Marka 7:21 - Xitsonga (Bibele)

²¹ Hikuva endzeni, etimbilwini ta vanhu, hilaha ku humaka miehleketo leyo biha, ni vuoswi, ni vugangu, ni ku dlaya,

BIBELE Mahungu Lamanene

²¹ hikuva endzeni, etimbilwini ta vanhu, hi kona ku humaka miehleketo leyo biha, ni vuphukuphuku, ni ku yiva, ni ku dlayana,

Testamente Leyimpsha Xichangana

²¹ hikuva ndzeni, timbilwini ta vanhu, hi kona kuhumaka miyehleketo leyobiha, vuphukuphuku, vuyivi, vudlayi,

Marka 7:21 Iomraidhean Croise

Genesa 6:5

Kutani Yehovha a vona leswaku ku biha ka vanhu ku kurile emisaveni, ni miehleketo hinkwayo ya timbilu ta vona yi kongoma ku biha ntsena hi masiku hinkwawo,

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Ntirho 14:4

Xana ku nga huma munhu la baseke eka munhu wa thyaka? Ku nga ka ku nga humi na un'we.

Ntirho 25:4

Munhu la faka a nga lulamisa ku yini emahlweni ka Xikwembu? La velekiweke hi wansati a nga tenga hi ku yini xana?

Pisalema 119:36

Kokela mbilu ya mina leswaku yi yingisa ku tsundzuxa ka wena, Ku nga ri leswaku yi rhandza ku fuwa.

Pisalema 14:1

Xihunguki xi te embilwini ya xona: “A ku na Xikwembu!” Va borile; mitirho ya vona yi ni manyala; A ku na la endlaka swinene.

Pisalema 14:3

Hinkwavo va hambukile, va tionhile swin'we; A ku na la endlaka swinene, hambi a ri un'we.

Pisalema 53:1

Xihunguki xi ku embilwini ya xona: “A ku na Xikwembu!” Va borile va hundzuluxe ku biha ka vona manyala; A ku na un'we la endlaka leswinene.

Pisalema 53:3

Hinkwavo va hambukile, hinkwavo va tionhile kun'we; A ku na loyi a endlaka leswinene, hambi a ri un'we.

Swivuriso 15:25

Yehovha u mbundzuxa yindlu ya lava tikurisaka, Kambe u tiyisa ndzilakana ya nsimu ya noni.

Swivuriso 4:23

Hlayisa mbilu ya wena ku tlurisa leswi hlayisiwaka, Hikuva i xihlovo xa vutomi.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Esaya 59:7

milenge ya vona yi tsutsumela eku biheni, yi ni matsambo ku ya halata ngati leyi nga riki na nandzu; miehleketo ya vona i miehleketo ya ku dyoha ku onhaka ni makhombo swi le tindleleni ta vona.

Yeremiya 16:12

Kambe n'wina mi endla mitirho leyo biha ku tlula vatata wa n'wina; kutani mi famba un'wana ni un'wana eku tinonon'hwiseni ka mbilu leyo biha ya yena, leswaku mi nga ti ndzi yingisa.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Ezekiele 38:10

“Hosi Yehovha u vulavula sweswo, a ku: Hi siku rero mianakanyo yi ta humelela embilwini va wena, u ta endla makungu layo biha.

Matewu 15:19

Hikuva miehleketo leyo biha, ni ku dlayana, ni timholovo, ni vuoswi, ni vukhamba, ni ku hembelana, ni ku sandzana swi huma embilwini,

Matewu 9:4

Kavaloko Yesu a tiva ku anakanya ka vona, a ku: “Mi anakanyela yini swo biha etimbilwini ta n'wina?

Marka 7:20

Kutani a ku: “Leswi humaka eka munhu hi swona leswi nyamisaka munhu.

Marka 7:22

ni ku yiva, ni ku navela rifuwo, ni lunya, ni ku xisa, ni ku titshika, ni mahlo layo biha, ni xisandzu, ni ku tikurisa, ni vuhunguki.

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

Timhaka 5:4

A ndzi ku: Nsimu, ni loko u tihlayisele yona, a yi nga ri ya wena-ke? Ni loko yi xavisiwile, nxavo wa yona a wu nga ri wa wena-ke? Mhaka leyi, u yi nghenisise ku yini embilwini ya wena? A ku hembelangi vanhu, kambe u hembele Xikwembu.”

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Varhoma 7:5

Hikuva, kuteloko a ha ha ri enyameni, ku navela lo ko biha ka vudyoho loku karihisiwaka hi nawu, a ku tirha eswirhweni swa hina, ku va ku vekela rifu mihandzu.

Varhoma 7:8

Kambe vudyoho byi kumile nkarhi eku leriseni, kutani byi humesile ku navela hinkwako ka mina; hikuva, nawu loko wu nga ri kona, vudyoho byi file.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Yakobo 2:4

a mi hlawulanga etimbilwini ta n'wina xana, mi va vaavanyisi va ku anakanya loko biha?