Matewu 11:16 - Xitsonga (Bibele)

¹⁶ “Kambe rixaka leri, xana ndzi ta ri fanisa na yini? Ri fana ni vana lava tshamiseke entsendzeleni, va byelana ni tintangha ta vona, va ku:

BIBELE Mahungu Lamanene

¹⁶ “Hikokwalaho, vanhu va masiku lawa, ndzi nga va fanisa na yini ke? Va fana ni swihlangi leswi huhaka entsendzeleni, swi huwelelana swi ku:

Testamente Leyimpsha Xichangana

¹⁶ Hikolaho, vanhu va masiku lawa, ningavafanisa ni yini ke? Vafana ni vatsongwana vohuha, lava vatshameke ndhawini yoxavisela ka yona na vali karhi valengetana vaku:

Matewu 11:16 Iomraidhean Croise

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Matewu 11:15

La nga ni tindleve ku yingisa, a a yingise.

Matewu 11:17

‘Hi mi bele nanga, kambe a mi cinanga; hi mi yimbelele maxangu, kambe a mi rilanga.’

Matewu 12:34

“Vana va timhiri, mi nga vurisa ku yini timhaka letinene, leswi mi nga ni nsele! Hikuva milomu yi vula leswi mbilu yi teleke swona.

Matewu 23:36

Ndzi vurisile ndzi ri eka n'wina: Leswo hinkwaswo swi ta humelela rixaka leri.

Matewu 23:7

ni ku losiwa emitsendzeleni, ni ku vuriwa hi vanhu: Rabi (hileswaku mufundhisi).

Matewu 24:34

Kunene, ndzi ri eka n'wina, rixaka leri, ri nga ka ri nga hundzi, leswo hinkwaswo swi nga si humelela.

Marka 12:38

Eku dyondziseni ka yena, a ku eka vona: “Chavani vatsari lava rhandzaka ku tifambela hi tinguvu leto leha ni ku xewetiwa emitsendzeleni;

Marka 4:30

A engeta kambe, a ku: “Ku fuma ka Xikwembu hi ta ku fanisa ha yini? Hi ta ku fanisa hi xifaniso xihi?

Luka 11:43

“Mi ni khombo n'wina Vafarisi, hikuva mi rhandza switshamo leswi nga emahlweni, emasinagogeni, ni ku xewetiwa emitsendzeleni.

Luka 13:18

Kutani a ku: “Ku fuma ka Xikwembu ku fana na yini; ndzi ta ku fanisa ha yini?