Matewu 14:27 - Xitsonga (Bibele)

²⁷ Kambe Yesu a hatlisa a vulavula na vona, a ku: “Tiyisani timbilu, hi mina, mi nga chaveni.”

BIBELE Mahungu Lamanene

²⁷ Kambe Yesu a hatla a vulavula na vona, a ku: “Tiyisani timbilu, hi mina; mi nga chaveni!”

Testamente Leyimpsha Xichangana

²⁷ Kambe Yesu ahantla avulavula na vona, aku: “Tiyisani timbilu, hi mina; mingachaveni!”

Matewu 14:27 Iomraidhean Croise

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 41:4

La heriseke swilo sweswo i mani? Hi yena la vitaneke tinxaka ta vanhu ni le ku sunguleni, mina Yehovha, lowo rhanga ni la nga hundzukiki ku ya fika ni makumu.”

Esaya 51:12

“Hi mina, hi mina la mi chavelelaka. U mani wena u chavaka vanhu lava nga ta fa, ni vana va vanhu lava nga ta hundza kukota byanyi,

Matewu 14:28

Kutani Petro a n'wi hlamula, a ku: “Hosi, loko u ri wena, vula leswaku ndzi ta kwalaho ka wena ehenhla ka mati.”

Matewu 17:7

Kambe Yesu a va tshinelela a va khumba a ku eka vona: “Pfukani, mi nga chavi.”

Matewu 28:10

Yesu a ku eka vona: “Mi nga chaveni, yanani, mi ya byela vamakwerhu leswaku va ya eGaleliya, hi kona va nga ta ndzi vona.”

Matewu 28:5

Ntsumi yi vulavula yi ku eka vavasati: “Loko mi ri n'wina mi nga chaveni, hikuva ndza swi tiva leswaku mi lava Yesu loyi ngi a vambiwile;

Matewu 9:2

Kutani a tiseriwa munhu la omeke swirho, a lo lakahla, emasangwini. Yesu, kuteloko a vonile ku pfumela ka vona, a ku eka munhu la omeke swirho: “Tiyisa mbilu, n'wananga, swidyoho swa wena u rivaleriwile swona.”

Marka 6:50

hikuva va n'wi vonile hinkwavo, va tshukile; kambe a hatlisa a vulavula na vona, a ku eka vona: “Tiyisani timbilu, hi mina mi nga chaveni!”

Luka 1:13

Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Luka 1:30

Kutani ntsumi yi ku eka yena: “Mariya, u nga chavi; hikuva u kumile tintswalo eka Xikwembu.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Luka 2:10

Ntsumi yi ku eka vona: “Mi nga chavi, vonani, ndzi mi byela ku tsaka lokukulu, loku nga ta va eka tiko hinkwaro;

Luka 5:10

Kutani Yesu a ku eka Simoni: “U nga chavi, ku sungula sweswi, u ta va muphasi wa vanhu lava hanyaka.”

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Yohane 6:20

Kambe a ku eka vona: “Hi mina, mi nga chaveni.”

Timhaka 23:11

Evusikwini lebyi tlhandlamaka, Hosi yi tikombisa eka yena, yi ku: “Tiyisa mbilu, Pawulo, hikuva kukotisa leswi u vuleke vumbhoni bya timhaka ta mina eYerusalema, swi fanele leswaku u vula vumbhoni bya tona ni ti le Rhoma.”