Matewu 11:1 - Xitsonga (Bibele)

¹ Kuteloko Yesu a hetile ku lerisa vadyondzisiwa va yena lava khume na vambirhi, a suka kwalaho a ya dyondzisa ni ku hlavutela emitini ya tiko ra vona.

BIBELE Mahungu Lamanene

¹ Kuteloko Yesu a hetile ku lerisa vadyondzisiwa va yena lava va khume na vambirhi, a suka kwalaho, a ya dyondzisa ni ku twarisa Evhangeli emitini ya vona.

Testamente Leyimpsha Xichangana

¹ Kuteloko Yesu ahetile kukombisana ni vajondzisiwa va yena lava va khume ni vambirhi, asuka kolaho, ayajondzisa ni kuchumayela Evhangeli madoropeni ya vona.

Matewu 11:1 Iomraidhean Croise

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Matewu 4:23

Kutani a famba hinkwako eGaleliya, a ri karhi a dyondzisa emasinagogeni ya kona, a vula Evhangeli ya ku fuma, a hanyisa vuvabyi byihi ni byihi, ni ku vaviseka hinkwako loku nga eka vanhu.

Matewu 7:28

Kuteloko Yesu a hetile ku vulavula loku, mitshungu yi hlamala ku dyondzisa ka yena;

Matewu 9:35

Kutani Yesu a tsendzeleka hi miti hinkwayo ni swimitana, a dyondzisa emasinagogeni ya kona, a vula Evhangeli ya ku fuma, a hanyisa mavabyi ni mikarhalo ya tinxakaxaka.

Marka 6:12

Kuteloko va sukile va famba va ri karhi va dyondzisa vanhu leswaku va hundzuka.

Luka 23:5

Kambe va chivirika, va ku: “U pfilunganya tiko hinkwaro ra Yudiya hi ku dyondzisa, ka hari mpfhuka a sungula eGaleliya, ku fika kwala.”

Luka 8:1

Endzhaku ka swona, Yesu a famba hi miti ni swimitana a ri karhi a dyondzisa, a vula Evhangeli ya ku fuma ka Xikwembu; na vona lava khume na vambirhi a va ri na yena,

Yohane 15:10

Loko mi hlayisa milawu ya mina, mi ta tshama erirhandzwini ra mina, hilaha na mina ndzi nga hlayisa milawu ya Tatana, kutani ndzi tshame erirhandzwini ra yena.

Yohane 15:14

Mi ta va vanakulorhi loko mi endla hinkwaswo leswi ndzi mi byelaka swona.

Timhaka 1:2

ku ko ku fika siku leri a nga tlhandlukisiwa etilweni ha rona, loko a lerisile hi Moya lowo Kwetsima vaapostola lava a va hlawuleke,

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Timhaka 10:42

Kutani u hi lerisile ku dyondzisa tiko ni ku tiyisa leswaku hi yena la vekiweke hi Xikwembu a va muavanyisi wa lava hanyaka ni lava feke.

1 Vatesalonika 4:2

Hikuva mi tiva ku lerisa loku hi mi nyikeke kona hi vito ra Hosi Yesu;

2 Vatesalonika 3:10

Hikuva kakuloko ha ha ri karikwenu, hi tshama hi mi byela, hi ku: Loko un'wana a ala ku tirha, ni ku dya, a nga tshuki a dya.

2 Vatesalonika 3:6

Ha mi khongotela, vamakwerhu, hi vito ra Yesu Kriste, Hosi ya hina, leswaku mi hambana ni makwenu wihi ni wihi la nga fambiki hi nawu ni ku dyondzisa loku a ku amukeleke eka hina.

1 Timotiya 6:14

Hlayisa nawu lowu, u nga ri na xivati ni xisandzu, ku fika siku ra ku vuya ka Yesu Kriste, Hosi ya hina,