Matewu 13:11 - Xitsonga (Bibele)

¹¹ A va hlamula, a ku: “Hikuva n'wina mi nyikiwile ku tiva swihundla swa ku fuma ka le tilweni, kambe vona a va nyikiwanga.

BIBELE Mahungu Lamanene

¹¹ A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Testamente Leyimpsha Xichangana

¹¹ Avahlamula, aku: Hi lesvaku n'wina, minyikiwile kutiva svihundla sva Mfumu wa matilo, kambe vona avanyikiwanga.

Matewu 13:11 Iomraidhean Croise

Pisalema 25:14

Makungu ya Yehovha i ya lava n'wi chavaka, Ku va dyondzisa ntwanano wa yena.

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

Esaya 29:11

Kutani hlavutelo hinkwayo eka n'wina yi kotisa timhaka ta buku leyi lemeriweke; yi nyikiwa munhu la tivaka ku hlaya, kutani mi ku eka yena: “Yi hlaye-ke!” A hlamula, a ku: “Ndza hluleka, hikuva yi lemeriwile.”

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Matewu 13:10

Vadyondzisiwa va tshinela, va ku eka yena: “Xana u vulavulela yini na vona hi swifaniso?”

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Matewu 19:11

Kambe a ku eka vona: “A hi hinkwavo lava nga ni ku twisisa ka mhaka yoleyo, kambe hi vona ntsena lava nyikiweke vona.

Matewu 20:23

Kutani a ku eka vona: “Kunene mi ta nwela endzhekweni wa mina; kambe loko ku ri ku tshama evokweni ra mina ra xinene ni ra ximatsi, a ndzi na matimba ya ku nyika, loko ku nga ri eka lava swi nga lunghiseriwa vona hi Tatana.”

Marka 10:40

kambe loko ku ri ku tshama evokweni ra mina ra xinene, hambi ku ri eka le ra ximatsi, a hi mina ndzi nga nyikaka, kambe swi ta va swa lava lunghiseriweke swona.”

Marka 4:11

Kutani a ku eka vona: “N'wina mi nyikiwile ku tiva swihundla swa ku fuma ka Xikwembu, kasi eka lava nga ehandle, hinkwaswo swi humelela hi swifaniso;

Luka 8:10

Yena a ku: “N'wina mi nyikiwile ku tiva swihundla swa ku fuma ka Xikwembu, kambe van'wana va swi twa hi swifaniso, leswaku hambi va vona, va nga vonisisi, hambi va twa, va nga twisisi.

Yohane 6:65

Kutani a ku: “Hikwalaho ndzi nga mi byela, ndzi ku: A ku na munhu la nga taka eka mina, loko a nga nyikiwi hi Tatana.”

Yohane 7:17

Kungakuloko munhu a rhandza ku endla ku rhandza ka Xikwembu, u ta tiva dyondzo ya mina leswaku xana yi huma eka Xikwembu, kumbexana ndzi vulavula ndzi tisungulela swa mina.

Timhaka 16:14

Kutani wansati un'wana loyi va nge i Lidiya, muxavisi wa xivunguvungu, wa muti wa Tiyatira, la chavaka Xikwembu, a tshama a yingisa; kutani Hosi yi pfula mbilu ya yena leswaku a twisisa timhaka leti Pawulo a ti vulaka.

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

1 Vakorinto 13:2

Kutani hambi ndzi nga nyikiwa vuprofeta, ni loko ndzi tiva swihundla hinkwaswo ni vutlhari hinkwabyo; hambi ndzi ri ni ku pfumela hinkwako, ndzi ko ndzi tlakusa tintshava; kambe ndzi nga ri na rirhandzu, a ndzi nchumu.

1 Vakorinto 15:51

Maswivo, ndzi mi byela xihundla: Hi nga ka hi nga etleri hinkwerhu, kambe hi ta hundzuka hinkwerhu;

1 Vakorinto 2:14

Kambe munhu wa nyama a nga amukeri timhaka ta Moya wa Xikwembu; hikuva eka yena, i vuhunguki; kutani wa hluleka ni ku ti tiva, hikuva ti anakanyiwa hi Moya.

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

1 Vakorinto 4:1

Loko swi ri tano, munhu un'wana ni un'wana wa hi tiva leswaku hi malandza ya Kriste, ni vahlavuteri va swihundla swa Xikwembu.

1 Vakorinto 4:7

Hikuva i mani la ku hlawuleke eka un'wana? Xana u na yini lexi u nga xi nyikiwangiki xana? Kutani loko u xi nyikiwile, u tidzunisela yini kukota loko ngi u nga nyikiwanga xana?

Vaefesa 1:18

a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Vaefesa 5:32

Xihundla lexi xi kurile, kambe ndzi vulavurisa sweswo hi ku ringanisa Kriste ni Kereke.

Vaefesa 6:19

Na mina, mi ndzi khongelela, leswaku ndzi nyikiwa ku vulavula erivaleni, ndzi ta tiva ku hlavutela vanhu ndzi nga chavi nchumu xihundla xa Evhangeli,

Vakolosa 2:2

timbilu ta vona ti ta chaveleriwa loko va ri karhi va hlanganisiwa swin'we hi rirhandzu, va nyikiwa ku twisisa loku hetisekeke va ta tiva xihundla xa Xikwembu Tatana ni xa Kriste,

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

1 Timotiya 3:9

va hlayisa xihundla xa ku pfumela hi ripfalo leri tengeke.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

1 Yohane 2:20

Loko mi ri n'wina, mi amukerile ku cheriwa hi la kwetsimeke, kutani mi tiva hinkwaswo.

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.