Matewu 1:11 - Xitsonga (Bibele)

¹¹ Amoni a veleka Yosiya, Yosiya a veleka Yekoniya ni vamakwavo hi nkarhi Vayuda va yisiwaka evukhumbini eBabilona.

BIBELE Mahungu Lamanene

¹¹ Yosiya a veleka Yekoniya na vamakwavo, enkarhini lowu va yisiweke ha wona evukhumbini, eBabilona.

Testamente Leyimpsha Xichangana

¹¹ Yosiya aveleka Yekoniya ni vamakwavu, nkarhini lowu vayisiweke ha wona vukaraweni, Babilona.

Matewu 1:11 Iomraidhean Croise

2 TIHOSI 23:31

Yowahazi a a ri wa malembe ya 23 loko a sungula ku fuma, a fuma tin'hweti tinharhu eYerusalema. Vito ra mana wa yena a a ri Hamutala n'wana Yeremiya, wa Libina.

2 TIHOSI 24:14

A teka vaaki hinkwavo va Yerusalema, ni tindhuna hinkwato ni vafuwi hinkwavo, a famba na vona, va ri vakhomiwa va 10 000, a teka ni vavatli hinkwavo ni vafuri; ku sala swisiwana swa tiko ntsena.

2 TIHOSI 25:11

Loko va ri vanhu lava seleke, lava tshameke emutini ni lava balekeke, lava tinyiketeke eka hosi ya Babilona, ni leswi seleke swa vunyingi bya vanhu, Nebuzaradani, ndhuna ya valanguteri, a va yisa evukhumbini.

2 TIKRONIKA 36:10

Eku heleni ka lembe, hosi Nebukadnetsara a rhuma vanhu ku n'wi khoma, va n'wi yisa eBabilona, ni swibya leswo saseka swa yindlu ya Yehovha. A veka Sedekiyasi makwavo, hosi ya Yuda na Yerusalema.

2 TIKRONIKA 36:20

A yisa Babilona lava poneke matlharini, kutani va n'wi tirhela ni vana va yena, ku ko ku pfuka vuhosi bya ku fuma ka Peresi,

Esaya 13:1

Ku avanyisiwa ka Babele loku kombisiweke Esaya, n'wana Amotsi.

Yeremiya 27:20

eka leswi Nebukadnetsara, hosi ya Babilona, a nga swi tekangiki siku a khomeke Yekoniya, n'wana Yoyakimi, hosi ya Yuda, le Yerusalema, a n'wi yisa evukhumbini le Babilona, swin'we ni vakulukumba hinkwavo va Yuda ni va Yerusalema.

Yeremiya 39:9

Masalela ya tiko lama seleke emutini, ni vabaleki lava nga tinyiketa yena, ni lava seleke va tiko, Nebuzaradani, ndhuna ya valanguteri a va yisa eBabilona.

Daniele 1:2

Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

Matewu 1:12

Kutani Yekoniya a veleka Salatiele loko tiko ra ha ku yisiwa eBabilona; Salatiele a veleka Zerubabele;

Matewu 1:17

Kutani sweswi, loko ku sunguriwa ha Abrahama ku fika eka Davhida, tinxaka hinkwato, i tinxaka ta khume na mune; loko ku sunguriwa ha Davhida ku fikela evukhumbini bya Babilona, i tinxaka ta khume na mune; kutani loko ku sunguriwa evukhumbini bya Babilona ku fikela eka Kriste, i tinxaka ta khume na mune.