Marka 8:2 - Xitsonga (Bibele)

² “Ndzi twela vunyingi lebyi, vusiwana; hikuva hi masiku manharhu va tshamile eka mina va nga ri na swakudya.

BIBELE Mahungu Lamanene

² “Ndzi twela ntshungu lowu evusiwana, hikuva swi endla masiku manharhu va tshame na mina, kutani a va ha ri na swakudya.

Testamente Leyimpsha Xichangana

² “Nitwela vusiwana xitshungu lexi, hikuva sviyendla masiku manharhu na xitshame na mina, kutani axahali na svakuja.

Marka 8:2 Iomraidhean Croise

1 TIHOSI 19:6

Kavaloko a languta, kutani a vona exiseketelweni xa yena ximbundzu lexi katingiweke henhla ka maribye lama hisaka ni khuwana ra mati: a dya, a nwa kutani a engeta a etlela.

Pisalema 103:13

Hi laha tatana a nga ni tintswalo eka vana va yena, Hi sweswo Yehovha u ni tintswalo eka lava n'wi chavaka.

Pisalema 145:15

Mahlo ya swivumbiwa hinkwaswo ma langutile ka wena, Kutani u swi nyika swakudya hi nkarhi wa swona.

Pisalema 145:8

Yehovha u ni tintswalo u ni nsovo, U hlwela ku kariha u tsetselela ngopfu.

Mikiya 7:19

Xi ta tlhela xi hi tsetselela, xi kandziyela ku dyoha ka hina, u ta hoxela swidyoho hinkwaswo swa hina eswidziveni swa lwandle.

Matewu 14:14

Yesu, kakuloko a huma, a vona mitshungu leyikulu, a va twela vusiwana, a hanyisa lava vabyaka exikarhi ka vona.

Matewu 20:34

Kavaloko Yesu a va twela vusiwana, a khumba mahlo ya vona; kutani hi nomu wolowo mahlo ya vona ma tlhela ma vona, kutani va n'wi landza.

Matewu 9:36

Kuteloko a vone mitshungu, a yi twela vusiwana hikuva a va karhele, a va hangalakile va kota tinyimpfu leti nga riki na murisi.

Marka 1:41

Yesu a n'wi twela vusiwana, a tshambuluta voko, a n'wi khumba, a ku eka yena: “Ndza swi rhandza, u basisiwa.”

Marka 5:19

Kambe Yesu a nga n'wi pfumelelanga, ntsena a ku eka yena: “Famba eka rikwenu ni ka vamakwenu, u ya va tivisa hinkwaswo leswi Hosi yi ku endleleke swona, ni hilaha yi ku tweleke vusiwana hakona.”

Marka 6:32

Kavaloko va nghena ebyatsweni, va ya emananga va ri swavo.

Marka 6:34

Kuteloko Yesu a huma ebyatsweni, a vona vunyingi lebyikulu, a va twela vusiwana, hikuva a va fana ni tinyimpfu leti nga riki na murisi; kutani a sungula ku va dyondzisa timhaka leto tala.

Marka 8:3

Kungakuloko ndzi va tlherisela ekaya ka vona va ri ni ndlala, va nga hela matimba endleleni, hikuva van'wana va vona va tile hi le kule.”

Marka 9:22

kutani wu n'wi cukumetele kanyingi endzilweni ni le matini ku n'wi lovisa; kambe loko u swi kota, hi pfune, hi twele vusiwana.”

Luka 15:20

Kwalaho a pfuka, a ya eka tata wa yena. Kakuloko a ha ri ekule, tata wa yena a n'wi vona, a n'wi twela vusiwana; kutani a tsutsuma, a wela enhan'wini ya yena, a n'wi ntswontswa.

Luka 7:13

Kuteloko Hosi yi n'wi vona, yi n'wi twela vusiwana, yi ku eka yena: “U nga rili.”

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Vaheveru 5:2

a ri karhi a swi kota ku tsetselela lava nga tiviki, ni lava lahlekeke, leswi na yena a rhendzeriwaka hi mikarhalo.