 Vakorinto 4:7

Hikuva i mani la ku hlawuleke eka un'wana? Xana u na yini lexi u nga xi nyikiwangiki xana? Kutani loko u xi nyikiwile, u tidzunisela yini kukota loko ngi u nga nyikiwanga xana?

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Vaefesa 2:1

Na n'wina, a mi file emilandzwini ya n'wina ni le eku dyoheni ka n'wina,

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

Duteronoma 15:9

Tilangutele leswaku ku nga tshuki ku ve embilwini ya wena miehleketo ya ku biha, u ta ku: ‘Lembe ra ntlhanu na mambirhi ra ku tshunxa ra tshinela,’ kutani u languta makwenu wa xisiwana, hi tihlo ra wena ra ku biha u nga n'wi nyiki nchumu; hikuva a nga huwelela eka Yehovha, kutani u nga kumiwa u ri ni nandzu.

Duteronoma 28:54

Kutani wanuna la tirhandzaka hi ku tlurisa exikarhi ka n'wina, u ta languta hi tihlo lero biha makwavo, ni nsati wa xifuva xa yena, ni lava seleke va vana va yena, lava a va tshikeke va hanya,

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Yakobo 5:9

Vamakwerhu, mi nga tshuki mi vilerisana leswaku mi nga ti avanyisiwa; vonani, Muavanyisi u yimile enyangweni.