Matewu 13:23 - Xitsonga (Bibele)

²³ Kambe la byariweke emisaveni leyinene, i munhu la yingisaka rito a ri twisisa; kutani a veka tindzhoho, yin'wana yi veleka dzana, yin'wana ntlhanu wa makume na khume rin'we, yin'wana makume manharhu.”

BIBELE Mahungu Lamanene

²³ Kambe mbewu leyi haxiweke emisaveni leyinene, swi fana ni loko munhu a twa Rito a ri twisisa; hi yena loyi a vekaka mihandzu hakunene, yin'wana ka 100, yin'wana ka 60, yin'wana ka 30.”

Testamente Leyimpsha Xichangana

²³ Kambe mbewu leyihaxiweke misaveni leyinene, svifana ni loko munhu atwa Rito aritwisisa; hi yena lweyi avekaka mihandzu leyinene, yin'wana yiveka ka dzana (100), yin'wana yiveka ka ntlhanu wa makume ni rin'we (60), yin'wana yiveka makume manharhu.”

Matewu 13:23 Iomraidhean Croise

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

Ezekiele 36:26

Ndzi ta mi nyika timbilu letintshwa, ndzi veka endzeni ka n'wina moya lowuntshwa, ndzi susa enyameni ya n'wina timbilu ta maribye, ndzi mi nyika timbilu ta nyama.

Matewu 12:33

Kumbe vulani leswaku murhi wunene, na vona vana va wona vanene; kumbe vulani leswaku murhi wu bihile, ni mihandzu ya wona yi bihile, hikuva murhi wu tiviwa hi vana va wona.

Matewu 13:8

Kambe tin'wanyana ti wela emisaveni leyinene, kutani ti veka swakudya, ndzhoho yin'wana yi veka dzana, yin'wana ntlhanu wa makume na khume rin'we, yin'wana makume manharhu.

Matewu 3:10

Kambe xihloka xi vekiwile etimitswini ta mirhi; murhi wun'wana ni wun'wana lowu nga tswariki mihandzu leyo saseka, wu ta tsemiwa, wu hoxiwa endzilweni.

Matewu 3:8

Loko swi ri tano, vekani mihandzu leyi fanelaka ku hundzuka.

Marka 10:15

Ndzi tiyisile, ndzi ri eka n'wina: Un'wana ni un'wana la nga amukeriki ku fuma ka Xikwembu tanihi n'wana, a nga ka a nga ngheni kona.”

Marka 4:20

Lava byariweke emisaveni leyo saseka, hi lava twaka rito, va ri amukela, kutani va veka mihandzu; mbewu yin'wana yi chela makume manharhu, yin'wana ntlhanu wa makume na khume rin'we, yin'wana dzana.”

Luka 13:9

kumbexana wu ta veka mihandzu; loko swi nga ri tano, u ta wu tsema.’ ”

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Luka 8:8

Kambe tin'wana ti wela emisaveni leyinene; kuteloko ti mirile ti veka ka dzana.” Kakuloko a vurile sweswo a huwelela, a ku: “La nga ni tindleve ku yingisa, a a yingise.”

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Yohane 8:47

Loyi a nga wa Xikwembu u yingisa marito ya Xikwembu; n'wina, a mi yingisi, hikuva a mi va Xikwembu.”

Timhaka 16:14

Kutani wansati un'wana loyi va nge i Lidiya, muxavisi wa xivunguvungu, wa muti wa Tiyatira, la chavaka Xikwembu, a tshama a yingisa; kutani Hosi yi pfula mbilu ya yena leswaku a twisisa timhaka leti Pawulo a ti vulaka.

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

2 Vakorinto 9:10

La tsetselelaka mubyari hi mbewu, ni vuswa bya ku dya, u ta mi tsetselela, u ta mi tatela hi leswi byariwaka, u ta mi engetelela mihandzu ya ku lulama ka n'wina;

Vafilipiya 1:11

mi ri karhi mi veka mihandzu ya ku lulama leyi vekiwaka ha Yesu Kriste, leswaku ku va eku twakaleni ni le ku dzuniseni ka Xikwembu.

Vafilipiya 4:17

Swi nga ri leswaku ndzi lava ku nyikiwa, kambe ndzi lava mihandzu leyi nga ta mi talela.

Vakolosa 1:10

leswaku mi famba hi mukhuva lowu fanelaka Hosi, mi n'wi tsakisa hinkwako, mi veka mihandzu emitirhweni leyo saseka hinkwayo, mi va mi kula eku tiveni ka Xikwembu,

Vakolosa 1:6

leyi fikeke eka rikwenu kukotisa leswi yi fikeke ematikweni hinkwawo, laha yi vekaka mihandzu kona, kukotisa leswi yi swi endlaka exikarhi ka n'wina, ka hari mpfhuka mi yingisa mi vuya mi twisisa tintswalo ta Xikwembu kunene;

1 Vatesalonika 4:1

Loko swi ri tano vamakwerhu, ha mi khongelela ni ku mi khongotela hi Hosi Yesu leswaku, kukota leswi mi dyondzeke eka hina hilaha mi faneleke ku famba hakona, ni ku tsakisa Xikwembu, swi endleni hi ku tlurisisa.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

Vaheveru 4:2

Hikuva na hina hi byeriwile Evhangeli kukotisa vona; kambe valavo, rito leri va ri yingiseke a ri va pfunanga nchumu, hikuva a ri pfangananga ni ku pfumela etimbilwini ta lava yingiseke.

Vaheveru 6:7

Hikuva misava leyi nwaka mati ya mpfula leyi yi yi nelaka kanyingi, yi tlhela yi mirisa swo mila leswinene, leswi pfunaka lava tirimelaka, yona yi kuma ku katekisiwa hi Xikwembu;

Vaheveru 8:10

Hikuva ntwanano lowu ndzi nga ta wu vekela yindlu ya Israele, endzhaku ka masiku lawa, hi lowu, ku vula Hosi: Ndzi ta veka milawu ya mina eku anakanyeni ka vona, ndzi yi tsala etimbilwini ta vona, ndzi ta va Xikwembu xa vona, vona va va tiko ra mina.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.