Matewu 13:15 - Xitsonga (Bibele)

¹⁵ Hikuva timbilu ta tiko leri ti nonile, ni tindleve ta vona va ti nonon'hwisile, ni mahlo ya vona va ma pfarile, leswaku va nga tshuki va vona hi mahlo, ni ku yingisa hi tindleve, ni ku twisisa hi timbilu, ni ku hundzuka leswaku ndzi nga ti tshuka ndzi va hanyisa.’

BIBELE Mahungu Lamanene

¹⁵ Timbilu ta vanhu lava ti tlanyarile, va tipfale tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, ni leswaku va nga hundzuki, na mina ndzi nga va hanyisi.’

Testamente Leyimpsha Xichangana

¹⁵ Timbilu ta vanhu lava titlanyalile; vatipfale tindleve ni mahlo, lesvaku vangahavoni, ni kuyingisa vangahayingisi hi tindleve ta vona, hambi kuli kutwisisa hi timbilu ta vona, vangahatwisisi, lesvaku vahundzuka, na mina nivahanyisa.’ ”

Matewu 13:15 Iomraidhean Croise

Pisalema 119:70

Timbilu ta vona ti nonile, a va ha twi; Kambe mina ndzi titsakisa hi nawu wa wena.

Swivuriso 16:30

La tshunyetaka hi mahlo ku kanela swa lunya, Ni la putsamaka nomu, va endlile leswo biha.

Esaya 44:20

A tixurhisa hi nkuma, mbilu ya yena leyi xisiweke yi n'wi kanganyisa. A nga ka a nga tshunxi moya wa yena, a ku: “Lexi ndzi xi khomeke evokweni ra mina, a hi vunwa xana?”

Esaya 57:18

Ndzi vonile tindlela ta yena, ndzi ta n'wi hanyisa; ndzi ta n'wi kombisa ndlela, kutani ndzi ta n'wi chavelela ni lava rilaka na yena.”

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Yeremiya 17:14

Oho Yehovha, ndzi horise, leswaku ndzi hanya; u ndzi ponisa, kutani ndzi ta ponisiwa.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 3:22

“Tlhelani, n'wina vana lava hambukeke, kutani ndzi ta horisa ku hambuka ka n'wina.” “Languta, ha ta eka wena hikuva u Yehovha, Xikwembu xa hina.

Yeremiya 33:6

Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

Hosiya 14:4

Ndzi ta horisa vuhundzuki bya vona ndzi va rhandza hi mbilu hinkwayo ya mina; hikuva vukari bya mina byi sukile eka vona.

Zakariya 7:11

Kambe va arile ku yingisa, va nonon'hwisa makatla ya vona, va pfala tindleve ta vona, leswaku va nga twi.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Marka 4:12

swi ri leswaku hambi ku ri ku vona, va vona, kambe va nga vonisisi; hambi ku ri ku yingisa, va yingisa, kambe va nga twisisi; leswaku va nga tshuki va hundzuka, kutani va rivaleriwa swidyoho.”

Luka 19:42

“Yo! Loko ngi na wena u ti tivile hi siku leri ra wena, timhaka leti ta ku rhula ka wena! Kambe sweswi, ti fihleriwe mahlo ya wena.

Timhaka 28:27

hikuva mbilu ya tiko leri, yi nonisiwile tindleve ta rona ta nonon'hwa ku yingisa, ri swinyile mahlo leswaku ri nga ti vona hi mahlo, ri nga ti twa hi tindleve, ri nga ti swi twa hi mbilu, ri nga ti hundzuka, kutani ndzi nga ti ri hanyisa.’

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Timhaka 7:57

Kutani va tlakusa marito, va ba huwa, va tisiva tindleve, kutani va wela hinkwavo swin'we ehenhla ka yena.

2 Timotiya 4:4

kutani va ta hambukisa tindleve ta vona entiyisweni, va ta hundzukela emitsheketweni.

Vaheveru 5:11

Emhakeni leyi, hi ni leswo tala leswi hi nga swi vulaka, kambe swa nonon'hwa ku swi hlamusela, hikuva mi hundzukile lava lolohaka eku yingiseni.

Nhlavutelo 22:2

Exikarhi ka xivandla xa muti, entlhandlukweni wun'wana ni wun'wana wa nambu, a ku ri ni murhi wa vutomi, lowu tswalaka mihandzu ya khume na mimbirhi, wu tswala mihandzu hi n'hweti yin'wana ni yin'wana, kutani matluka ya murhi lowo, i ya ku horisa matiko.