Matewu 15:4 - Xitsonga (Bibele)

⁴ Hikuva Xikwembu xi lerisile, xi te: ‘Chava tata wa wena ni mana wa wena’; kambe xi te: ‘La rhukanaka tata wa yena, hambi mana wa yena a a dlayiwe.’

BIBELE Mahungu Lamanene

⁴ Xikwembu xi te: ‘U va ni xichavo eka tata wa wena ni ka mana wa wena.’ Naswona xi te: ‘Loyi a rhukanaka tata wa yena kumbe mana wa yena, a a dlawe!’

Testamente Leyimpsha Xichangana

⁴ “Xikwembu xite: ‘Uva ni xichavu ka tatana wa wena ni ka mamana wa wena.’ Nasvona xite: ‘Lweyi arhuketelaka tatana wa yena kumbe mamana wa yena, aadlayiwe!’”

Matewu 15:4 Iomraidhean Croise

Eksoda 20:12

“Xixima tata wa wena ni mana wa wena, leswaku masiku ya wena ma engeteriwa emisaveni leyi u yi nyikiwaka hi Yehovha, Xikwembu xa wena.

Eksoda 21:17

“La rhukaneke tata wa yena kumbe mana wa yena, u ta dlawa.

Swivuriso 20:20

La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

Swivuriso 23:22

Yingisa tata wa wena la ku velekeke, U nga monyi mana wa wena loko a dyuharile.

Swivuriso 30:17

Tihlo ra munhu leri solaka tatana, Leri sandzaka ku yingisa manana, Mawukuwuku ya le nambyeni ma ta ri boxa, Mavondlo ya gama ma ta ri dya.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Levhitika 19:3

“ ‘Un'wana ni un'wana a a xixime mana wa yena ni tata wa yena; a a hlayise ni Tisavata ta mina. Hi mina Yehovha, Xikwembu xa n'wina.

Levhitika 20:9

“Un'wana ni un'wana la rhukanaka tata wa yena, hambi mana wa yena, u ta dlawa: u rhukanile tata wa yena hambi mana wa yena; ngati ya yena yi le henhla ka yena.

Matewu 15:3

A va hlamula, a ku: “N'wina mi tlulela yini nawu wa Xikwembu hi mikhuva leyi mi yi endlaka?

Matewu 15:5

Kasi n'wina mi ku: ‘La nge eka tata wa yena kumbe eka mana wa yena: Leswi ndzi nga ku pfunaka ha swona, ndzi avele Xikwembu, a nga ha ri na nandzu; kunene a nga ha faneli ku chava tata wa yena ni mana wa yena.’

Matewu 19:19

chava tata wa wena, ni mana wa wena, u rhandza warikwenu kukota loko u tirhandza.”

Matewu 4:10

Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

Varhoma 3:31

Xana kutani hi herisa nawu hi ku pfumela xana? A swi tano! Kambe hi tiyisa nawu.

Vaefesa 6:1

Vana, yingisani vatswari va n'wina eHosini, hikuva swi lulamile sweswo.

Duteronoma 27:16

“ ‘A ku rhukaniwe la sandzaka tata wa yena, hambi a ri mana wa yena!’ Kutani tiko hinkwaro ri ta hlamula, ri ku: ‘Amen!’

Duteronoma 5:16

“ ‘U va ni xichavo eka tata wa wena ni mana wa wena, hilaha Yehovha, Xikwembu xa wena, xi ku leriseke hakona, leswaku masiku ya wena ma andzisiwa, u va u katekisiwa emisaveni leyi u yi nyikiweke i Yehovha, Xikwembu xa wena.