Matewu 16:16 - Xitsonga (Bibele)

¹⁶ Kutani Simoni Petro a angula, a ku: “U Kriste, N'wana wa Xikwembu lexi hanyaka.”

BIBELE Mahungu Lamanene

¹⁶ Kutani Simoni Petro a hlamula a ku: “U Mesiya, N'wana wa Xikwembu lexi hanyaka.”

Testamente Leyimpsha Xichangana

¹⁶ Kutani Simoni Petrosi ahlamula aku: “U Kriste, N'wana wa Xikwembu lexinyikaka vutomi.”

Matewu 16:16 Iomraidhean Croise

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

Pisalema 42:2

Moya wanga wu ni torha ra Xikwembu, ra Xikwembu lexi hanyaka. Ndzi ta ya rini, ndzi humelela emahlweni ka Xikwembu xana?

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Matewu 1:16

Yakobo a veleka Yosefa nuna wa Mariya, loyi Yesu, la vuriwaka Kriste, a velekiweke hi yena.

Matewu 14:33

Kutani lava ngi va ri ebyatsweni va n'wi tshinelela, va n'wi khinsamela, va ku: “Kunene u N'wana wa Xikwembu.”

Matewu 16:15

A ku eka vona: “N'wina-ke, mi ri ndzi mani?”

Matewu 26:63

Kambe muprista lonkulu a engeta a vulavula, a ku eka yena: “Ndzi ku hlambanyisa hi Xikwembu lexi hanyaka, leswaku u hi byela swinene xana u Kriste, N'wana wa Xikwembu-ke?”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 4:3

Kutani muringi a n'wi tshinelela, a ku: “Loko u ri n'wana wa Xikwembu u nge maribye lawa, a ma hundzuke vuswa.”

Marka 14:61

Kambe a miyela, a nga hlamuli nchumu. Muprista lonkulu a engeta a n'wi vutisa, a ku eka yena: “Xana hi wena Kriste, N'wana wa Xikwembu lexi vongiwaka xana?”

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste Hosi.

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Yohane 11:27

A ku eka yena: “Ina, Hosi, ndza pfumela leswaku hi wena Kriste, N'wana wa Xikwembu, loyi a fanekeleke ku ta emisaveni.”

Yohane 20:31

Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

Yohane 6:57

Hilaha Tatana la hanyaka a ndzi rhumeke, kutani ndzi hanya ha Tatana, na yena la ndzi dyaka u ta hanya ha mina.

Yohane 6:68

Simoni Petro a hlamula, a ku eka yena: “Hosi, hi nga ya eka mani xana? U ni marito ya vutomi lebyi nga heriki.

Yohane 6:69

Kutani hina hi pfumerile, hi va hi swi tiva leswaku hi wena Kriste, Muhlawuriwa wa Xikwembu.”

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Timhaka 8:36

Va ku va ha famba endleleni, va fika laha mati ingi ma ri kona, kutani ndhuna yi ku: “Vona, mati hi lawa; ku nga sivela yini leswaku ndzi khuvuriwa xana?”

Timhaka 8:37

Filipi a ku: “Loko u pfumela hi mbilu ya wena hinkwayo, u nga pfumeleriwa.” A hlamula, a ku: “Ndza pfumela leswaku Yesu Kriste i n'wana wa Xikwembu.”

Timhaka 9:20

Kutani Sawulo a hatlisa ku dyondzisa ta Yesu emasinagogeni, a tiyisa leswaku hi yena N'wana wa Xikwembu.

Varhoma 1:4

kambe a kombisiwa hi matimba, hi ku pfuka ka yena eku feni, leswaku i n'wana wa xona hitlhelo ra Moya lowo Kwetsima;

2 Vakorinto 1:19

hikuva N'wana wa Xikwembu, Yesu Kriste la vuriweke exikarhi ka n'wina hi hina, na Silvano, na Timotiya, a nga endlanga leswi nga ina ni e-e; kambe a swi ri ina eka yena.

2 Vakorinto 3:3

hikuva ma vonakisa leswaku mi mapapila ya Kriste, lama lunghisiweke hi Mitirho ya hina, lama tsariweke, ku nga ri hi inki, kambe hi Moya wa Xikwembu lexi hanyisaka, lama tsariweke ku nga ri ematambheni ya maribye, kambe ematambheni ya nyama, leti nga timbilu ta n'wina.

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

Duteronoma 5:26

Hikuva va kwihi vanhu lava nga yingisa kukotisa hina rito ra Xikwembu lexi hanyaka loko xi vulavula endzilweni, kutani va sala va hanya?

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

1 Timotiya 3:15

hambi ndzi nga hlwela, u ta tiva hilaha swi faneleke ku endliwa hakona endlwini ya Xikwembu lexi hanyaka, yi nga mhandze, ni masungulo ya ntiyiso.

1 Timotiya 4:10

Hikuva, hikwalaho ka yona, a hi chavi mikarhalo ni ku sandziwa, hikuva hi langutele Xikwembu lexi hanyaka, a nga Mulondzovoti wa vanhu hinkwavo, ngopfu wa lava pfumelaka.

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Vaheveru 12:22

Kambe mi tile entshaveni ya Siyoni, emutini wa Xikwembu lexi hanyaka, eYerusalema, wa le tilweni, ni le madzaneni ya madzana ya tintsumi,

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Vaheveru 9:14

ngopfungopfu ngati ya Kriste la tihumeseke eka Xikwembu hi Moya lowu nga heriki, a ri mhamba leyi nga riki na xivati, yi ta hlantswa mapfalo ya n'wina emitirhweni leyi feke, leswaku mi tirhela Xikwembu lexi hanyaka!

1 Yohane 4:15

Un'wana ni un'wana la vulaka leswaku Yesu i N'wana wa Xikwembu, Xikwembu xi tshama eka yena, na yena u tshama eka Xikwembu.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Yohane 5:5

I mani la hlulaka misava, loko a nga ri loyi a pfumelaka leswaku Yesu i N'wana wa Xikwembu?

Nhlavutelo 7:2

Kutani ndzi vona ntsumi yin'wana yi huma evuxeni, yi tamele mfungho wa Xikwembu lexi hanyaka; kutani yi tlakusa rito, yi huwelela eka tintsumi ta mune leti nyikiweke matimba ya ku onha misava ni lwandle,