Matewu 19:28 - Xitsonga (Bibele)

²⁸ Yesu a ku eka vona: “Kunene, ndza mi byela, ndzi ri eka n'wina lava mi ndzi landzeke: Hi siku ra ku vuyetela ka hinkwaswo, loko N'wana wa Munhu a ta tshamisa exiluvelweni xa ku kwetsima ka yena, mi ta tshama, na n'wina, eswiluvelweni swa khume na swimbirhi, mi avanyisa tinxaka ta Israele leta khume na timbirhi.

BIBELE Mahungu Lamanene

²⁸ Yesu a ku ka vona: “Ndzi tiyisile ndzi ri ka n'wina, loko swilo hinkwaswo swi ta va swi vuyeteriwile, ni loko N'wana-wa-Munhu a tshamisile exiluvelweni xa yena lexo kwetsima, n'wina lava mi ndzi landzeke, na n'wina mi ta tshama eswiluvelweni swa 12, mi avanyisa tinyimba ta Israele leta 12.

Testamente Leyimpsha Xichangana

²⁸ Yesu aku ka vona: “Nitiyisile nili ka n'wina: Loko svilo hinkwasvu svitava svipfuxetiwile, ni loko N'wana-wa-Munhu atshamisile xiluvelweni xa yena lexokwetsima, n'wina lava minilandzeke, na n'wina mitatshama sviluvelweni sva khume ni svimbirhi, miyavanyisa tinyimba ta Israyele leti ta timbirhi.”

Matewu 19:28 Iomraidhean Croise

1 TIHOSI 18:31

Kutani Eliya a teka maribye ya khume na mambirhi hi ntsengo wa tinyimba ta vana va Yakobo loyi Yehovha a n'wi byeleke, a ku: “Vito ra wena ri ta va Israele.”

2 TIKRONIKA 9:19

tinghala tin'wana ta khume na timbirhi a ti ri kona eswikhandziyeni swa ntlhanu na xin'we, ematlhelweni mambirhi. Xilo lexotano a xi endleriwanga vuhosi byin'wana ni siku ni rin'we.

Ezra 6:17

eku khanguleni ka yindlu leyi ya Xikwembu, va tlhava tinkunzi ta dzana rin'we, ni makhuna ya madzana mambirhi, ni swinyimpfana swa madzana ya mune, ni swiphongo swa khume na swimbirhi swa mhamba ya swidyoho swa Vaisraele hinkwavo, hi ntsengo wa tinyimba ta va Israele.

Eksoda 15:27

Kutani va fika eElimi; va kuma swihlovo swa khume na swimbirhi ni mimpfun'wana ya ntlhanu wa makume na makume mambirhi. Kutani va dzima mitsonga ya vona ekusuhi ni mati.

Eksoda 24:4

Muxe a tala marito hinkwawo ya Yehovha, kutani a pfuka nimpundzu, a aka alitari ehansi ka ntshava, a yimisa maribye ya khume na mambirhi, ku ringanisa tinyimba ta Israele ta khume na timbirhi.

Eksoda 28:21

“Maribye ma ta vekiwa hi ku tlhandlamana ka mavito ya vana va Israele va khume na mambirhi; ma ta va khume na mambirhi hi ku hlaya ka mavito ya vona, rin'wana ni rin'wana ri ta va ni vito ra rixaka rin'we ra Israele, mavito ma ta tsariwa hi mukhuva wa mfungho.

Esaya 65:17

“Hikuva, maswivo, ndzi vumba matilo lamantshwa, ni misava leyintshwa: timhaka ta khale a ti nga ha tsundzukiwi, ti nga ka ti nga ha tlheleri emiehleketweni.

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.

Levhitika 24:5

“U ta teka mapa layo saseka, u sweka ha wona swinkwa swa khume na swimbirhi; xinkwa xin'wana ni xin'wana xi va xa mipimo mimbirhi ya vukhume bya efa.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Matewu 19:27

Kutani Petro a angula, a ku eka yena: “Waswivo, hina hi tshike hinkwaswo, hi ku landzelela, ku ta endleka yini eka hina?”

Matewu 20:21

Yesu a ku eka yena: “U lava yini?” Yeloyi a ku eka yena: “A ndzi ku, vana va mina havambirhi a va tshamise eku fumeni ka wena, un'wana evokweni ra xinene, un'wana eka lera ximatsi.”

Matewu 25:31

“Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Matewu 8:20

Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Marka 10:37

Va ku eka yena: “Hi nyike leswaku hi tshama eku kwetsimeni ka wena, un'wana evokweni ra wena ra xinene, un'wana eka le ra ximatsi.”

Timhaka 3:21

loyi tilo ri faneleke ku n'wi amukela, ku ko ku fika nguva ya ku vuyetela swilo hinkwaswo, leyi Xikwembu xi yi vuleke hi milomu ya vaprofeta lavo kwetsima hinkwavo va xona ka ha ri eku sunguleni.

2 Timotiya 2:12

Loko hi yingisela na yena, na kona hi ta fuma na yena; loko hi n'wi landzula, na yena u ta hi landzula.

Yoxuwa 3:12

Kutani sweswi, humesani vavanuna va 12 exikarhi ka tinxaka ta Israele, wanuna un'we enyimbeni yin'wana ni yin'wana:

2 Petro 3:13

Kambe hi langutela hi ku tshembisa ka yena matilo lamantshwa ni misava leyintshwa, laha ku lulama ku akeke kona.

Nhlavutelo 11:16

Kutani vakulukumba va makume mambirhi na mune lava tshamiseke eswiluvelweni swa vona, emahlweni ka Xikwembu, va wela emimombyeni ya vona, va gandzela Xikwembu,

Nhlavutelo 12:1

Kutani ku humelela singita lerikulu etilweni: I wansati la ambaleke dyambu, n'weti wu ri hansi ka milenge ya yena, kutani a rhwele enhlokweni harhi ya tinyeleti ta khume na timbirhi.

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.

Nhlavutelo 21:5

Kutani la tshamiseke exiluvelweni a ku: “Vonani; hinkwaswo ndzi swi endla leswintshwa.” A ku eka mina: “Tsala, hikuva marito lawa, ma tiyile, i ya ntiyiso.”

Nhlavutelo 22:2

Exikarhi ka xivandla xa muti, entlhandlukweni wun'wana ni wun'wana wa nambu, a ku ri ni murhi wa vutomi, lowu tswalaka mihandzu ya khume na mimbirhi, wu tswala mihandzu hi n'hweti yin'wana ni yin'wana, kutani matluka ya murhi lowo, i ya ku horisa matiko.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Nhlavutelo 4:4

Kambe xiluvelo a xi rhendzeriwe hi swiluvelo swa makume mambirhi na mune. Eswiluvelweni leswi, a ku tshamile vakulukumba va makume mambirhi na mune, va ambele tinguvu leto basa, va rhwele etinhlokweni ta vona tihari ta nsuku.

Nhlavutelo 7:4

Kutani ndzi twa vunyingi bya lava funghiweke va ri 144 000 lava funghiweke eka tinxaka hinkwato ta vana va Israele: