Matewu 13:19 - Xitsonga (Bibele)

¹⁹ “Un'wana ni un'wana loko a yingisa rito ra ku fuma, a nga ri twisisi, lowo biha a ta eka yena, a n'wi tekela leswi byariweke embilwini ya yena; hi la byariweke ekusuhi ni ndlela.

BIBELE Mahungu Lamanene

¹⁹ Un'wana ni un'wana la twaka Rito ra Mfumo wa Xikwembu, kambe a nga ri twisisi, swi fana ni loko mbewu yi haxiwile endleleni. Lowo biha a ta, a n'wi tekela leswi haxiweke embilwini ya yena.

Testamente Leyimpsha Xichangana

¹⁹ Mani na mani lweyi atwaka Rito ra Mfumu wa Xikwembu, kambe angaritwisisi, svifana ni loko mbewu yiwile kusuhi ni ndlela. Lweyi wobiha ata, amutekela lesvihaxiweke mbilwini ya yena.

Matewu 13:19 Iomraidhean Croise

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Swivuriso 17:16

Mali yi pfuna yini evokweni ra xihunguki-ke? Xana i ku xava vutlhari-ke? Kambe xi pfumala mbilu.

Ezekiele 31:18

“U fana na mani eku kwetsimeni, ni le vukulwini exikarhi ka mirhi ya le Edeni xana? U ta nghenisiwa ni mirhi ya le Edeni ehansi ka misava, u ta etlela exikarhi ka lava nga yimbangiki, kun'we ni lava dlayiweke hi fumu. Faro u ta tshamisisa sweswo kun'we ni vunyingi bya vanhu va yena; ku vula Hosi Yehovha.”

Matewu 12:26

Loko Satana a hlongola Satana, u tiavile hi le xikarhi a tilwisa; xana ku fuma ka yena ku nga tiyisa ku yini?

Matewu 13:20

La byariweke emaribyeni, i munhu la yingisaka marito, a hatlisa a ma amukela hi ku tsaka,

Matewu 13:38

“La byaleke mbewu leyinene, i N'wana wa Munhu; nsimu, i misava; mbewu leyinene, i vana va ku fuma; mfava i vana va lowo biha.

Matewu 4:23

Kutani a famba hinkwako eGaleliya, a ri karhi a dyondzisa emasinagogeni ya kona, a vula Evhangeli ya ku fuma, a hanyisa vuvabyi byihi ni byihi, ni ku vaviseka hinkwako loku nga eka vanhu.

Matewu 5:37

Kambe ku vulavula ka n'wina a ku ve: ‘Ina, ina’; ‘E-e, e-e’; leswi u swi engetakela swi huma eka lowo biha.

Marka 4:15

Lava nga ekusuhi ni ndlela, laha rito ri byariwaka kona, hi lava loko va ri twile, Satana a hatlisaka a ta eka vona, a va tekela rito leri byariweke etimbilwini ta vona.

Luka 10:9

Mi horisa lava vabyaka va kona mi va byela, mi ku: ‘Ku fuma ka Xikwembu ku mi tshinelele.’

Luka 9:2

Kutani a va rhuma ku ya vula ku fuma ka Xikwembu ni ku hanyisa vavabyi.

Yohane 18:38

Pilato a ku eka yena: “Ntiyiso i yini xana?” Kuteloko a vurise sweswo, a tlhela a humela eka Vayuda, a ku eka vona: “A ndzi voni nandzu eka yena, ni wun'we.

Yohane 8:43

A mi twi ha yini-ke, ku vulavula ka mina? Hikuva ma tsandzeka ku yingisa rito ra mina.

Timhaka 17:32

Kambe loko va twa mhaka ya ku pfuka ka vafi, van'wana va hleka van'wana va ku: “Ha ha ta tlhela hi ku yingisa kambe emhakeni leyi.”

Timhaka 18:15

kambe loko ku kaneriwa mhaka ya marito, ni ya mavito, ni ya nawu wa n'wina, mi ta tivonela mi ri n'wina, hikuva mina a ndzi rhandzi ku va muavanyisi wa timhaka leto tano.”

Timhaka 20:25

“Kutani maswivo, sweswi ndza swi tiva leswaku loko mi ri n'wina hinkwenu, valavo ndzi fambeke ndzi vula ku fuma ka Xikwembu exikarhi ka n'wina, a ku na un'we la nga ta tlhela a vona mombo wa mina.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Varhoma 14:17

Hikuva ku fuma ka Xikwembu a hi ku dya ni ku nwa; kambe i ku lulama, ni ku rhula, ni ku tsaka hi Moya lowo Kwetsima.

Varhoma 2:8

kambe lava kanetaka, lava alaka ntiyiso, va yingisela ku homboloka, xi ta va karihela ni ku va holovela:

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

2 Vatesalonika 2:12

leswaku ku ta avanyisiwa hinkwavo lava nga ka va nga pfumelanga ntiyiso kambe va tsakela ku homboloka.

Vaheveru 2:1

Hikwalaho, hi fanele ku tiyisela hi ku tlurisisa eka timhaka leti hi ti yingiseke, leswaku hi nga ti tshiki ti khaluta.

1 Yohane 3:12

hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.