Marka 7:22 - Xitsonga (Bibele)

²² ni ku yiva, ni ku navela rifuwo, ni lunya, ni ku xisa, ni ku titshika, ni mahlo layo biha, ni xisandzu, ni ku tikurisa, ni vuhunguki.

BIBELE Mahungu Lamanene

²² ni vuoswi, ni ku navela rifuwo; hi kona ku humaka lunya, ni ku xisa, ni swa tingana, ni mavondzo, ni ku sandza, ni ku tikurisa, ni vuhunguki.

Testamente Leyimpsha Xichangana

²² vuwosvi, kunavela rifuwo; hi kona kuhumaka lunya, kuxisa, sva tingana, mavondzo, kusandza, kutikulisa ni vuhunguki.

Marka 7:22 Iomraidhean Croise

2 TIKRONIKA 32:31

Kakuloko tihosi ta Babilona ti rhuma tintsumi eka yena ku vutisa mahlori lama humeleleke etikweni ra Israele, Xikwembu xi n'wi tshika ku n'wi ringa xi ta tiva hinkwaswo leswi ngi swi ri embilwini ya yena.

Pisalema 10:4

Lowo biha, eku tikuriseni ka yena, a ku: A nga ka a nga vutisisi; “Xikwembu a xi kona”; hi kona ku anakanya ka yena hinkwako.

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Swivuriso 12:23

Muxiyaxiyi u fihla vutivi, Kambe mbilu ya xihunguki yi dzunisa vuhunguki bya yona.

Swivuriso 22:15

Vuhunguki byi bohelela mbilu ya n'wana, Kambe nhonga ya ku laya yi ta byi susa eka yena.

Swivuriso 23:6

U nga dyi vuswa bya xivondzoki, U nga naveli swakudya swa xona leswi xawulaka;

Swivuriso 24:9

Makungu ya vuhunguki i xidyoho ntsena, Ni musori i manyala eka vanhu.

Swivuriso 27:22

Hambi u kandza xihunguki entshurini, U kandza hi musi u pfanga ni mavele lama siriwaka, Vuhunguki bya xona byi nga ka byi nga n'wi sukeli.

Swivuriso 28:22

Munhu wa tihlo lero biha, u tsutsumela rifuwo, Kasi a nga tivi leswaku ndlala yi ta n'wi wela ehenhla.

Eklesiasta 7:25

Kutani ndzi pfumelelana ni mbilu ya mina ku lava ni ku tiva, ni ku lavisisa vutlhari ni ku tivisisa leswaku ku homboloka i vuhunguki, ni vuphukuphuku i rihuhu.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Matewu 20:15

Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

Matewu 6:23

Kambe loko tihlo ra wena ri bihile, miri hinkwawo wa wena wu ta va emunyameni. Kutani-ke, loko ku vonakala loku nga eka wena wu ri munyama, munyama wona wu ta va lowo yini!

Marka 7:21

Hikuva endzeni, etimbilwini ta vanhu, hilaha ku humaka miehleketo leyo biha, ni vuoswi, ni vugangu, ni ku dlaya,

Marka 7:23

Ku biha kuloku hinkwako ku huma endzeni, kutani hi kona loku nyamisaka munhu.”

2 Vakorinto 10:5

ni ku hlanhla makungu, ni rirhangu hinkwaro leri tlakukeke, leri sivelaka ku tiva ka Xikwembu, ni ku byisa mianakanyo hinkwayo eku yingiseni ka Kriste;

Duteronoma 15:9

Tilangutele leswaku ku nga tshuki ku ve embilwini ya wena miehleketo ya ku biha, u ta ku: ‘Lembe ra ntlhanu na mambirhi ra ku tshunxa ra tshinela,’ kutani u languta makwenu wa xisiwana, hi tihlo ra wena ra ku biha u nga n'wi nyiki nchumu; hikuva a nga huwelela eka Yehovha, kutani u nga kumiwa u ri ni nandzu.

Duteronoma 28:54

Kutani wanuna la tirhandzaka hi ku tlurisa exikarhi ka n'wina, u ta languta hi tihlo lero biha makwavo, ni nsati wa xifuva xa yena, ni lava seleke va vana va yena, lava a va tshikeke va hanya,

Duteronoma 28:56

Wansati la tirhandzaka hi ku tlurisa exikarhi ka n'wina, la chavaka hi ku tirhandza ka yena, ku kandziya ehansi hi nkondzo wa yena, u ta languta hi tihlo lero biha nuna wa xifuva xa yena, ni n'wana wa yena wa wanuna, hambi wa wansati,

1 Petro 2:15

Hikuva hi kona ku rhandza ka Xikwembu, leswaku hi ku endla leswinene, mi miyeta vuphukuphuku bya vanhu lava nga tiviki nchumu;

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”