Matewu 10:6 - Xitsonga (Bibele)

⁶ kambe mi ya eka tinyimpfu leti lahlekeke ta yindlu ya Israele.

BIBELE Mahungu Lamanene

⁶ kambe yanani eka Vaisraele, lava lahlekeke kukota tinyimpfu.

Testamente Leyimpsha Xichangana

⁶ kambe yanani ka Vaisrayele, lavalahlekeke kufana ni tinyempfu.

Matewu 10:6 Iomraidhean Croise

Pisalema 119:176

Ndzi ri karhi ndza tsendzeleka ku fana ni nyimpfu leyi lahlekeke: Lava nandza wa wena, hikuva a ndzi rivali ku lerisa ka wena.

Esaya 53:6

Hinkwerhu a hi pepetseka tanihi tinyimpfu, a hi famba un'wana ni un'wana endleleni ya yena, kutani Yehovha u n'wi rhwexile ku dyoha ka hina hinkwerhu.

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Yeremiya 50:6

“Tiko ra mina a ri kotisa ntlhambi wa tinyimpfu leti lahlekeke, varisi va tona a va ti hambuxa, va ti fambisa etintshaveni ni le switsungeni, ti kondza ti rivala tshanga ra tona.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Ezekiele 34:4

Tinyimpfu leti tsaneke, a mi ti tiyisanga, a mi hanyisanga leyi vabyaka, a mi bohelelanga leya mbanga, a mi landzanga leyi tlheleke, ni loko ku ri ku lava leyi lahlekeke; kambe mi ti fume hi matimba ni ku xanisa.

Ezekiele 34:6

Tinyimpfu ta mina ti yingayinga etintshaveni hinkwato, ni le henhla ka swintshabyana hinkwaswo leswo tlakuka; tinyimpfu ta mina ti hangalaka emisaveni hinkwayo, ku nga ri na loyi a ti lavisisaka, ku nga ri na loyi a ti lavaka.

Ezekiele 34:8

Ndza hanya, ku vula Hosi Yehovha; hakunene hikuva ntlhambi wa mina wu ve timbhari, kutani tinyimpfu ta mina ti hundzuke swakudya swa swivandza hinkwaswo swa tiko hi ku pfumala murisi kutani varisi va mina va nga lavi tinyimpfu ta mina; kambe varisi va tiphamela, va nga phameri tinyimpfu ta mina,

Matewu 18:10

“Tilanguteleni, mi nga tshuki mi sola un'wana wa lavatsongo lava hikuva ndzi ri eka n'wina, tintsumi ta vona ematilweni ti languta hi masiku mombo wa Tatana la nga ematilweni.

Matewu 18:11

Hikuva N'wana wa Munhu u tile ku ta hanyisa leswi loveke.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Timhaka 13:46

Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 3:26

Xikwembu xi sungurile ha n'wina, ku mi humesela nandza wa xona Yesu, xi n'wi rhuma ku ta mi katekisa, hi ku hundzuluxa un'wana ni un'wana wa n'wina eku biheni ka yena.”

1 Petro 2:25

Hikuva a mi fana ni tinyimpfu leti lahlekeke, kambe sweswi, mi tlhele mi hundzukela eka murisi ni mulanguteri wa mimoya ya n'wina.