Matewu 19:4 - Xitsonga (Bibele)

⁴ Kambe yena a va hlamula, a ku: “Xana a mi hlayanga leswaku la nga va endla eku sunguleni, u endle wanuna ni wansati ntsena,”

BIBELE Mahungu Lamanene

⁴ Yesu a va hlamula a ku: “A mi hlayanga xana marito lama nge: ‘Eku sunguleni Mutumbuluxi ú endlile munhu wa xinuna ni munhu wa xisati’ xana?

Testamente Leyimpsha Xichangana

⁴ Yesu avahlamula aku: “Amihlayanga xana marito lawa mange: ‘Kusunguleni Mutumbuluxi ayendlile munhu waxinuna ni munhu waxisati’ xana?

Matewu 19:4 Iomraidhean Croise

Genesa 1:27

Xikwembu xi endla munhu hi xifaniso xa xona. Xi n'wi endla a fana ni Xikwembu; xi endla wanuna ni wansati.

Genesa 2:18

Kutani Yehovha Xikwembu a ku: “A swi sasekanga loko munhu a tshama a ri swakwe, ndzi ta n'wi endlela nakulobye la fanaka na yena.”

Genesa 2:23

Kutani munhu a ku: “Sweswi, yeloyi, i rhambu ra marhambu ya mina, ni nyama ya nyama ya mina; yeloyi u ta thyiwa wansati hikuva u tekiwile eka wanuna.”

Genesa 5:2

Xi va vumba wanuna ni wansati, kutani xi va katekisa, xi va thya vito ra vanhu, hi siku va vumbiweke ha rona.

2 TIKRONIKA 24:3

Yehoyada a n'wi tekisa vasati vambirhi, kutani a veleka vana va xinuna ni vana va xisati.

Malakiya 2:15

A ku na un'we la nga endlisaka sweswo, loko ku anakanya ku sele eka yena. Kambe i yini loko un'we ntsena a endle sweswo? A lave mbewu eka Xikwembu. Tivoneleni emimoyeni ya n'wina; u nga tshuki u endla hi ku kanganyisa wansati wa vuntshwa bya wena.

Matewu 12:3

Kambe a ku eka vona: “Xana a mi hlayanga leswi endliweke hi Davhida siku a nga ni ndlala, yena ni lava ngi va ri na yena:

Matewu 21:42

Yesu a ku eka vona: “Xana a mi si hlaya eMatsalweni mhaka leyi nge: ‘Ribye leri vaaki va ri soleke, hi rona leri nga endliwa ribye ro rhanga ra yinhla; leswo swi endliwe hi Hosi, i mhaka leyi hlamarisaka emahlweni ka hina!’

Matewu 21:6

Kutani vadyondzisiwa va ya, va endla hilaha va lerisiweke hakona hi Yesu,

Matewu 22:31

Kutani loko ku ri ku pfuka ka vafi, xana a mi hlayanga leswi mi swi byeriweke hi Xikwembu, loko xi te:

Marka 12:10

“Xana a mi si hlaya tsalwa le ri nge: ‘Ribye leri vaaki va nga ri nyenya, hi rona le ri nga endliwa ribye ra masungulo ya yinhla?

Marka 12:26

Loko va ri vafi, ni leswi va nga ta pfuka, xana a mi hlayanga ebukwini ya Muxe, hilaha Xikwembu xi nga vulavula na yena exihlahleni, xi ku: ‘Hi mina Xikwembu xa Abrahama, Xikwembu xa Isaka, Xikwembu xa Yakobo’?

Marka 2:25

Yesu a va byela, a ku: “Xana a mi si hlaya leswi endliweke hi Davhida, siku a pfumaleke swakudya, a ri ni ndlala yena ni lava ngi va ri na yena;

Luka 10:26

Yesu a ku eka yena: “Ku tsariwile yini enawini; u hlaya yini kona?”

Luka 6:3

Yesu a va hlamula, a ku: “Xana a mi hlayanga leswi nga endliwa hi Davhida siku a twaka ndlala ni lava ngi a ri na vona?