Matewu 11:25 - Xitsonga (Bibele)

²⁵ Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.

BIBELE Mahungu Lamanene

²⁵ Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Testamente Leyimpsha Xichangana

²⁵ Nkarhini wolowo Yesu avulavula aku: Nakukhensa Tatana, Hosi ya tilo ni misava, hikuva timhaka leti, utifihlele lava votlhariha, ni lava va vutivi, kambe utitivisile ka lavatsongo.

Matewu 11:25 Iomraidhean Croise

Genesa 14:19

Kutani a katekisa Abrama, a ku: “A ku katekisiwe Abrama hi Xikwembu xa le henhlahenhla, n'wini wa tilo ni misava;

Genesa 14:22

Kambe Abrama a hlamula hosi ya Sodoma, a ku: “Ndzi tlakuse voko eka Yehovha, Xikwembu xa le henhlahenhla, n'wini wa tilo ni misava, ndzi ri:

2 TIHOSI 19:15

Kutani Hezekiya a khongela Yehovha, a ku: “Yehovha, Xikwembu xa Israele, la tshamiseke exikarhi ka tikerubu! Wena ntsena u Xikwembu xa matiko hinkwawo ya misava; hi wena la endleke matilo ni misava.

1 TIKRONIKA 29:13

Oho! Xikwembu xa hina! Sweswi ha ku vonga, hi dzunisa vito ra wena leri kwetsimaka.

Ntirho 37:24

Hikwalaho, vanhu va fanele ku chava Xikwembu; A xi languti la tshembaka vutlhari bya yena.”

Pisalema 8:2

Wa tiyisa matimba ya wena hi milomu ya swihlangi ni ya lava an'waka. Hikwalaho ka lava lwaka na wena, Ku miyeta nala wa wena, ni la tirihiselaka.

Esaya 5:21

Va ni khombo lava tiendlaka lavo tlhariha emahlweni ya vona lava titshembaka emiehleketweni ya vona!

Esaya 66:1

Yehovha u vulavula sweswo, a ku: “Matilo i xiluvelo xa mina, ni misava i vunavelo bya mikondzo ya mina; hi yihi yindlu leyi mi nga ta ndzi akela Yona, ni xivandla xa ku wisa ka mina xi nga va xihi xana?

Daniele 2:23

Hi wena, Xikwembu xa vatata wa mina, loyi ndzi ku vongaka, ndzi ku dzunisaka hikuva u ndzi nyikile vutlhari ni matimba, u vuya u ndzi kombisa leswi hi swi kombeleke eka wena; hikuva u hi kombisile mhaka ya hosi.”

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Matewu 16:17

Yesu a hlamula, a ku eka yena: “U katekile, Simoni n'wana Yona, hikuva a hi nyama ni ngati leswi ku pfuleteleke sweswo, kambe i Tatana wa le tilweni.

Matewu 21:16

va ku eka yena: “Xana wa swi twa leswi va swi vulaka xana?” Yesu a ku eka vona: “Ina, xana a mi si hlaya timhaka leti nge: ‘Ku dzuniwa ka wena, u ku humesile ka milomu ya vana, ni ya lava an'waka’?”

Luka 22:42

“Tatana, loko u swi rhandza, tshineta ndzheko lowu ekule na mina! Kambe, ku nga endliwi ku rhandza ka mina, a ku endliwe ka wena.”

Luka 23:34

Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

Yohane 11:41

Kavaloko va susa ribye, laha mufi ingi a vekiwile kona; kutani Yesu a tlakusela mahlo ehenhla, a ku: “Tatana, ndza ku khensa hikuva u ndzi yingisile.

Yohane 12:27

“Sweswi, moya wa mina wa vaviseka; kutani ndzi to yini? ‘Tatana, ndzi ponise enkarhini lowu’? Kambe hi wona nkarhi lowu ndzi teleke wona.

Yohane 12:28

Tatana, dzunisa vito ra wena!” Kwalaho rito ri fika, ri huma etilweni, ri ku: “Ndzi ri dzunisile, ndzi ta engeta ndzi ri dzunisa.”

Timhaka 17:24

Xikwembu lexi nga endla misava ni hinkwaswo leswi nga eka yona, yi nga yona Hosi ya matilo ni misava, xi nga ka xi nga aki etitempeleni leti akiweke hi mavoko;

1 Vakorinto 2:10

Kambe Xikwembu xi hi pfuletele tona hi Moya wa xona; hikuva Moya wu lavisisa hinkwaswo, hambi swi ri leswi enteke swa Xikwembu.

2 Vakorinto 3:14

Kambe ku anakanya ka vona ku nonon'hwisiwile; hikuva ku fika sweswi, loko va hlaya timhaka ta ntwanano wa khale, xisirhelelo lexo xa ha tshamile, a xi nga suki, hikuva xi ngo susiwa hi Kriste ntsena.

1 SAMIELE 2:18

Samiele a tshama a tirha ntirho emahlweni ka Yehovha, a ri wandzisanyana la ambaleke efodi ya ntsembyana.