Matewu 11:5 - Xitsonga (Bibele)

⁵ Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

BIBELE Mahungu Lamanene

⁵ Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Testamente Leyimpsha Xichangana

⁵ Svifamahlo svitlhela svivona, svilima svafamba, va nhlokonho vabasisiwa, lavofa tindleve vatwa, vafi vapfuka, svisiwana svibzeliwa Evhangeli.

Matewu 11:5 Iomraidhean Croise

2 TIHOSI 5:14

Sweswo, Naamani a ngirimela, a nghena kantlhanu na kambirhi eYordani, hilaha munhu wa Xikwembu a n'wi byeleke hakona, kutani nyama ya yena yi hola yi fana ni nyama ya xihlangi, a tenga.

2 TIHOSI 5:7

Kuteloko hosi ya Israele yi hlayile papila, yi handzula tinguvu ta yona yi ku: “Xana ndzi Xikwembu lexi tivaka ku dlaya ni ku hanyisa, leswi loyi a rhumeke eka mina leswaku ndzi hanyisa munhu nhlokonho ya yena? Tivani, mi twisisa leswaku a ndzi lavela nandzu.”

Pisalema 146:8

Yehovha u kutsula lava khomiweke; Yehovha u hanyanyisa mahlo ya lavo fa mahlo, U olola lava korhamisiweke. Yehovha u rhandza lavo lulama.

Pisalema 22:26

Lava nga ekhombyeni va ta dya va xurha; Lava lavaka Yehovha va ta yimbelela tinsimu ta yena; Timbilu ta n'wina ti ta hanya hi laha ku nga heriki.

Eksoda 4:11

Kutani Yehovha a ku eka yena: “I mani la endleke nomu wa munhu? Kumbe i mani la endlaka munhu mbheveve, kumbe lowo fa tindleve, kumbe la vonaka, kumbe lowo fa mahlo? Xana a hi mina Yehovha?

Esaya 29:18

Hi siku lero lava feke tindleve va ta yingisa timhaka ta Buku; kutani mahlo lama feke ma ta boxa vusiku ni munyama wa byona.

Esaya 29:19

Lava nga enhlomulweni va ta tsakela Yehovha; lava pfumalaka va ta titsakisa hi Mukwetsimi wa Israele.

Esaya 43:8

A va humese tiko lero fa mahlo leri nga ni mahlo, ni vo fa tindleve lava nga ni tindleve!

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Zakariya 11:7

Kavaloko ndzi risa tinyimpfu leti dlayiwaka, ti ri leti tsaneke ta ntlhambi; ndzi titekela mikhavi mimbirhi, wun'wana ndzi wu thya Tintswalo, wun'wana ndzi wu thya Vamba; ndzi risa ntlhambi kutani.

Matewu 10:8

Hanyisani lava vabyaka, pfuxani vafi, mi basisa va nhlokonho, mi hlongola mademona. Mi nyikiwile ntsena; na n'wina, va nyikeni ntsena.

Matewu 11:4

Yesu a hlamula, a ku eka vona: “Yanani mi ya tivisa Yohane leswi mi swi twaka ni leswi mi swi vonaka:

Matewu 12:13

Kutani a ku eka munhu yeloyi: “Tshambuluta voko ra wena.” A ri tshambuluta; kutani ri hanya kukota rin'wanyana.

Matewu 21:14

Kutani ku ta eka yena etempeleni vo fa mahlo, ni vo khwita, kutani a va hanyisa.

Matewu 5:3

“Ku katekile swisiwana emoyeni, hikuva ku fuma ka matilo i ka swona.

Matewu 9:30

Kutani mahlo ya vona ma hanyanya; kutani Yesu a va laya ngopfu, a ku: “Tilanguteleni leswaku mhaka leyi yi nga tiviwi hi munhu!”

Marka 7:37

Kutani va hlamala ngopfu, va ku: “U endlile hinkwaswo swinene, u twisa lava nga twiki, u vulavurisa lava nga vulavuriki.”

Marka 9:25

Yesu, kakuloko a vona vunyingi byi n'wi tsutsumela, a tshinya moya wa thyaka, a ku: “Moya lo wu nga vula vuriki, lowu nga twiki, ndza ku lerisa ndzi ri mina, ndzi ku: Huma ka yena, u nga ha ngheni eka yena.”

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Yohane 10:25

Yesu a va hlamula, a ku: “Ndzi mi byerile, kambe a mi pfumelanga; mitirho leyi ndzi yi tirhaka hi vito ra Tatana, hi yona leyi yi ndzi vulaka vumbhoni.

Yohane 10:38

Kambe loko ndzi yi tirha, hambi mi nga pfumeri eka mina, pfumelani mitirho leyi, leswaku mi tiva, mi va mi pfumela leswaku Tatana u le ka mina, na mina ndzi le ka yena.”

Yohane 2:23

Kakuloko a ha ri eYerusalema, hi siku ra nkhuvo wa Paseka, vanhu lavo tala va pfumela vito ra yena, loko va vona mahlori lawa a ma endlaka.

Yohane 3:2

a ta eka Yesu nivusiku, a ku eka yena: “Rabi, ha swi tiva leswaku u mufundhisi la humaka eka Xikwembu, hikuva a ku na munhu la nga endlaka mahlori lawa u ma endlaka, loko Xikwembu xi nga ri na yena.”

Yohane 5:36

Kambe mina ndzi ni vumbhoni lebyikulu ku tlula bya Yohane, hikuva mitirho leyi ndzi nga yi nyikiwa hi Tatana ku yi endla, mitirho leyi ndzi yi endlaka, hi yona leyi ndzi vulaka vumbhoni, leswaku ndzi rhumiwile hi Tatana.

Yohane 9:7

a ku eka yena: “Famba u ya hlamba evuhlambelweni bya Silowama” (hileswaku xirhumiwa).

Timhaka 2:22

“Vavanuna va Israele, yingisani timhaka leti: Yesu wa Nazareta wanuna loyi a kombisiweke eka n'wina hi Xikwembu hi mahlori, ni masingita, ni swikombiso leswi Xikwembu xi swi endleke ha yena exikarhi ka n'wina, hilaha mi swi tivaka hakona na n'wina,

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?