Matewu 16:18 - Xitsonga (Bibele)

¹⁸ Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

BIBELE Mahungu Lamanene

¹⁸ Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Testamente Leyimpsha Xichangana

¹⁸ Kolaho-ke nili ka wena: U ‘Petrosi’, kutani henhla ka ribze leri, nitayaka kereke ya mina; kutani hambi wuli ntamu wa rifu wungakala wungayihluli.

Matewu 16:18 Iomraidhean Croise

Genesa 22:17

ndzi ta ku katekisa kunene, ndzi andzisa vatukulu va wena ngopfungopfu, va ta kotisa tinyeleti ta le tilweni, ni sava ra le ribuwini ra lwandle, kambe rixaka ra wena ri ta fuma nyangwa ya valala va rona.

2 SAMIELE 18:4

Kavaloko hosi yi ku eka vona: “Ndzi ta endla leswi mi swi pimisaka leswaku hi leswinene.” Sweswo hosi yi yima etlhelweni ra nyangwa, kutani tiko hinkwaro ri huma hi madzana ni madzanadzana.

Ntirho 38:17

Xana tinyangwa ta rifu ti tikombisile eka wena-ke? Xana u vonile tinyangwa ta ndzhuti wa rifu?

Pisalema 107:18

Mimoya ya swona a yi phiriwa hi swakudya hinkwaswo, Swi fikile etinyangweni ta rifu.

Pisalema 127:5

Ku katekile munhu loyi, nkotloto wa yena wu teleke vona, Va nga ka va nga vi na tingana Loko va ta vulavula ni valala enyangweni ya muti.

Pisalema 129:2

Va ndzi xanisile swonghasi ka ha ri mpfhuka ndzi ri lontshwa, Kambe a va ndzi hlulanga.

Pisalema 69:12

Lava tshamaka ehubyeni, va vulavula ha mina, Ndzi risimu ra lava phyophyaka.

Pisalema 9:13

Ndzi twele vusiwana, oho Yehovha! Languta khombo leri ndzi nga ka rona hikwalaho ka lava ndzi vengaka, Wena la ndzi humesaka etinyangweni ta rifu;

Swivuriso 24:7

Vutlhari byi tlakukile, byi tlula xihunguki; Ehubyeni a xi na nomu.

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Esaya 28:6

a va moya wo lulamisa la tshamaka a avanyisa, ni matimba ya lava hlongorisaka valala ku yisa enyangweni ya muti wa vona.

Esaya 38:10

A ndzi ku: “Loko ndza ha kumile ku wisa ndzi ta xikela etinyangweni ta sirha. Ndzi tsoniwe malembe ya mina lama seleke.”

Esaya 54:17

Fumu rin'wana ni rin'wana leri va ri fulaka ku ku onha, ri nga ka ri nga pfuni nchumu kambe ririmi rin'wana ni rin'wana leri nga tikurisa ku kanetana na wena, u ta ri avanyisa. Hi yona ndzhaka ya malandza ya Yehovha, ni ku lulama loku ndzi nga ta va nyika,” ku vula Yehovha.

Yonasi 2:6

Mati ma ndzi rhendzele, ma fika ni le moyeni wa mina; a ndzi tsondzeriwa hi xidziva; mabyanyi ya lwandle ma damarele nhloko ya mina.

Matewu 10:2

Mavito ya vaapostola lava khume na vambirhi hi walawo: lowo rhanga, i Simoni, la thyiweke Petro, na Andriya makwavo; na Yakobo n'wana Zebediya, na Yohane makwavo;

Matewu 11:23

Na wena Kapernawume, la tlakusiweke ku fika le tilweni, u ta tsongahatiwa ku fikela endhawini ya lava feke; hikuva mahlori lama endliweke eka rikwenu, loko ingi ma endliwe Sodoma, muti wolowo a wu ta va wa ha ri kona ni sweswi.

Matewu 18:17

Kuteloko a nga va yingisi, byela nhlengeletano; loko a nga yingisi nhlengeletano, eka wena a a kotise muhedeni ni muluvisi.

Matewu 4:18

Kutani Yesu loko a lulama ni lwandle ra Galeliya, a vona vavanuna vambirhi, a a ri Simoni la vuriwaka Petro, na Andriya makwavo, va peta tinkoka ta vona elwandle, hikuva a va ri vaphasi va tinhlampfi.

Matewu 7:24

“Hikwalaho-ke un'wana ni un'wana la yingiselaka marito lawa ndzi ma vulaka, a endla ha wona, ndzi ta n'wi ringanisa ni wanuna lowo tlhariha, la akeke yindlu ya yena eribyeni.

Yohane 1:42

Kutani a n'wi yisa eka Yesu. Yesu, kuteloko a n'wi langutile, a ku: “U Simoni n'wana Yona; u ta thyiwa Kefasi” (hileswaku Petro).

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Timhaka 8:1

Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

1 Vakorinto 15:55

“Wena, rifu! Ndzhombo wa wena wu kwihi-ke? Wena sirha! Ku hlula ka wena ku kwihi-ke?”

Vagalatiya 2:9

ndzi ri: Loko va vonisisile nyiko leyi ndzi yi nyikiweke, Yakobo na Kefasi na Yohane, lava ringanisiwaka leswaku i misinya, va nyike mina na Barnaba mavoko ya vunakulobye, leswaku hina hi ya eka vamatiko, kutani vona va ya eka lava yimbeke,

Vaefesa 3:10

leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

Vaefesa 5:32

Xihundla lexi xi kurile, kambe ndzi vulavurisa sweswo hi ku ringanisa Kriste ni Kereke.

Vakolosa 1:18

Kambe hi yena nhloko ya miri wa Kereke; hi yena ku sungula ni mativula exikarhi ka vafi, a ta va lowo rhanga ematlhelweni hinkwawo.

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

1 Timotiya 3:5

hikuva loko munhu a nga tivi ku fuma yindlu ya yena, a nga risisa ku yini Kereke ya Xikwembu?

Vaheveru 12:28

Hikwalaho, leswi hi nga amukela ku fuma loku nga tsekatsekiki, a hi hlayiseni tintswalo leswaku hi tirhela Xikwembu ha tona hi mukhuva lowu xi tsakisaka, hi mafundza ni xichavo.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Nhlavutelo 21:14

Rirhangu ra muti ri ni masungulo ya khume na mambirhi, lawa ku tsariweke eka wona mavito ya khume na mambirhi ya vaapostola va khume na vambirhi va Xinyimpfana.