Matewu 13:44 - Xitsonga (Bibele)

⁴⁴ “Kambe ku fuma ka matilo ku fana ni xuma lexi fihliweke ensin'wini; ku nga te loko munhu a xi kumile, a xi fihla, kutani, eku tsakeni ka yena, a xavisa swilo swa yena hinkwaswo, a tixavela nsimu yoleyo.

BIBELE Mahungu Lamanene

⁴⁴ “Mfumo wa matilo wu fana ni xuma lexi celeriweke ensin'wini, kungate loko munhu a xi thumbhile, a nga tlhela a xi celela, kutani eku tsakeni ka yena, a ya xavisa swilo swa yena hinkwaswo, a tixavela nsimu yoleyo.

Testamente Leyimpsha Xichangana

⁴⁴ Mfumu wa matilo wufana ni rifuwo lericeleliweke nsin'wini, kaku loko munhu arithumbhile, angatlhela aricelela, kutani kutsakeni ka yena, ayaxavisa svilo sva yena hinkwasvu, atixavela nsimu yoleyo.

Matewu 13:44 Iomraidhean Croise

Ntirho 28:13

Munhu a nga ka a nga ringanisi risima ra byona; A byi kumiwi emisaveni ya lava hanyaka.

Swivuriso 16:16

Ku fuwa vutlhari, ku tlula nsuku, Ni ku fuwa ku twisisa ku tlula silivhere.

Swivuriso 17:16

Mali yi pfuna yini evokweni ra xihunguki-ke? Xana i ku xava vutlhari-ke? Kambe xi pfumala mbilu.

Swivuriso 18:1

Munhu la tihlawulaka eka van'wana u lava ku titsakisa ntsena, U hlunamela hinkwaswo leswi nga ni mfanelo.

Swivuriso 23:23

Xava ntiyiso u nga wu xavisi, Hambi byi ri vutlhari, ni dyondzo ni ku anakanya.

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Matewu 13:24

Yesu a va vekela xifaniso xin'wana, a ku: “Ku fuma ka le tilweni ku fana ni munhu la byaleke mbewu leyinene ensin'wini ya yena.

Matewu 13:46

kutani loko a kumile dayimani yin'wana ya nxavo lowukulu, a ya xavisa swilo hinkwaswo leswi a nga na swona, a tixavela yona.

Matewu 13:47

“Kambe ku fuma ka le tilweni ku kotisa nkukuto lowu petiweke elwandle, kutani wu phasa swilo swa tinxakaxaka;

Matewu 19:21

Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 19:27

Kutani Petro a angula, a ku eka yena: “Waswivo, hina hi tshike hinkwaswo, hi ku landzelela, ku ta endleka yini eka hina?”

Matewu 19:29

Kutani un'wana ni un'wana la tshikeke vamakwavo, va xinuna kumbe va xisati, hambi a ri tata wa yena, kumbe mana wa yena, kumbe vana, ni loko ma ri masimu, kumbe tindlu, hikwalaho ka vito ra mina, u ta nyikiwa ka dzana, a dya ndzhaka ya vutomi lebyi nga heriki.

Matewu 6:21

hikuva laha xuma xa n'wina xi nga kona, hilaha timbilu ta n'wina na tona ti nga ta va kona.

Luka 14:33

Kutani-ke, un'wana ni un'wana exikarhi ka n'wina la nga tshikiki leswi a nga na swona, a nga ka a nga vi mudyondzisiwa wa mina.

Yohane 6:35

Yesu a ku eka vona: “Hi mina vuswa bya vutomi; la taka eka mina, a nga ka a nga twi ndlala, ni la pfumelaka eka mina a nga ka a nga twi torha, ni siku ni rin'we.

Varhoma 15:4

Hikuva timhaka hinkwato leti tsariweke eku sunguleni, ti tsariwile ku hi dyondzisa, leswaku, hi ku yingisela, ni ku chavelela loku humaka eMatsalweni, hi ta va ni ku langutela.

Vakolosa 2:3

yeloyi, ku fuwa hinkwako ka vunene ni vutivi swi fihliweke eka yena.

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.

Nhlavutelo 3:18

Ndza ku khongotela leswaku u tixavela eka mina nsuku lowu ringiweke hi ndzilo, leswaku u ta fuwa, ni tinguvu leto basa u ta ambala, kutani tingana ta vusweti bya wena ti nga tshuki ti vonaka; ni murhi wa mahlo, u tota mahlo ya wena ha wona, leswaku u vona.