Matewu 15:28 - Xitsonga (Bibele)

²⁸ Yesu a hlamula, a ku eka yena: “Wansati, ku pfumela ka wena kukulu! A ku endliwe eka wena hilaha u rhandzaka hakona.” Kutani n'wana wa yena a hanya hi nkarhi wolowo.

BIBELE Mahungu Lamanene

²⁸ Kwalaho Yesu a hlamula, a ku ka yena: “Manana, ku pfumela ka wena i kukulu; a ku endliwe hilaha u kombelaka hakona!” Kutani n'wana wa yena a hanyisiwa hi nkarhi wolowo.

Testamente Leyimpsha Xichangana

²⁸ Kolaho Yesu ahlamula, aku ka yena: “Wansati, kupfumela ka wena i kukulu; akuyendliwe hilaha ukombelaka hakona!” Kutani n'wana wa yena ahanyisiwa hi nkama wolowo.

Matewu 15:28 Iomraidhean Croise

Ntirho 13:15

Vonani, a nga ndzi dlaya, a ndza ha ri na ntshembo; Ntsena ndzi rhandza ku tengisa mikhuva ya mina emahlweni ka xona.

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

Pisalema 145:19

U nyika lava n'wi chavaka leswi va swi rhandzaka, U yingisa swirilo swa vona, kutani wa va kutsula.

Swirilo 3:32

Kambe loko a n'wi ba hi nhlomulo, U n'wi twela vusiwana hikwalaho ka vunyingi bya tintswalo ta yena.

Matewu 14:31

Yesu a hatlisa a tshambuluta voko, a n'wi khoma, a ku eka yena: “Munhu wa ku pfumela lokutsongo, u kanakanisile ha yini?”

Matewu 15:27

Kambe lo wansati a ku: “Ina, Hosi, kambe na tona timbyana ti rholela mahlanhla lama waka etafuleni ra vini va tona.”

Matewu 8:10

Kuteloko Yesu a swi twa, a hlamala, a byela lava n'wi landzaka, a ku: “Kunene ndza mi byela, ndzi ku: A ndzi si vona ku pfumela loko tano, ni le Israeleni.

Matewu 8:13

Kwalaho Yesu a ku eka ndhuna ya dzana: “Muka, u endleriwile hilaha u pfumeleke hakona.” Kutani nandza wa yena a hanya enkarhini wolowo.

Matewu 9:22

kutani Yesu a rhendzeleka, a n'wi vona, a ku eka yena: “Tiyisa mbilu, n'wananga, ku pfumela ka wena ku ku ponisile.” Kutani hi nkarhi wolowo wansati loyi a hanya.

Marka 5:34

Yesu a ku eka yena: “N'wananga, ku pfumela ka wena ku ku hanyisile, famba hi ku tsaka, u hanyisiwile evuvabyini bya wena.”

Luka 17:5

Kutani vaapostola va ku eka Hosi: “Hi engetele ku pfumela.”

Luka 7:50

Kambe Yesu a ku eka wansati: “Ku pfumela ka wena ku ku hanyisile, famba hi ku rhula.”

Luka 7:9

Loko Yesu a yingisa timhaka teto, a hlamala, kutani a hundzulukela eka ntshungu lowu n'wi landzaka, a ku: “Ndza mi byela leswaku a ndzi si vona ku pfumela lokunghasi, ni le Israeleni.”

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.