Marka 7:26 - Xitsonga (Bibele)

²⁶ Wansati loyi, a a ri Mugriki, wa rixaka ra Vasiro-Fenikiya; a n'wi khongela leswaku a hlongola demona ri huma eka n'wana wa yena.

BIBELE Mahungu Lamanene

²⁶ Wansati loyi a a ri wamatiko, wa rixaka ra Vasiro-Fenikiya; a kombela Yesu leswaku a hlongola demona, ri huma ka n'wana wa yena.

Testamente Leyimpsha Xichangana

²⁶ Wansati lweyi aali wa matiko, wa rixaka ra Vasiro-Fenisa; akombela Yesu lesvaku ahlongola dimoni, rihuma ka n'wana wa yena.

Marka 7:26 Iomraidhean Croise

Esaya 49:12

“Vona, van'wana va huma ekule! Van'wana va huma edzongeni ni le vupeladyambu. Van'wana va huma etikweni ra va Sina!”

Matewu 15:22

Kutani ku humelela wansati wa Kanana la humeke ematlhelweni walawo, a huwelela, a ku: “Ndzi twele vusiwana, Hosi, n'wana Davhida, n'wana wa mina wa wanhwanyana u vabya ngopfu hi mademona.”

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Marka 7:25

hikuva wansati loyi n'wana wa yena a ngheniweke hi moya wa thyaka, u n'wi twile leswaku u kona, kutani a ta a khinsama emilengeni ya yena.

Marka 7:27

Kambe Yesu a ku eka yena: “Tshika vana va rhanga va dya va xurha, hikuva a swi sasekanga ku tekela vana vuswa ku byi hoxela swimbyanyana.”

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.