Matewu 13:32 - Xitsonga (Bibele)

³² Kunene yi ri yona leyitsongo eka timbewu hinkwato kambe loko yi mirile, yi tlula matsavu hinkwawo, yi hundzuka murhi lowukulu, kutani tinyanyana ta le henhla ti ta aka emarhavini ya wona.”

BIBELE Mahungu Lamanene

³² Mbewu ya kona hi leyitsongo eka timbewu hinkwato, kambe loko yi mirile, yi tlula swimila hinkwaswo hi ku kula, yi hundzuka nsinya, tinyanyana ti ko ti ta, ti ta aka emarhavini ya wona.”

Testamente Leyimpsha Xichangana

³² Mbewu yakona hi leyitsongo ka timbewu hinkwatu, kambe loko yimilile, yitlula svimilwa hinkwasvu hi kukula, yihundzuka nsinya, tinyanyana ta tilo, titayaka marhavini ya wona.”

Matewu 13:32 Iomraidhean Croise

Pisalema 104:12

Tinyanyana ta tilo ta tiakela xisaka emabuweni ya yona, Ti twakarisa miloti ya tona emarhavini ya mirhi.

Ezekiele 31:6

Tinyanyana hinkwato ta tilo ti akela emarhavini ya wona, ni swiharhi hinkwaswo swa tiko swi tswalela ehansi ka matluka ya wona, ni le hansi ka ndzhuti wa wona ku ake matiko layo tala, lamakulu.

Daniele 4:12

Matluka ya wona a ma saseka ngopfu, ni mihandzu ya wona a yi tala, a wu ri ni swakudya leswi enetaka vanhu hinkwavo; swiharhi swa nhova a swi ta endzhutini wa wona; tinyanyana ta le tilweni ti aka emarhavini ya wona, kutani leswi hanyaka hinkwaswo swi kuma swakudya eka wona.

Zakariya 4:10

Hikuva i mani la nga solaka siku ra timhaka letitsongo, loko mahlo lawa ya ntlhanu na mambirhi, ma nga mahlo ya Yehovha lawa a langutaka ha wona misava hinkwayo, ma tsakile hi ku vona mpimo evokweni ra Zerubabele?”

Marka 4:30

A engeta kambe, a ku: “Ku fuma ka Xikwembu hi ta ku fanisa ha yini? Hi ta ku fanisa hi xifaniso xihi?

Marka 4:32

kuteloko yi byariwile, yi kula, kutani yi tlula mirhi hinkwayo hi ku kula, yi va ni marhavi lamakulu leswaku tinyanyana ta le tilweni ti nga aka endzhutini wa yona.”

Luka 13:18

Kutani a ku: “Ku fuma ka Xikwembu ku fana na yini; ndzi ta ku fanisa ha yini?

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Timhaka 21:20

Loko va twa timhaka teto, va dzunisa Xikwembu. Kambe va ku eka yena: “Makwerhu, wanga vona vunyingi bya madzanadzana ya Vayuda lava pfumeleke, kutani hinkwavo va hisekela nawu.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”