Matewu 10:19 - Xitsonga (Bibele)

¹⁹ Kambe siku va mi nyiketaka vona, mi nga tshuki mi kanakana hilaha mi nga ta vulavula hakona, ni leswi mi nga ta swi vula, hikuva leswi mi nga ta swi vula, mi ta swi nyikiwa enkarhini wolowo.

BIBELE Mahungu Lamanene

¹⁹ Kambe siku va mi nyiketaka eka vona, mi nga kanakani hi leswi mi nga ta vula swona ni mavulavulele ya kona; hikuva sweswo, mi ta nyikiwa swona enkarhini wolowo.

Testamente Leyimpsha Xichangana

¹⁹ Kambe siku leri vaminyiketaka ka vona, mingakanakaneni hi lesvi mingatavula svona ni mavulavulela yakona; hikuva svosvo, mitanyikiwa svona nkarhini wolowo.

Matewu 10:19 Iomraidhean Croise

Eksoda 4:12

Famba sweswi, ndzi ta va ni nomu wa wena, ndzi ku dyondzisa leswi u nga ta swi vulavula.”

Eksoda 4:15

U ta vulavula na yena, u veka marito enon'wini wa yena, kutani ndzi ta va ni milomu ya n'wina, ndzi mi dyondzisa leswi mi nga ta swi endla.

Yeremiya 1:7

Yehovha a ku eka mina: “U nga tshuki u ku: ‘Ndzi xihlangi!’ Hikuva u ta famba eka hinkwavo lava ndzi nga ta ku rhuma eka vona, kambe u vulavula hinkwaswo leswi ndzi nga ta ku lerisa swona.

Yeremiya 1:9

Ku va laha Yehovha a tshambulutaka voko ra yena, kutani a khumba nomu wa mina, a ku eka mina: “Vona, ndzi veka marito ya mina enon'wini wa wena.

Matewu 10:18

Kambe va ta mi yisa emahlweni ka tindhuna, ni le mahlweni ka tihosi hikwalaho ka mina, mi va timbhoni ta mina eka vona, ni ka vamatiko.

Matewu 6:25

“Hilaha ndzi nge eka n'wina: Mi nga tshuki mi kanakana hi swa vutomi bya n'wina, leswi mi nga ta dya, ni ku nwa, hambi swi ri swa miri wa n'wina, leswi mi nga ta swi funengela. Xana vutomi a byi tluri swakudya-ke? Ni miri, a wu tluri swa ku funengela-ke?

Matewu 6:31

Hikwalaho-ke mi nga vileri hileswaku: ‘Hi ta dya yini, kumbe hi ta nwa yini, kumbe hi ta ambala yini?’

Matewu 6:34

“Hikwalaho-ke, mi nga tshuki mi kanakana hi swa mundzuku, hikuva mundzuku wu ta tikarhatela swa wona. Ku karhateka ka siku rin'wana ni rin'wana ku ringene rona.

Luka 12:11

“Kutakuloko va mi yisa emasinagogeni, ni ka lavakulu, ni ka tihosi, mi nga tshuki mi vilela hi mukhuva lowu mi nga ta tihlamulela ha wona, hambi swi ri leswi mi nga ta swi vula;

Luka 12:12

hikuva Moya lowo Kwetsima wu ta mi dyondzisa enkarhini wolowo, leswi mi fanelaka ku swi vula.”

Timhaka 6:10

Kambe va hluleka ku lwa ni vutlhari bya yena ni moya lowu a nga vulavula ha wona.

Vafilipiya 4:6

Mi nga tshuki mi kanakana ha nchumu; kambe etimhakeni hinkwato, tivisani ku pfumala ka n'wina eka Xikwembu hi ku khongela, ni ku kombela, mi va mi khensa;

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.