Matewu 19:26 - Xitsonga (Bibele)

²⁶ Yesu a va languta, a ku eka vona: “Loko va ri vanhu, i mhaka leyi va tsandzaka, kambe Xikwembu a xi tsandzi hi nchumu.”

BIBELE Mahungu Lamanene

²⁶ Yesu a va langutisisa, a ku: “Loko va ri vanhu, leswi swa va tsandza, kambe Xikwembu xona a xi tsandzi hi nchumu.”

Testamente Leyimpsha Xichangana

²⁶ Yesu avalangutisisa, aku: “Ka vanhu lesvi asvingekoteki, kambe Xikwembu xona axitsandziwi hi nchumu.”

Matewu 19:26 Iomraidhean Croise

Genesa 18:14

Xana yi kona mhaka leyi nga hlulaka Yehovha? Enguveni leyi, ndzi ta vuya eka wena haxawu, kutani Sara u ta va a kume n'wana.”

1 TIHOSI 17:16

Mapa a ma helanga embiteni, ni mafurha a ma pfumariwanga exikutswini hilaha Yehovha a nga vula hakona hi Eliya.

Ntirho 42:2

“Ndza swi tiva leswaku a ku tsandzi hi nchumu, Hikuva a ku na makungu lawa u nga ma hetiki.

Pisalema 3:8

Ku hlayiseka ku huma eka Yehovha; Ku kateka ka wena a ku ve ehenhla ka tiko ra wena.

Pisalema 62:11

Xikwembu xi vulavurile kan'we; Ndzi swi yingisile kambirhi hi leswaku: “Matimba i ya Xikwembu.”

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Yeremiya 32:27

“Vona, hi mina Yehovha, Xikwembu xa nyama hinkwayo; xana swi kona leswi nga ndzi tsandzaka-ke?

Zakariya 8:6

“Yehovha wa tinyimpi u ri: Ni loko mhaka leyi yi nga nonon'hwa emahlweni ka masalela ya tiko leri emasikwini wolawo, xana ni le ka mina yi nga nonon'hwa-ke, ku vula Yehovha wa tinyimpi?

Tinhlayo 11:23

Yehovha a ku eka Muxe: “Xana voko ra Yehovha ri komile xana? U ta vona sweswi kumbe rito ra mina ri ta endleka, kumbe a ri nga endleki.”

Matewu 19:25

Vadyondzisiwa loko va swi twa, va hlamala ngopfu, va ku: “Loko swi ri tano, ku ta pona mani xana?”

Matewu 19:27

Kutani Petro a angula, a ku eka yena: “Waswivo, hina hi tshike hinkwaswo, hi ku landzelela, ku ta endleka yini eka hina?”

Marka 10:27

Kutani Yesu a va languta, a ku: “Vona vanhu swi ngi va tsandza, kambe a swi tsandzi Xikwembu, hikuva Xikwembu a xi hluriwi hi nchumu.”

Luka 1:37

hikuva a ku na xilo lexi hlulaka Xikwembu.”

Luka 18:27

Kutani a ku: “Leswi hlulaka vanhu, a swi hluri Xikwembu.”

Vaheveru 6:6

kutani va khunguvanyeka, swi nga ka swi nga endleki leswaku va nga tlhela va hundzuka hikuva va engeta va tivambela n'wana wa Xikwembu, va ri karhi va n'wi endla xisandzu.

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”