Matewu 10:15 - Xitsonga (Bibele)

¹⁵ Kunene ndzi ri eka n'wina: ku biwa ka muti wolowo ku ta tlula ka Sodoma na Gomora hi siku ra ku avanyisiwa.

BIBELE Mahungu Lamanene

¹⁵ Ndzi tiyisile ndzi ri ka n'wina, hi siku ra ku avanyisiwa, tiko ra Sodoma na Gomora ri ta vevukiseriwa ku tlula muti wolowo.

Testamente Leyimpsha Xichangana

¹⁵ Nitiyisile nili ka n'wina: Hi siku ra kuyavanyisa, tiko ra Sodoma na Gomora ritavevukiseliwa kutlula doropa rolero.

Matewu 10:15 Iomraidhean Croise

Matewu 12:36

Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

Matewu 5:18

Hikuva kunene, ndza mi byela, ndzi ri: Tilo ni misava swi ko swi hundza, yota, hambi yi ri yin'we, ni valanyana, hambi ri ri rin'we ra nawu, swi nga ka swi nga hundzi ku nga si endleka swilo hinkwaswo.

Matewu 7:22

“Enkarhini wolowo van'wanyana va ta ku eka mina: Hosi, hosi, xana a hi dyondzisanga hi vito ra wena-ke? Xana a hi hlongolanga mademona hi vito ra wena-ke? Xana a hi endlanga masingita layo tala hi vito ra wena-ke?

Marka 6:11

Kutani hinkwavo lava alaka ku mi amukela ni ku mi yingisa loko mi huma eka vona, mi phumunha ntshuri lowu nga emilengeni ya n'wina, byi va vumbhoni eka vona. Kunene, ndza mi byela, ndzi ri: Sodoma na Gomora va ta twa ku olova ku tlurisa muti wolowo hi siku ra ku avanyisa.

Yohane 12:48

La ndzi alaka, a nga amukeri marito ya mina, u ni la n'wi avanyisaka; rito leri ndzi nga ri vula, hi rona leri nga ta n'wi avanyisa hi siku ra makumu.

Yohane 6:39

Kambe ku rhandza ka Tatana la ndzi rhumeke, hileswaku ndzi nga lahli nchumu wa hinkwaswo leswi a ndzi nyikeke swona, kambe ndzi n'wi pfuxa hi siku ra makumu.

Yohane 6:40

Hi kona ku rhandza ka loyi a ndzi rhumeke, hileswaku un'wana ni un'wana la langutaka N'wana, a pfumela eka yena, a va ni vutomi lebyi nga heriki; kutani mina ndzi ta n'wi pfuxa hi siku ra makumu.”

Timhaka 17:31

Hikuva xi vekile siku leri xi nga ta avanyisa misava ha rona hi mukhuva lowo lulama, hi wanuna loyi xi n'wi hlawuleleke swona; kutani xi tiyisile eka hinkwavo mhaka leyi, hi ku n'wi pfuxa eku feni.”

1 Vakorinto 3:13

ntirho wa un'wana ni un'wana wu ta vonaka: hikuva wu ta humesiwa eku vonakaleni esikwini ra Hosi, hikuva wu ta kombisiwa hi ndzilo; kambe ndzilo wu ta ringeta ntirho wa un'wana ni un'wana leswaku wu te yini.

1 Vatesalonika 5:4

Kambe loko mi ri n'wina vamakwerhu, a mi le munyameni, siku rero ri nga mi weli hi xitshuketo kukotisa khamba.

Vaheveru 10:25

Hi nga tshuki hi tshika nhlengeletano ya hina hi mukhuva wa van'wana, kambe hi khongotelana, ngopfu leswi mi vonaka siku ri tshinelaka.

2 Petro 2:6

ni loko xi avanyisile miti ya Sodoma na Gomora hi ku yi pfilunganya, ni ku yi hundzula mikuma, leswaku lava lavaka ku sandza va vekeriwa xitsundzuxo;

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

2 Petro 3:7

Kambe matilo ni misava ya sweswi, swi hlayiseriwa ndzilo hi rito rolero, swi londzovotiwa ku ya fika siku ra ku avanyisa, ni ra ku lova ka vanhu lava nga chaviki Xikwembu.

1 Yohane 4:17

Laha rirhandzu ri hetisekeke hakona eka hina leswaku hi va ni ku tshemba loku tiyeke hi siku ra ku avanyisa, hileswaku lexi xi nga xona, na hina hi va xona emisaveni leyi.

Yuda 1:6

kambe, ni tintsumi leti nga hlayisangiki swa ku sungula ka tona, kambe ti sukele ekaya ka tona, yi ti hlayisile emunyameni, hi ku bohiwa loku nga heriki, ku langutela kona ku avanyisa ka siku lerikulu.

Yuda 1:7

Kukotisa Sodoma na Gomora, ni miti leyi ngi yi ri ekusuhi na kona, yi nga leyi tinyiketeke vuoswini ni ku landzela nyama yimbe, hi mukhuva wu ri wun'we na tona, miti leyi yi vekiwile ku va xikombiso, yi ri karhi yi avanyiseriwe ndzilo lowu nga heriki.